Fare Gelngin ko fare Priesthood
Fare yulyul ko priesthood nib thothup ni bay rom e baga’ fan ko fare murwel ko fare Somoel u tabinaew rom nge murwel rom u Galasia.
Kad rung’aged e yi’iy rok President Russel M. Nelson. Kad rung’aged e thagthag nib gaa’ fan rok pi Elder Christofferson nge Rasband nge rok President Eyring. Uran e talk e ra balayal ney, ni tay boch rok President Nelson, ea bay duweliyed, fare toygang’ ku Somoel nge cha’an ni bay e Presthood rok, e bay falaged e murwel rom e chiney. Min ayuweg nem, mugwan u dakean boch kenggin e yalen nib lo’g fan ko fare priesthood ni bay rom.
I. Fare Priesthood
Fare Melchizedek Priesthood e mat’won Got ni ke pii’ ni ngan mu’ nag e murwel rok “ni nge yag fare… yafos ni manechabog ko gidii’” (Moses 1:39). Napan’ e 1829, ma kan pii’ ngak Joseph Smith nge Oliver Cowdery ni ke yib rok fare Tathapeg Apostles Peter, James, nge John (muguy D&C 27:12). Mab gel nga gelngin mad mab thothup.
Fapi kiy ko fare priesthood e gelngin nge yag mat’won e priesthood. Aray rogon, napan ni pii’ fapi Apostles fare melchizedek priesthood nga daken Joseph nge Oliver, ma kar pii’ed pi kiy ngorow u rogon ni ngar murwel gow ngay (muguy D&C 27:12–13). Ma gathi gubin e priesthood kiy ni kan pii’ ngorow e chingyal nem. Fare uran e kiy nge llowan e baga’fan e “chiney ko ngiyal ney” (D&C 128:18) kan pii’ “ni bayil nga dakaen bayil” (verse 21). Medlip e duw nga m’on min pii’e boech e kiy u kirtland Temple (muguy D&C 110:11–16). Pii’ kiy ney ea kan pii’ ko mat’won e priesthood ko bin magid e murwel ni kan pii’ e chiney, bo’ed e tawfe ko yam’.
Fare Melchizedek Priesthood e gathi liw ara pow. Gelngin nib mangil ni bay rok e cha’ nib yulyul ni nge yag ni nge muruwliy e murwel ku Got ni fan ngak pi fak. Magdad lemnag ni gubin ngiyal ni pi cha’ ni bay fare priesthood rorad e gathi “fare priesthood.” Gathi reb fel’ ni ngan nog “fare priesthood nge fare bpin.” Susun ni ngad puruuy’ ni “cha’an nibe kol fare priesthood nge fare bpin.”
II. Machib ko Pigpig
Ere ngad weliyed ni mang e badag Somoel Yesus Kristus ko pi cha’an nibe kol fare Priesthood rok—urgon ni ngad ayuwegged e ya’el nge sul ngak.
Ke fil Preident Joseph F. Smith: “Kan mu’ I yog ni fare Galasia e kan yarmiy nib mangil. Da yaram nib fel rogon ni bachane murwel dar yag rorad. Nap’an ni yad ra tiyan rad ko n’en nibe lag rogon ngorad, me yad tiyanrad ko murwel rorad u fithik e yulyul, ma fare murwel ko fare Somoel e ra gel me yib gelingin ko ngongol u fayleng.”1
Ke weliy President Smith:
“Fare Got-ea ke pii e pow ko liw… ke mo’olung boch gidii’en e offices u lan e yaram ko fare priesthood nib thothup, ea dabin fana’ fa lemnag ni bo’ed fare liw rok e pii pumo’oon; ma gathi mangil yan raed ara yaed be dag e liw, ma yaed be pigpig u fithik e subta’en ko fare murwel ko fare Masta nib taa’reb ni ngad pigpig gad ngak. …
“… Gadad be murwel ni fan wo’en ea thap ko pi ya’el, ma susun ni ngad thamiyed ni iraray e bin nibe mangil e murwel ni kan pi ngodad. Ere, susun ni ngad thamiyed ni ngad maligach niged gubin banen, fa’an e bat’uf, fan e t’ufeg ku Got, ko fare wo’en e thap ko girdii’, ma falfalaen’ gil’ilungun Got u fayleng.”2
III. Fare office ko Fare Priesthood
U Galasia ku Somoel, fare offices ko Melchizedek Priesthood e ba thil e mithmith riy. Fare Doctrine nge Covenants ea be lag rogon ko tolang ko priest ni bo’ed “fapi president u gagin yang ea stake ea ra sakiy gad” (D&C 124:134). Kub lag rogon ko pi elders ni bo’ed “sakiy fapi tamachib ko galasia rog” (D&C 124:137). Baray boch ni ngan fil nib thil ea mithmith riy.
Tolang ko Priest ea nge pag nge rrin’ e tin nib thothup banen (muguy D&C 107:10, 12). Ku aargon, ni ke fil President Joseph F. Smith, “Ni nge mang iir e kan pii’ e tolang ko priest, [iir] e susun ni nge thamiy nib bt’uf ... ni ngan dag kanawaen ko labthir nge falyangren nib mangil, ni nge ta’ iir nga reb e liw ni nge mang sensey nib mangil. Ma gathi yigo motochiyal ma nge dag kanawaen—ni ngan pii ngak e pii falyangren ni nge gaman e duw, me yad gil u fithik e girdii rogon kan taa’.”3
Muruwel ko elders, ke fil Elder Bruce R. McConkie ko fare Ulung ko fare Ragag nge La’agruw: “Ni Elder ea tamachib rok Somoel Yesus Kristus. … ke pii mat’won ni ngan muruweliy e murwel rok fare Masta … min machib nag pi gilchalpen. Ni irr e gilchalpen Somoel.”4
Elder McConkie ea ke gathibthib ni ta’ “reeb ea elder.” “Gubin ea elder u Galasia ea bay fare Priesthood rok ni bo’ed fare President ko fare Galasia … ,”me ga’ar. “Mang ea elder? I ir ea tachugol e saaf, fare tachugol e saaf ni ma pigpig u galasia ko Tachugol e Saaf nib Mangil.”5
Biney e pigpig nibe mithmith nib gaa’fan u galasia ko Tachugol e Saaf nib Mangil, dariy ban’en nib thil u thilin fare office ko priest nib tolang nge elder ko fare Melchizedek Priesthood. Ulan e section 107 nib mangil ko fare Doctrine nge Covenants, Me gaar Somoel, “tolang ko priest u tumran fare Melchizedek priesthood ni bay mat’won raed ni ngar sakiy gaed rorad, u tan paa’ fapi presidency, ni yad be yarmiy e tin nib thothup ban’en, nge ku arrgon u lan e office ko elder [ fa demtrug e office ko Aaronic Priesthood ]” (D&C 107:10; ku arrogon muguy verse 12).
Bin nib gaa’ faan ea yalen ko cha’an nibe kol fare priesthood ea bay yalen ni kan fil ko Fare Babyor ku Mormon profet Jacob. Nap’an ni ir nge walagen Joseph ni kan yibliy row ko priest nge sensey ko gidii’, me gaar: “me gadaed bayulyul ko murwel rodad ku Somoel, kad feked nga dakaen daed fare murwel, ma kad feked e denen ko girdii’ nga dakaen daed ni fa’an dabin faled ngoraed ea thin ku Got u fithik e yulyul” (Jacob 1:19).
Walageg, murwel ko cha’an nibe kol fare priesthood e baga’ fan. Boch e ulung e rayog ni ngar pared ni dabin rined e tin u fayleng ban’en ni ngar mithmith gaed ngar pi’id e molwol. Mag daed be kol fare priesthood ku Got ni nge yib gilngin nib mangil nge thap nga celestial kingdom ku Got. Bay fan’ nge murwel ko fare Somoel e ke mug ko fare Doctrine and Covenants. Ma kad oged u fayleng:
“ni gubin e girdii ma bay I non u dakaen fithngan Got fare Somoel, nge ku argon fare tabiyul ko fayleng;
“Ma ra mich nem ea ra garar u fayleng;
“Ma mag rog ea dabi maa’ni kan yarmiy;
“Ma fare gospel rog ni polo e bay yog ea pi muwar nib munguy nge mada’ nga tumran ea fayleng” (D&C 1:20–23).
Ngan mu’ nag e biney e murwel nib yulyul, ngad micheged ni ngad “yulyul” ko muruwel ko fapi pong ko priesthood (muguy D&C 84:33). Ke weliy Elder Harold B. Lee mang e yulyul ko priesthood: “Nap’an ra yin ta’ bee ni nge mang cha’ ni nge ko fare priesthood, ma ke mang reb gilchalpen Somoel. Susun e nge lemna e murwel rok nap’an nibe muruwliy e murwel ko Somoel. Iraray e n’en ni mornga’agen e cha’ nibe kol fare Priesthood.”6
Ere, walageg, fa’an ra fith Somoel ngom ni ngam ayuweg reb e pum’oon fa bpin ni fak—ni bo’ed rogon ni ke rin ko tapigpig rok—gara rin? Ma fa’an e gara rin, gara mang reb pi gilchapen, “muruwliy e murwel ko Somoel,” ni ngam micheg ni ngam ayuw?
Elder Lee e bay reb kanawan ni ngan fill mornga’agen fare priesthood: “Nap’an ni gara kol e magnifying glass nga daken ban’en me mug nib gaa’ ma rayog ni ngam guy’ u ow’chem; iraeam e magnifying glass. Chiney… fa’an e bay bee’ ni masap ko priesthood rok—ma iraram, ni ma mug nib gaa’ ni ir lemnaged ko sommo’on nib gafan ko tafney ko bee’—iraram kanawan ni ngam yulyul ko priesthood rom.”7
Baray kanawan e cha’ nibe kol fare priesthood nike yulyul ko murwel rok ko priesthood. Kug rungag e biney ni ke yib rok Elder Jeffrey D. Erekson, fagar rog u stake conference u Idaho. Pagal ni ke mabgol, nib gafgow ma be lamnag ni dabi mu’ u college, me ke lemnag Jeffery ni nge taleg e skul nge nga reb e murwel ni yibe pii’. Boch e rran nga tomuren president ko ulung ko fapi elder e yib nga tabina’ew rok. “Gube nang fan nib gafan fare priesthood key ni ba’ rog?” me fith fare president. Nap’an ni yog Jeffrey ni manang, me ga’ar president ngak nap’an ni kug rungag ni ngam taleg e skul, fare somoel e gafgow nag dar yag nge mol nap’ ni ke pii e molwol ney ku Jeffrey: “Ni gag e ulung ko fapi president ko elders, Gube yog ngom ni dam taleg e skul. Iraray e molwol rom ke yib ku Somoel.” Me par Jeffrey u skul. Boch e duw nga tomran mug mada’ gow mug rungag rok nibe yog ko pi cha’ nibe ko fare priesthood, “Ni fare [fanow] e ke thilyeg gubin banen u lane yafos rok.”
Cha’an ni ma kol fare priesthood e bayulyul ko priesthood nge murwel rok, ma iraram “gubin ban’en ra thil” u lane e yafos ko reb e batir ku Got.
IV. Priesthood u tabina’ew
Ke mada’ ko chiney, ma gube yog e mithmith ko fare priesthood u Galasia, chiney e bay gu n’on ko priesthood u tabina’ew. Mug tabab ko keys. Fare kengin e yalen authority ko priesthood e rayog ni nge mithmith u tan pa’ e cha’an nibe kol e key nibe gaa’ nibe mithmith ma dar fek nga daken authority ko priesthood u tabina’ew.8 Chitamangiy nibe ko fare priesthood e be gagyeg nag e tabina’ew rok ko fare authority ko priesthood nibe kol. Dariy fan wa’en fa tawasar ko priesthood ni nge ulunguy chon e tabina’ew rok, mulo’ong ko tabina’ew, nge pii e tawa’ath ko priesthood ko pin nge batir rok, fa nge pii’e tawa’ath ko fasag ko choggin e tabina’ew fa ngak boch e girdii’.
Fa’an e chitamangiy e ra yulyul ko priesthood rok ko tabina’w rok, ma ra pii’ e ayuw u Galasia ko boch ban’en rayog ni ngar rined. Chitamangiy nibe kol fare Melchizedek Priesthood e nge fol ko motochiyel ni nge yibe gelngin far priesthood ni nge pii’ e tawa’ath ko chonggin e tabina’ew rok. Susun ni chitamangiy e nge dag e t’ufeg ko tabina’ew ni nge adag chonggin e tabina’ew rok ni ngan fith e tawa’ath ngak. Ma galabthir e nge ayuweg e tawa’ath ko priesthood u tabina’ew.
Chitamangiy, mithmith ni boed “tabang nib mangil” ku ppin rom, ni ke fil fare family proclamation.9 Nge, chitamangiy, wi’in e bay mat’wom ni ngam rin fare gelngim nge ngongol ko priesthood authority, mu rin’ “nang, gamaen’, gol, sobta’an, nge t’ufeg ni dabi maa” (D&C 121:41). Bafa fan ni ngan murwel ko fare priesthood authority u tabina’ew. President Harold B. Lee e ke pii’ e biney e micheg u tomuren ni nge mang president ko fare Galasia; “Gelngin fare priesthood, ni kam kol e mangil fa’an ni bo’or e magawon u tabina’ew rom, ma’ar fa ku boch ban’en…par u gelingin fare priesthood, ni ir gelngin fare Got, nge gelngin ni nge mug e ma’ang’ang ko Somoel, rogon ni ngad gagyeg niged e priesthood, ma thingar i be’ech gaed. Cha nib mower ni nge nang fan kenggin e ra yalen ney e dabiyog ni nge yag e tawaath ngak ni ke yib ko priesthood nib mangil.”10
Pi walageg nib t’uf rog, yulyul ko fare priesthood nib thothup ni kam kol e baga’fan ko murwel ko Somoel u tabina’ew rom nge murwel rom u Galasia.
Gube micheg ko Ir ni priesthood rok. Ulan e milgach ni kan dugliy nge fos ko yam, gubin e pum’on nge bpin’ ra faskoyam’ nge yog e yafos ni manechubog. Rabug daed me micheg nga yul’yul’ ni ngad falaged e murwel ku Got nib mangil ni ir Chitamangdaed ni Gubinfan, u dakaen fithngan Yesus Kristus, amen.