Hamare Prabhu Ishu Masih ka Chela Banna
Hamare jitne visheshtaaen Masih mein vishwaas ka parinaam hai woh sabhi avashyak hai antim dinon mein mazboot bane rehne ke liye.
Hamare Prabhu Ishu Masih ka chela hone ka kya matlab hai? Ek chela woh hai jisne baptisma liya hai aur apne upar Uddhaarkarta ka naam lena aur Unke piche ho lena chahata hai. Ek chela koshish karta hai Unki tarah banne ko maransheelta mein Unke aagyaaon ka paalan karke, jaise ek shishye apne guru ke tarah ban jaata hai.
Kayi log chela shabd ko sunte aur sochte hai uska matlab “picha karne waala” hai. Magar sachcha chelapan hai woh banna. Isse hamein sujhaao milta hai gunon ko sirf padhna aur karna nahin hai. Chelein aese jeete hai ki Masih ka visheshta unka pehchaan ban jaata hai, jaise ek kapda jismein dhaarmik chitra bane ho.
Devdut Peter ke nimantran ko suno ki kaise Uddhaarkarta ka chela banna hai:
“Sabhi tarah ka yatn karke, vishwaas par sadgun; aur sadgun par samajh;
“Aur samajh par sanyam; aur sanyam par dheeraj; aur dheeraj par bhakti;
“Aur bhakti par bhaaichaare ki preeti; aur bhaaichaare par prem badhate jaao.”1
Jaisa tum dekh sakte ho, niji chelapan ke chitra waale kapde ko bunne ke liye ek hi dhaaga nahin lagta. Uddhaarkarta ke samay mein, kayi log the jo apne jiwan ke ek aur dusre rukh mein dhaarmikta bante the. Woh chuni hui aagyaakrita ko amal kar rahe the. Uddharan ke liye, unhonne Sabbath par kaam na karne ke aagya ka paalan kiya par Uddhaarkarta ka ninda kiya ki usne pavitra din par changaai ki. 2 Unhonne apni badhanti mein se kuch daan diya—jo unko zaroori nahin tha.3 Unhonne upwaas kiya to udaas chehro se.4 Unhonne prarthna kiya par sirf insaan ko dikhaane ke liye.5 Ishu ne kaha, “Woh apne zabaan se mere kareeb aate hai, par apne mann se mujhse dur rehte hai.”6 Ayse purush aur mahila shaayad ek khaas gun ya kriya mein maahir honge magar apne dil mein Unke jaisa nahin hote.
Inke baare mein, Ishu ne kaha:
“Us din bahut sare mujh se kahenge, Prabhu, Prabhu, kya humne tere naam se bhavishyevaani nahin ki? aur tere naam se dusht aatmaaon ko nahin nikaala? Aur tere naam se bahut achambe ke kaam nahin kiye?
“Tab mai unse khul kar keh dunga, ki maine tumko kabhi nahin jaana: he kukarm karne waale mere paas se chale jaao.” 7
Uddhaarkarta ke gun, jaise hum samajhte hai, koi likhi baat nahin hai karne ke liye ya koi parchi jis mein tick kiya jaaye. Woh ati-avashyak visheshtaaen hai, ek dusre se jude huwe, jo prabhaaoshaali dhang se hamare andar badhte hai. Anye shabdon mein, hum ek Masih-jaisa visheshta paa kar kayi aur bhi paate hai aur dusron par iska asar bhi hota hai. Jab ek visheshta mazboot hota hai, dusre visheshtaaen bhi mazboot hote hai.
2 Peter aur Doctrine and Covenants bhaag 4mein, hum sikhte hai ki Prabhu Ishu Masih mein vishwaas hi buniyaad hai. Hum apne vishwaas ka maatra jaan jaate hai yeh dekh ke ki usse hum kya kar paate hai—hamare aagyakarita dwara. Prabhu ne vaada kiya hai “Agar tum mujh mein vishwaas karoge, tab mere nimit jo avashyak hoga use karne mein tum samarth hoge.”8 Vishwaas mukhye badlaao laane waala cheez hai. Karm bina, dhaarmik jiwan ke bina, hamara vishwaas vyarth hai chelapan ko jaagrut karne mein. Vaastav mein, vishwaas vyarth hai.9
Aur is tarah, Peter batlata hai, “Apne vishwaas par sadgun badhaao.” Yeh sadgun yaon pavitrata se bada hai. Yeh mann aur sharir ki safaai aur pavitrata hai. Sadgun shakti bhi hai. Jab hum vishwaasniye dhang se susamchaar ko jeete hai, hamare paas shakti rahega har soch, ehsaas, aur kriya mein dhaarmik rehna ka. Hamare mann Pavitra Aatma ke prabhaao aur Masih ki Jyoti zyaada grahan karne lagenge.10 Hum Masih mein sirf apne bol aur karm se nahin sammlit hote hai par apne vyaktitva mein bhi.
Peter aage kehta hai, “[apne] sadgun par samajh badhaao.” Sadgun bhare jiwan jeene se, hum hamare Swarg ke Pita aur Unke Putra ko ek khaas tarike se jaante hai. “Yadi koi [Pita ki] ichcha par chalna chaahe, to woh is updesh ke vishay mein jaan jaaega.” 11 Yeh samajh niji gawahi hai, niji anubhav se utpann hua. Yeh samajh hai jo hamein badalta hai, taaki hamara “jyoti [Unke] jyoti se bandhta hai” aur hamara “sadgun [Unke] sadgun se lipatta hai.”12 Hamare sadgun bhare jiwan se, hum woh yaatra karte hai “mai vishwaas karta” se us badhiya manzil “Mai jaanta hoon” tak.
Peter humein prerit karta hai “samajh par sanyam badhaao; aur sanyam par dheeraj.” Sanyam rakhne waale chelon ke naate, hum ek santulit aur atal tarike se susamachaar ko jeete hai. Hum “[apni] shakti se adhik tez gati se” nahin bhaagte. 13 Har din hum bina dare aage badhte hai, maransheelta ke saaf karne ki chunaotiyon ke dwara.
Is tarah se sanyam rakhne se, hamara dheeraj aur Prabhu mein bharosa badhta hai. Woh jaise chahata hai hamara jiwan ho hum uspar nirbhar hote hai, bhale hi hum us nakshe ko aankhon se dekhte nahin. 14 Isliye, hum “shaant reh kar jaan sakte hai ki [Wohi] Parmeshwar hai.”15 Jab hum aapati ka saamna karte hai, hum puchte hai, “Aap mujhe is anubhav se kya sikhlana chahate ho?” Hamare mann mein Unke yojna aur lakshyon ko lekar, hum aage badhte hai na sirf sab seh kar par dheeraj se seh kar aur achchi tarah.16
Peter sikhlaata hai, yeh dheeraj, hamein bhakti ki or le jaata hai. Jaise Pita hamare, Apne bachcho, saath dheeraj barakhte hai, hum ek dusre ke saath dheeraj barakhte hai. Hum auron ke chunne ki shakti mein khush hote hai aur us mauke par jo hamein “niyam par niyam” badhne deta hai17 “ek sampurn din ki tarah aur ujwal hota gaya.”18
Sanyam par dheeraj se, aur dheeraj par bhakti se, hamara prakriti badalta hai. Hum bhaaichaara paate hai jo sabhi sachche chelo ka pehchaan hai. Achche Samaritan ki tarah, hum raasta naang kar hum kisi ko madad karte hai jise zaroorat hai, bhale woh hamare doston mein se nahin hai. 19 Hum unhein ashish dete hai jo humse baer karta hai. Hum apne satanewaalon ke saath achchaai karte hai.20 Kya koi gun isse zyaada bhakti ya Masih-jaisa hai?
Mai gawahi deta hoon ki jo koshishe hum karte hai hamare Uddhaarkarta ke chelein banne ke liye hamein badhanti deta hai jab tak hum Unke prem ko “praapt” nahin kar lete. 21 Yeh prem Masih ke ek chele ka pehchaan hai:
“Yadi mai manushyon aur swargduton ki boliyaan bolun, aur prem na rakhun, to mai thanthanaata hua peetal, ya khankhanaata hua majira hoon.
“Aur yadi mai bhavishyevaani kar sakun, aur sab bhedon aur sab prakaar ke gyaan ko samjhun; aur mujhe yaha tak pura vishwaas ho, ki mai pahadon ko hata doon, parantu prem na rakhun, to mai kuch bhi nahin.” 22
Woh vishwaas, aasha, aur prem hai jo hamein Parmeshwar ke kaarye ke yogye banata hai. 23 “Par ab … yeh teeno sthaayi hai; par in mein sab se bada prem hai.”24
Bhaaiyon aur bahano, ab pehle se bhi zyaada, hum “kuch-samay ka chela” nahin ban sakte! Hum sirf ek ya dusre siddhaant par chela nahin ban sakte hai. Hamare jitne visheshtaaen Masih mein vishwaas ka parinaam hai—woh bhi jinke baare mein aaj baate ki hai—sabhi avashyak hai antim dinon mein mazboot bane rehne ke liye.
Ishu Masih ke sachche chelein banne ke liye jab hum utsukta se mehnat karenge, yeh visheshtaaen hamare andar ati-avashyak, badhanti dene waali, aur milkar mazbooti degi. Jab hum apne dushmano aur doston par kripa dikhaenge us mein koi bhinnta nahin hoga. Hum kisi ke dekhne aur na dekhne par donon samay imaandaar rahenge. Hum Parmeshwar ke prati utni hi bhaktipradh rahenge baahar samaaj mein aur akele mein bhi.
Mai gawahi deta hoon ki sab log Uddhaarkarta ka chela ban sakte hai. Chelapan umra, ling, ya nasal se taalluk nahin rakhta. Hamare apne chelapan se, hum, Antim-din Sant ke rup mein, milkar mazbooti laaenge hamare duniya bhar ke bhaaiyo aur bahano ko ashish dene ke liye. Ab woh samay hai apne aap se phir se Unka chela banne ka vaada karne ka pure lagan se.
Bhaaiyon aur bahano, hum sab ko Uddhaarkarta ke chelein banne ki niyukti mili hai. Yeh sammelan tumhara mauka banein “pracheen kaal ki tarah, [Unke] paas apne pure hriday ke saath aana aarambh karo.” 25 Yeh Unka Girjaghar hai. Mai apna khaas gawahi deta hoon ki Woh jiwit hai. Woh hamein bhaktipradh aur bahadur chelein banne ke anant khoj mein ashirvaad dein. Ishu Masih ke naam se, amen.