Osisecheklel a Kristo

Mla er a Brian K. Ashton

Ongerung el Counselor er a Sunday School General Presidency

A osisecheklel a Kristo ngoikid el ngoriakl er sel dengar ngii el teletael el mor sel teletael el kid a mla mecherrungel.

Sel odngelel a Jesus el mora re rechad ra Nephi ruriul er a Okisel ra Kodall a kmal mlo ungil mekedmokl el mo olsisechakl er kid er a ikel meklou a ultutelel. Ngulemuchl er a Chedam er a louchais er tir el kmo a Jesus a mle Betik ra Rengul el Ngelekel, e dmeu a rengul er ngii. ¹ E Ngii el Jesus a mle metengel e chouchais er a tenget el Tngakireng er Ngii, ² el ullengit ra rechad me bo lodengei el kmo Ngii a Kristo mel lorael el mo er ngii el bolrutech a ulitl a telelemall er a kekengel ma llechul a deel er a chimal ma chochil.³ A ikal ble louchais a mlo kudmekleii meng diak a raureng el kmo a Tngakireng er a Jesus a mla mekedmokl e a Chedam a mla otutii sel telbilel el mo meskid a Osobel. A Jesus a mlo olsisechakl er a rechad ra Nephi el kmo temekera bo lolai a rokui el klengeltengat el ngar sel uldesuel a Chedam el kirel a deureng, el ngii a ruul el kired e leng Tngakireng er a Osobel a uchul, lokiu osisecheklel a Kristo el mo er tir.⁴

A klemechek er chelechal sils a di kirel osisecheklel a Kristo. A chedaol llechukl a ochotii a belkul a osisecheklel a Jesus Kristo el ngar omeruul lokiu a klaumerang er a Kristo ma Tngakireng er Ngii, ouchel a rengud ra kengtid, mla nguu a techolb chelid, e nguu a sengk er a Chedaol Reng, e outekangel el mora ulebongel.⁵

A Osisecheklel a Kristo a Meskid a Techall el mo Ngmai a Klengeltengat er a Tngakireng er a Kristo

A Tngakireng er a Kristo a mekdebechii a teletael el ngii a dultuil “er a urerel, me a klechubechub, ma krasia er a Chedaol Mesaia,”⁶ “e mo mecherrungel er a [Kristo],”⁷ e ngmai a ikel rokui el klungiaol,⁸ e nguu a diak a ulebengelel klengar.⁹

A osisecheklel a Kristo a bai mo uchul—el di tal uchul—e ng mo sebeched el ngmai a klengeltengat el medechel kired lokiu a Tngakireng er a Jesus. Tiaikid el osisecheklel a Kristo a meskid a techall el mo sebeched el ngmai a chedaol klisiich el ngii a ngoikid el ngoriakl er sel dengar ngii el teletael el mor sel bla de mecherrungel el di ua Osobel.¹⁰ Tiakid el teletael el mechell el beches, e a Elder D. Todd Christofferson a ulsisechakl: “Sel bla de mechell el beches, eng diak el ua de mechell ra diil, e leng di mellemolem leng diak el dubech ra tal taem.”¹¹

Ka me bo domes er a derta er a teletelel osisecheklel a Kristo.

A Kot, a klaumerang ra Jesus Kristo ma Tngakireng er Ngii. A re profet a mla olsisechakl el kmo a klaumerang a omuchel lokiu orngesel a tekingel a Kristo.¹² A tekingel a Kristo a olecholt er a tengetengel ra tngakireng e ouchais er kid el kmo kede mekerang a bo denguu a klausubes, klengeltengat, me a diak a ulebengelel klengar.¹³

Sel derrenges a tekingel a Kristo, e ke docholt a klaumerang er kid sel dolilt el mo oltirakl a osisecheklel ma okesiul Osobel.¹⁴ Sel de relii tiang, ea Nephi a olsisechakl el kmo ng kired el oltuil “er a di tal urerel a [Kristo,] el ngii a mesisiich el olsobel.”¹⁵ E le uchul a Jesus a mle Dios er a uchei ra le mechell,¹⁶ ngii a dimlak a kengtil,¹⁷ e sera le temel a Tngakireng er Ngii e ngultaut a ikel longerchir a llach el kirem kau me a ngak,¹⁸ Ngii a uleba klisiich ma kiis el mo kudmeklii a okisir a rokui el chad ra kodall, ¹⁹ me ngii a kildmeklii meng sebechel a klechubechub el mo mesisiich er a llach sel bo loureor a ouchel reng.²⁰ Sel tal bocha dodedengelii el kmo ng sebeched el nguu a klechubechub lokiu a urerel a Kristo, eng mocha sebeched “loba klaumerang el mo ouchel a rengud ra kngtid.”²¹ Sel mo ultuil er a urerel a Kristo e mo oumerang el kmo Ngii a riruul a ikel mle kedmekill el kirel osebeled e kede mo ouedikel el kirel a tekoi el doumerang.²²

A klaumerang a dirrek el ngubetii a uldesued lomdasu a uldesuir a rechad el kired e bai merael el mo kerekikl er a ikel llomdasu a Dios el kired.

Ongerung. ouchel reng. A Samuel el Lamanite a ulsisechakl, “Alsekum me ke oumerang er a ngklel a [Kristo] e ke mo ouchel el kirel a rokui el kngtim.”²³ A ouchel reng a mekreos el sengk el mlara Chedam ra Babeluades el ngii a meketmokl lokiu a tenget el ngii a Dital Ngelekel. Tiaikid a teletael el Chedam a mla meskid me bo de mengodech, malechub e dobult, a uldesued, omerelled, me kid el chad me bol sebeched el merael el di mo uaia Osobel.²⁴ Tia diak el dil bora meklou el klengit ke de bai meruul er ngii ra bek el sils lomes e mesemechokl er kid²⁵ el ngosukid el mo diak doruul a klengit, ma ikel de mekngit er ngii, chelitechetud, ma ngelsengesed.²⁶ A ouchel reng a ngosukid el mo “meral loltirakl ” ra Kristo, meng mo mui a beltik el reng er kid²⁷ e choroid a dekted.²⁸ A ouchelreng a diak ke di dousbech er ngii sel dikea cheldechulel er kid a ikel dulemdasu a mo meruul ra klengar er kid.²⁹ A mellemolem el ouchel a rengud a dita el rael el meskid a di ngar ngii el deureng e ngosukid el lemuut el mora Demad er a Babeluades.

Ngokiu a ouchel reng e kede mo kongei e oltirakl a urungulel a Dios. Chelechang, e tia diak el dil tiakid el merkong. Sel mesang a klungiolel a rengul a Dios me kid el diak de ngerang,³⁰ lodekiar er a blakelreng lomeklemalt a blekerdeled ra urungulel a Dios,³¹ e a krasia a moureor ra klengar er kid.³² A krasia a “chedaol teletael lolengeseu malechub eng klisiich, el mengai lokiu a dmolech el klechubechub ma beltikelreng ra Jesus Kristo … el mo meruul a ungil ureor e le [kid] a diak el sebeched alsekum eng di [kid].”³³ Ele uchul a ouchelreng a meral belkul a meruuul er kid el mo ua Osobel, tia diak el sebeched el di kid el tang e kudmeklii, ke de meral lousbech er a krasia er a Osobel me bol sebeched el kudmokl a ikel kirel mengodech ra klengar er kid.

Me sel douchel a rengud ra kengtid, e kede mtechei a mechut, chelbirukel el blekeradel, chelitechetud, ngelsengesed, ma dakt lolab a beches el blekeradel ma uldasu el ngoikid el mo kmeed er a Osobel e ngosouid el mo uai Ngii.

Ongedei, techolb chelid ma chedaol belsoil. A profet Mormon a ulsisechakl el kmo “a redechel a ouchel reng a techolbchelid.”³⁴ Sel mo churrengelii tiang, ea ouchel reng a kirel mo uldak er a chedaol urerer a techolb chelid, el mekedmokl er ngikel obang a ngerachel er a priesthood ra Dios. E tirkel kuk chedal a Ikelesia, el ngiluu a telbiil ra lemetecholb ma lemuut el bebil a mukbeches sel dolai er a chedaol belsoil.³⁵

Ngar sel chedaol ureror ra techolb chelid ma chedaol belsoil, e kede tibir el mo olab a llechul a Chedam ma Ngelekel, e blechoel melebedebek ra Kristo, e soad el mo obang a ngkel a Kristo (malechub a urerel ma blekerdellel³⁶) ra klengar er kid.³⁷ E a ikel kuk bo loruul, a Osobel, a tibir el mo ousubes, malechub eng chemoit, a kengtid³⁸ e [meskid] a Chedaol Reng.”³⁹ A Kristo a dirrek el yaksok el mo mengedmokl er kid el mo nguu a diak a ulebengelel klengar meng ngolngeseu er kid el mo uai Ngii.⁴⁰

A Douglas D. Holmes, el Kot el Counselor er a Young Men General Presidency, a milluches: “A chedaol ureor el techolb chelid ma chedaol belsoil a okesiul a teblo el tekoi el redechel ma urrerel a chad el mechell el beches. Sel le metecholb a chad, eng modulb ng kel mechut el bedengel a chad e me duum el mora beches el klengar.⁴¹ Ngar chedaol belsoil, e kede subii el kmo tial bult a okiu a bakes el teletael, el [ngii] a oudertelkib, er a sandei el mora tara sandei, e kid a mengodech sel douchel a rengud, soiseb ra telbiil, e okiu obdois el klengeltengat er a Reng e [kede mo ua Osobel].”⁴²

Chedaol ureor ma telbiil a meklou a belkul er a chelsel osisecheklel a Kristo. Me ngokiu a keldung er kid e kede monguu a chedaol ureor ra priesthood e urrekokel a ikel telbill lobengkel e a klisiich el moua blekerdellel a Dios a mo chemolt er a klengar er kid.⁴³ Elder D. Todd Christofferson a milsaod el kmo “tial ‘klisiich el mo ua blekerdelel a Dios’ a mora chad e dirrek el nguu lokiu a odbechel a Chedaol Reng.”⁴⁴

Ongeuang, sengk er a Chedaol Reng. A uriul er a techolb chelid e kede nguu a sengk ra Chedaol Reng lokiu olterkokl el chedaol ureor.⁴⁵ Tial sengk, alsekum kede nguu, a meskid a techall el Dios a mo blechoel el kldemed⁴⁶ e mellemolem el melai er a krasia el mei lokiu omengetikaik er Ngii.

Sel bocha di lobengked, ea Chedaol Reng a meskid a klou el klisiich el mo urekodel a telbiled.⁴⁷ Ng dirrek el mengikiid er kid,⁴⁸ el belkul a kmo ng rullid el mo “diak a kengtid, klikiid, beches, e chedaol lokiu a tngakireng ra Jesus Kristo.”⁴⁹ Sel teletael lomekbeches a diak el di lomekbeches er kid, ng dirrek el meskid a dousbech el sengk ra reng malechub a chedaol blekerdelel a Osobel⁵⁰ ngmodech a teleteled⁵¹ el mo diak el soad el meruul a mekngit.”⁵² Sel bek el taem el denguu a Chedaol Reng el me ra klengar er kid lokiu a klaumerang, ouchel reng, chedaol ureor, omesiou el ua Kristo, ma bebil ra melemalt el ureor, e kede mengodech e uaisei el merael, mekekokid el moua Kirsto.⁵³

Ongeim, outekangel el mora ulebongel. A profet el Nephi a ulsisechakl el kmo uriul er a denguu a Chedaol Reng e ng kired loutekangel el mora ulebongel, loltirakl oksesiul a di ngar el Dios.”⁵⁴ Elder Dale G. Renlund a silodii a teletelel a outekangel el mora ulebongel el ua tiakid: “Ng sebeched el mo cherrungel sel di domelekl e dolemolem el bedul uchei … el oba klaumerang er a [Rubak], ouchel a rengud, melai ra chedaol belsoil el omekbeches a telbiled ma klengeltengat er a techolb chelid, e nguu a Chedaol Reng el mo blechoel lobengked. Sel doruul el uaisei, e kede merael el mo ua Kristo e mo sebeched el outekangel el mora ulebongel, ma ikel rokui el kirel uldimukl er ngii.”⁵⁵

Ng sebeched el uase, a ngeiul Chedaol Reng ma bult el denguu er ngii a lemuut el smisichii a klaumerang er kid. A mesisiich el klaumerang a ngoikid el mo ouchel a rengud. Me sel bocha dodars a rengud ma kengtid ra olengetongel ra chedaol belsoil, e ke de nguu a mesisiich el Chedaol Reng. A ngeiul a mesisiich el Chedaol Reng a odbechid er sel rael ra mechell el beches. Sel dolemolem er tiakid el teletael me kede ngmai a rokui el chedaol ureor ra mo suobel ma telbiil el ngara ebangkelio, e kede nguu a “krasia lou dertelkib” dil merko de mecherrungel.⁵⁶

Ng Kmal Kired el Ousbech Osisecheklel a Osobel er a Klengar er Kid

Rodam ma Rodos, sel dousbech osisecheklel a Kristo ra klengar er kid, e kede ngmai a klengeltengat er a klechad er kid ma chedaol tekoi, ngii mesel de seluk ra chelsel a ringel. Tia ngoikid el mo sebeched el ngmai a rokui el ungil tekoi.”⁵⁷ A kuuchais el kmo tial omeruul a mla dubech el merngak e mellemolem el ngar ngii er a klengar er ngak, el lokiu a bakes, el mekekokil.

Eng di sel kot el klou a ultutelel, a kired lousbech a ikal osisechaklel a Kristo ra klengar er kid leng meskid a di tal rael lemuut el mora Chedam ra Babeluades. Tiaia di tal rael e kede nguu Osobel e mo ngelekel sechal ma redil.⁵⁸ Ng meral, di tal rael e kede mo klikiid ra kengtid e mellemolem el merael el mo kedung el chad sel dousbech a osisecheklel a Kristo ra klengar er kid.⁵⁹ A, Apostol Johanes a ulsisechakl el kmo ”ngikel … diak loltirakl osisecheklel a Kristo, a diak a Dios ra klengar er ngii.”⁶⁰ Ma Jesus a dilu ra re Teruich ma Terung el Nephite el kmo sel bo lak douedikel loba klaumerang ra Kristo, ouchel a rengud, metecholb, e mellemolem el mora ulebongel, e kid a mo “mechoit ra ngau, e diak a luut er kid.”⁶¹

Meng mekera dousbech a osisecheklel a Kristo ra klengar er kid? A tara rolel a bo domes er kid ra bek el sandei e mengedmokl el kirel a chedaol belsoil e chemoit a temed lokiu a nglunguuch el mo omes a ikel ngii a kired el mesemechokl. Ng sebeched el nguu sel omeruul el ngii a mengeroid er kid meng diak bo deua Jesus Kristo el mo odersii er sel olngetongel ra chedaol belsoil, e olengit loba klaumerang el kirel a ngesou, e olengit a ikel dousbech el sengk ra reng, e tibir el mo melasem el moungil er sel kuk merael mei el sandei.⁶² Sel doruul el uaisei, ea Chedaol Reng a mera klengar er kid, meng morngii a klisiched el mo mesisiich er a ikel chelitechetud.

Ak ouchais el kmo a Jesus Kristo a Osobelel a beluulechad e ngii a di imol ngakl el bo desobel er ngii.⁶³ A rokui lungil tekoi a medechel el sebechel mer kid lokiu Ngii.⁶⁴ Engdi sel mo urekodel ra rokui lungil tekoi,”⁶⁵ luldimukl a diak a ulebengelel klengar, eng kired el melemolem lousbech a osisecheklel a Kristo ra klengar er kid. El ngara ngklel a Jesus Kristo, amen.

Uleklatk

1. 3 Nephi 11:7.

2. Mesa 3 Nephi 11:10–11.

3. Mesa 3 Nephi 11:14–15.

4. Mesa 3 Nephi 11:21–39.

5. Mesa 2 Nephi 31; 3 Nephi 27:16–20. A osisecheklel a Kristo a debetik er a chedaol llechukl engdi bai kmal lulecholt er a Babier ra Mormon.

6. 2 Nephi 2:8.

7. Moroni 10:32.

8. Mesa Moroni 7:22–24.

9. Mesa Doctrine and Covenants 132:23.

10. A Tngakireng ra Kristo ma osisecheklel a Kristo a dmak el teblong e churrengelii a ebangkelio ra Kristo (mesa3 Nephi 27:13–21).

11. D. Todd Christofferson, “Born Again,” Liahona, May 2008, 78.

12. Mesa Romans 10:17; 2 Nephi 31:19; Alma 32:27–29; Moroni 7:25.

13. Mesa 2 Nephi 32:3.

14. Mesa 2 Nephi 31:10, 13.

15. 2 Nephi 31:19.

16. Mesa Johanes 1:1–3; Moses 7:47; Abraham 3:24–27.

17. Mesa Hebru 4:15; Doctrine and Covenants 45:4.

18. Mesa Alma 34:16.

19. Mesa 2 Nephi 9:21–22; Dallin H. Oaks, “The Keys and Authority of the Priesthood,” Liahona, May 2014, 49–52.

20. Mesa Alma 34:15–16.

21. Alma 34:15.

22. A ultuil er a urerel a Kristo a uldimukl er ngii a mo medengei el kmo a Jesus Kristo ngii a di imo lolsobel (mesa Mosiah 4:7–8). Ng dirrek el kired el mo oumerang el kmo a Kristo a sebechel osebelii a ta el chad. Tiakid a uchul me a bades el ngara Doctrine and Covenants 27:2 kid a mla modurch el sel dolai er a chedaol belsoil, e ng kired el mo melbedebek er sera bol charm a Kristo e dirrek er mlo rulii tiang el mora derta er kid.

23. Helaman 14:13.

24. Mesa Russell M. Nelson, “Repentance and Conversion,” Liahona, May 2007, 102–5.

25. Mesa Neil L. Andersen, “Repent … That I May Heal You,” Liahona, Nov. 2009, 40–43.

26. Mesa Jeffrey R. Holland, “Broken Things to Mend,” Liahona, May 2006, 69–71; Anthony D. Perkins, “The Great and Wonderful Love,” Liahona, Nov. 2006, 76–78.

27. Moroni 7:48.

28. Mesa Moroni 8:16. Ng uaisel el ouchel reng a tara olechotel el kmo kid a chedal a Osobelr. Kid ng meral sebeched l kmo kede oltirakl er a Kristo alsekum meng diak dolemolem el ouchel a rengud malechub e kede melasem el omult a rengud ma doruul el bedul Ngii?

29. Mesa Adjusting to Missionary Life (booklet, 2013), 46.

30. Mesa Mosiah 4:5–7.

31. Mesa 2 Nephi 10:24; 25:23.

32. Mesa Helaman 5:11; Ether 12:27; Moroni 10:32–33.

33. Bible Dictionary, “Grace.”

34. Moroni 8:25.

35. Sel dolai er a chedaol belsoil el klikiid, e kede mekbeches a telbiled lobengkel a Dios (mesa Delbert L. Stapley, in Conference Report, Oct. 1965, 14; L. Tom Perry, “As Now We Take the Sacrament,” Liahona, May 2006, 41).

36. Mesa Dallin H. Oaks, “Testimony” (cheldechedechal er a seminar el mora rebeches el mo mission president, June 25, 2014), 1–2.

37. Mesa Moroni 4:3; dirrek el mesa Mosiah 18:8–10; Doctrine and Covenants 20:37 el kirel a lmuut el bebil er a telbiil el de siseb er ngii sel de nguu a techolb chelid.

38. Mesa Moroni 8:25.

39. Mosiah 18:10.

40. Mesa 2 Corinthians 3:18; Ether 12:27; Doctrine and Covenants 35:2; Moses 1:39.

41. Mesa Romans 6:4.

43. Mesa Doctrine and Covenants 84:19–21.

44. D. Todd Christofferson, “The Power of Covenants,” Liahona, May 2009, 22.

45. Confirmation occurs by the laying on of hands (mesa, a ocholt, Acts 8:17).

46. Mesa Doctrine and Covenants 20:28; Guide to the Scriptures, “Holy Ghost,” scriptures.lds.org.

47. Mesa 2 Corinthians 3:18; 1 Nephi 14:14; Doctrine and Covenants 93:20.

48. Mesa 3 Nephi 27:20.

49. Guide to the Scriptures, “Sanctification,” scriptures.lds.org.

50. Mesa Moroni 7:48; 8:26; 10:8–18.

51. Mesa Mosiah 4:14; Doctrine and Covenants 84:33; Bruce R. McConkie, “The Ten Blessings of the Priesthood,” Ensign, Nov. 1977, 33–35.

52. Mosiah 5:2.

53. A Chedaol Reng a omekrael er kid el lemuut el mora Demad er a Babeluades (see 2 Nephi 32:5; Doctrine and Covenants 45:57) el ngii a olngeseu er kid er a ikel kired el meruul e kede mo uaia Kristo (Mesa {2 Corinthians 3:18; Ether 12:27; Doctrine and Covenants 84:46–48).

54. 2 Nephi 31:16. A outekangel el mora ulebong a ungil okedongall el uaisei, leng ngousbech a teblo el tekoi el taem ma outekangel (mesa James 1:2–4). A meral tekoi a kmo ng diak el sebeched el mo uai a teletelel a Kristo e diak bo de chebangel a ultok ma chetituokel el tekoi. El ua tiakid, ng mekerang a bo de chouarm el meketeket alsekum meng diak bo decharm el mo meketeket?

55. Dale G. Renlund, “Latter-day Saints Keep on Trying,” Liahona, May 2015, 56.

56. Mesa Doctrine and Covenants 93:12, 19.

57. Moroni 7:25; dirrek mesa Mosiah 2:41.

58. Mesa Doctrine and Covenants 39:4–6.

59. Mesa 2 Nephi 9:24.

60. 2 Johanes 1:9.

61. 3 Nephi 27:17.

62. A imol chad altang melenget ra osisiu el tenget el betok el sandei dilmerko, lokiu a ngesou er a Osobel, el ua ikel bla lolsisechakl a Elder Neal A. Maxwell taught, “Ngii [a] mlengai” (“Deny Yourselves of All Ungodliness,” Ensign, May 1995, 68).

63. Mesa 2 Nephi 25:20.

64. Mesa Moroni 7:24.

65. Moroni 7:25.