![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F52%2Fd6%2F52d6cfc7dace49f22bfc8d6a5261b764f62b104f%2F52d6cfc7dace49f22bfc8d6a5261b764f62b104f.jpeg/full/!250,/0/default)
Romtechei er a Ikelesia
Aki olengit er kemiu a re home teachers el mo omtechei er a Dios el mo er a Rengelkel, el mo oubeltik el reng e omekerreu e meluluuch el kirir a rechad el kau miltutk el mo omes er tir.
Ng diak el sal meketeket er a memong e a mesobil odos, el kuleker ngii el Molly, a mlei remei ruriul er a ureor e mesa two inch (5 cm) el ralm el mla tochebii a ulolel cheungel a blai. Ng ulemdasou el kmo a retonari, el tir me ngii ousbech er a osisiu el baeb er a ralm, a locha ulusbech er a kmal klou el ralm el mesilk malechub e te melecholb er tial sils le ikal mekikiongel el ralm a mla me tuobed er cheungel a blil.
Ng mocha omekedong er a sechelil lolengit a ngesou, me tir el terung a mocha olengakd er tial ralm e melemed er a ulaol. E ng melengod a chesimer. Ngika el sechelil a uleldiu er ngii, “Te home teachers er kau!”
A Molly ulecherechur. “Ng ulebongel el sils er chelechal buil,” ng millekoi, “e ng di a kmal medengei el kmo te diak el home teachers er ngak.”
Ng di dimlak loureacher, e dekimes a bilel, me a cheiul a blunt, me a tebkuro ngara chimal, e ng mocha mekengii a chesimer a Molly. Tial teletelel a kmal diak bo el uai se er a lesterir tirkal chad el dechor er a tuangel. Te mle home teachers er ngii!
“Ng bai locha mle sebecherir nguu a bomb er a ralm! Ngii a uluuchais er ngak ruriur. “Ng meral mle mengasireng el teletael er a rodingel sel teletael el Rodam a blechoel ouchais el kirel er a temel a klou el ongdibel!” Ngii a millemolm: “Engdi ak dirk merech er ngak el diak kudengei el kmo ak dmungel a mederir malechub ak mesterir olemed, e te melkinga el kmo, ‘Molly, mousubes. Kau tial mechesang. Ng diak el somam el mengesang er kau, me ki morael me a kuk ta er a taem.’ E merolang.”
“Ng techang?” ngika el sechelil el mlara basement a oker.
“Ng mle soak el dmu el kmo, ‘Te kmal diak el tirkel Tedei el Nephites,’” ng millekoi a Molly, “ e ng di a kulserechii a renguk e mekekokak el dula el kmo, ‘Te home teachers er ngak, e ng di te ulemelchesiu el diak el ungil taem el kirel a klemechir.’”1
Rodam, ka me deluut el telkib lomes er a ngerchelel a priesthood el ngii a mla mesaod el kmo ng “kot el rolel a ngesou er a chelsel a Ikelesia” el mo er a dersta el chad me a telungalek.2 Ng kmal betok a mla meluches e mekedmokl el tekoi el kirel a teletelel a home teaching. Betok el mesisiich el tekoi a mla medung el kirel el melisiich er ngii. Ng diak a ngii di el ngera el omeruul el rullau el mo ouchel a rengum el uaia lak mruul a ngerchelem er a home teaching. E ng di kede melemolem el meringel er kid a mo kmeed er sel ngii olkael er a ngercheled el kirel a llechul a Rubak el kired el mo blechoel “blerk osenged el bedul a Ikelesia”3 lokiu a home teaching er a roba priesthood.
A ta er a olibesongel el dechelbangel er ngii a basio le ngar ngii a rechedal a Ikelesia. Chelecha el bla loberk a rechedal a ikelesia er a chelsel okedei el telael el wards me a branch, el ngara chelsel a kmeed el dart me a okai me a eai el beluu me a mekekerei el basio, e ng kmal merngela doldingel a rekeblirir a rodam me a rodos er kid el diak el uai se er a uchelel a Ikelesia el tonari oldingel er a tonari le te di ngara kaiuekeed el basio lomekedong er ngii “kausisechakl el tonari.”
Osisiu, chelsel a betok el unit er a Ikelesia, e te di mekesai a roba priesthood el sebechir el merael loldingel, me tirkel tir a sebechir loldingel a kmeed el tacher me a kleai malechub a lluich el telungalek—malechub e ng lmuut el betok—a loldingel er tir. Ng dirrek el meringel a rolel olidiull er a kemanget lomerael, takai el har me a kesai el rolel olidiull, me a chelsengrir a rechad er a urerir er a bek el sandei. A dirrek lobengkel aikang a ikel mekull el tekoi lokiu a siukang lomtok odingel el dimlak a siotai el kirel me a dirrek el tekoi er a selbechakl el ngar er ngii er a chelsel a betok el basio er a beluulechad—me tiaikid, a uchul e ng kmal chetituokel tial mondai.
Rodam, sel ngii a mo ungil er a rokui e sebechel mekedmokl, e a odingel er a bek el buil el mo er a dersta el blai a kmal dirk loltaut e mengeluolou er ngii a Ikelesia. E ng sel domtab a kuk bebil er a basio er a beluulechad e tial locha mo diak el sebechel tekoi e kede locha mo rulterir tirkal odam el mo omelchesiu el diak el ruul a ngerchelir sel dolengit er tir el meruul er a diak el sebechel mekedmokl el tekoi, me a First Presidency a milluches el mo er a rokui loungerachel er a priesthood er a Ikelesia er se er a December 2001 loba tiaikid lomekellomes, e ngosukid el tekoi: Te milluches el kmo, “ngarngii a bebil er a basio er a Ikelesia, el “… odingel el mo er a bek el obliil er a bek el buil alocha diak el sebechel tekoi le te diak el betok a remesisiich loba priesthood el chad me a ku di bebil er a olibesongel el teletael. Sel duubech a uai kaikid el teletael, e a roungerachel a kirir el mo er sel tkul rebab el sebechir el lousbech aikel ngarngii er tir el mo omes e melisiich er a dersta el chedal a ikelesia.”4
Rodam, omko ng mlo er ngii aikaikid el meringel el olibesongel el teletael er a chelsel a ward malechub a branch er ngak, e ngike el kldemek loba Aaronic Priesthood me a ngak a mo oltaut er tial tekingel a First Presidency (el mla mo llach el llechukl er a handbook) er tiakid el teletael: A kot, e ng diak el iior er a kmo ng tela el buil a ki mousbech el mo kudmeklii, a ki di mo oltirakl er a okedong el ngara chelsel chedaol llechukl el mo oldingel a blirir a rebek el chedal a ikelesia,”5 el kudmeklii a iioter kemam el mo er a ikal obliil sel bo el sebechemam el sebechel mekedmokl el tekoi. Ultuil er a ikel ungil temam e blechoel mo oldingel er tirkel tir a kmal ousbech er kemam—tirkel tir a mesuub lobengterir a remisionari, tirkel dirk miltecholb el chad, tirkel tir a smecher, resabisi, re diak el sal mesisiich er a ikelesia, tirkel kuk mesobil e oungalek er a remekerei el ngalek el dirk ngara blai, me a lmuut el bebil.
Me sel ki moureor lultuil er a iioter kemam el mo oldingel rokui el obliil, el locha tela el buil e ng momerek, e a ki dirrek el meruul a kuk bebil er a teletael lobengterir a dersta el chad me a telungalek el tir a ki molab a ngklir lokiu a ngii di el teletael el Rubak a mla meskid. Ng uaisei el kiram el kerekikl a telungalek er kemam er a ikelesia, e oltirakl aikel lolekoi chedaol llechukl el kmo, a ki mesaod a tekoi el kirel osebelel a sebecheklel a kelngar tir.”6 Osisiu, e a ki ou dengua, oldurokl a email me a text, malechub a ki di odureklii a ungil tekoi lokiu a social media el ngar ngii er kid. A mo ngosuterir er a ikel tokubets el usbechall, e a ki odurokl a bades er a chedaol lechukl malechub a tekoi er a chelsel a cheldecheduch er a klou el ongdibel malechub a Mormon Message el mengai er a chelsel a kmal obdois a iidisel tekoi el ngara LDS.org. A dongedeb er a tekingel a First Presidency eng kmo, kede mo er sel tkul er bab el sebeched lousbech aikel klekedall el ngar ngii el dolab.
Rodam, a ongit el kulekoi er ngii er chelechal kesus a kmo bol beiusech osengiu el kirel odingel. Kulengit, aikel beches, e ungil teletael el mesekemiu el omtechei er a Rubak me a Rengelekel. Ng belkul a kmo ko mo mechei a uldelid e meringel el tekoi el uaia, llechul a Moses–el uai, e ko moreched er a ulebongel e ra buil el mo omechei er a klumech el mengai er a babier er a Ikelesia el telungalek a mla oiuii. Aki oureng, me ko bai, kudmeklii a teletael el ungil, e ultuil er a ebangkelio el uldasou el kirir a rechedal a ikelesia, el kaseues e omekerreu er a ta me a tang, el kesaod a usbechel a reng me a klechad lousbech aikel ngarngii el klekedall el ngii a ngosukid.
Chelechagn, e sel domes el kmo ngera rullii a “ungil” odingel, e bo modengei el kmo a ngii di el ngera el ungil mrellii a “ungil,” me mochotii! A mera er ngii, a klou a belkul report a sel kau a ulemekngeltengat e ulemekerreu er tirkel tir a ngerchelem, el diak el iior er a ulterekokl el sils malechub a basio. Sel klou a belkul a uase ke betik a rengum er a rechad e oltirakl er a llach el mo blechoel lomes er a rechedal a Ikelesia.”7
Se er a May 30 er tial mlo merek el rak, e a sechelik er a Troy Russell a ulemekall er mlil mekekokil tobedang er tial blil a blai el omerollel el mo omechei a uldersel er a Deseret Industries. Ng ulmelchesiu er a taiia ruriul el ngilasech er a kmo ngerang. Ng ulemdasou el kmo ng locha ngarngii a klalou el rirebet er a btil a mlai, me ng tobedang e mesa etui a rekil ngelekel sechal er a, Austen, el cheloit er eou. A diu, me a klengeltengat er a priesthood, a rechad er a ambelans, me a roureor er a ospitar, a milasm longeseu er ngika el buik, e di mlo delbesel. A Austen a mlad.
Ng dimlak a ngerang el sumechii a rengul a Troy, me ng ka le mechiuaiu me a ka le betik er a budech. Ng millekoi el kmo ng kmal meringel el diak el sebechel lotekur me a dikea el sebechel melemolem el chad. Cheslel tiaikid el kmal meringel el taem e a edei teletael er a osumechereng a dilubech.
A kot a sel beltik el reng me a mesisiich el nger er a Chedam er a Babeluades, el mei lokiu a Chedaol Reng el chilodii a Troy, el ulsisecheklii el kmo a Dios a medengei a rokui el kirel a kodellel a klebokel e cherrungel el Ngelekel. Ongerung a bechil er a, Deedra, el lulbengkel a Troy e msa beltik el reng e ulemeklatk er ngii el kmo a ngalek el mlad a dirrek el ngelekel e dimlak el soal a kuk bo lak a bechil. A ongedei el chad er tia el cheldecheduch a John Manning, el home teacher el meral ungil.
Ng diak kudengei el kmo ng mle ngera iioter er a John me a kldemel el mo oldingel er a telungalek er a Russell, malechub a klumech lulebang er a lebong, malechub e te milkera er a louchais er tial teletael. Ak di medengei el kmo tial mlomerek el spring e a Brother Manning a tilkeuii a Troy Russell e ngoseuir lobes er tial kerior el dilubech er a blirir el di uai sera le tikeuii a Austen er a le metemall. Me ng ulechotii a meral teletelel a home teacher malechub a chad el mengkar maelechub a odam er ngii e ra ebangkelio, e a John a uleba ulekerreu er a priesthood e olngeseu er a Troy Russell. Ng ulemuchel el melekoi el kmo, “Troy, a Austen a soal a molemolem el merael bedul uchei—luldimukl a mluut el mo ousekool a basket—me ak mei er a bek el tutau er a 5:15. Ke kudmeklau le ng diak el soak el me dmuu el me olekiis er kau—e ngak a medengei el kmo a Deedra a dirrek el diak el soal mo olekiis er kau.
“Ng dimlak el soak el mong,” a uriul e a Troy a silbedak, “le ak mle blechoel melai er a Austen lobengkek sel tutau me ak mle medengei el kmo kmal mo meringel er a uldesuek. E ng di John a di millekoi, me ak mlong. Seikid el kot el sils, e a ki di mle chadecheduch, ngak a locha di milngedecheduch e a John orrenges. Ak di milngedecheduch er a taem el ki mo mekall el mo er a ikelesia me a luut er kemam el dirrek. Bebil er a taem e ak mengedecheduch sel ki mngara medal a blai e ki momes er a sils el ngosecha er bebul a Las Vegas. A kot eng mle meringel, e ng di cherengel a taem e ak mlo metik el kmo ak mla metik a klisichek lokiu a soro el 6-foot-2-inch (1.88 m) el lousekool a basket el chad er a Ikelesia, el metitur lolsiseb er a bduu, e ng di kmal mle betik a rengul er ngak e ulerrenges er ngak el mo el muut er a kluut el metik er a deureng er a klengar ngak.”8
Rodam er ngak er a priesthood, sel dosaod el kirel a home teaching malechub odingel malechub a kuk di odngelel a priesthood—sel soam lomekedong er ngii—e tiaikid a dosaod er ngii. Aki olengit er kemiu a re home teachers el mo omtechei er a Dios el mo er a Rengelkel, el mo oubeltik el reng e omekerreu e meluluuch el kirir a rechad el kau miltutk el mo omes er tir, el uai kemam el oubeltik el reng e omekerreu e meluluuch el kiriru. Bom kerekikl el lomes er a rengelek a Dios er a ikel teletael el ngii a ungil el mei er kau, a ngii a nglunguchek, el ngara ngklel ngike el Ungil Mengkar a Sib er kid el rokui, el ngak a sioning er ngii, el ngii a Rubak el Jesus Kristo, amen.