Gumʼaenʼ mab Munguy Gumʼirchaʼen
Gum’aen’ e mornga’agen fare Tabiyul ma yibe rrin’ u fithik e mat’aw, ni yibe pagey ngay, ma yib gel.
Gub falfalen’ ko ngiyal’ ni ngad ayuwegned e pi toygang’ ko Galasia rodaed, ma rugube pining e magaer nga Elder Gong nge Elder nikar bow ko fare Ulung ko fare Ragag nge L’agruwi Apostle. Pi machib rom e ra tawa’ath nag e gidii’ nge tabinaew u dakean e fayleng, ma rugu ba adag ni nggu un ngomed ko pigpig mug fil ban’en romed.
Gube meybil ni fare Kan ni Thothup e ra fil ngodad me tamilang nag dad napan ni gadad be fil ban’en i ta’bang mornga’agen rogon Tathapeg1 ni ra bagdad me athamgil nge fol riy.
Nggu weliy mornga’agen boech mornga’agen rogon Kristus um’on ni nggu weliy mornga’agen reb u lane mulwol rog. Wenig mu motoyil nib fal’ rogon mag un ngog ko leam nag e fulweg ko pi duwer ni gura yoeg.
Bin somm’on. Fare Pumo’on ni Fal’ Yangren nge Amulek
Lane Bin Bi’ech e M’ag, ma gadaed be fil mornga’agen ba pumo’on nib fal’ yangren ni fith Yesus ni ga’ar, “Tamchib, mang e ren’en ni bfel’ nthingar gu rin’ me yag e yafos ndariy n’umngin nap’an ngog?”2 Fare Tathapeg e yog ngak ninge fol ko fapi motochiyel. Bin migid e n’en nike rrin’ fare Masta e n’en nib tu’uf ko tin nib tu’uf rok nge magawon rok.
“Me ga’ar Yesus ngak, Fa’anra gab adag ni ngam yal’uw me ere mman ngam pi’ ni chuway’ urngin ban’en ni bay rom ma ga fek e salpiy riy ngam pi’ ngak e pi’in yad ba gafgow, ma aram e ke yag e fal’ab ngom u tharmiy: ma ga yib ngam un ngog.
“Ma fa’ani rung’ag fare mo’on ni kab pagel e re bugithin nem me yan nike kirban’, ya rib pire’ ban’en rok”.3
Sap ko fulweg rok fare pumo’on nib fal’ yangren nge Amulek, ni rogon nikan weliy u lan fare Babyor ku Mormon. Amulek e ba cheg nag ni bo’or tabinaew rok nge tafagar.4 Ma weliy mornga’agen nib mo’on ni ke yo’or yay nikan pining ma darma motoyil; ba mo’on ni manang e tirok Got machane dabun ninge nang. 5 Ba mo’on nib mangil, machane Amulek e ma tafney e tin fayleng ban’en ni boed fare pumo’on nib fal’ yangren nikan weliy u lan Bin Bi’ech e M’ag.
Ma demtrug rogon nike ael nag gumircha’en, me Amulek e fol ko thin rok ba angel, me pag ba profet nge yib ngalan e tabinaew rok, me pi’ e gaan ngak. Me od laniyan’ napan e wub rok Alma man pining ninge machib nag fare gospel. Ma arame Amulek e pag “gubin e gol rokʼ, nge silber, nge pinʼen nib gaʼfan ni bay rokʼ … fan ko fare thin ku Got, ma bachan e pi tafagear rokʼ nge chitamangin nge gidiiʼ rokʼ e kar piiʼed keruʼ raed ngakʼ.”6
Mange gabe leam nag nib thil ko fulweg rorow fare pumo’on nib fal’ yangren nib fal’ab nge Amulek?
Bin L’agruw. Pahoran
Napan e mael nib alamrin nikan weliy u lan fare Babyor ku Mormon, me yan ba yol u thilin ni Moroni, ni capiten ko salthaw ko Nephite, nge Pahoran, nib chief judge nge mab governor u binaew. Moroni, ni i gafgow e salthaw rok ni bachane dani mangil rogon e ayuw nibe piq e gidii’, e yol ngak Pahoran “nibe thin ngak”7 ma be yog ngak nge pi toygang’ rok ni dariy e runguy rorad, ni yad malmal, nib kireb, ma to’ogor.8
Moem ni rayog ninge puwan’ Pahoran ngak Moroni nge thin rok ni dani mangil, machane dani rrin’. Me fulweg e thin rok u fithik e tu’ufeg me weliy mornga’agen e togopluw ni yibe tay ko gidii’ ni dani nang Moroni. Me ga’ar Pahoran:
“Musap, gube yoeg ngom, o Moroni, ni dagur falfalaen’ ko pi gafgow ni gimed be tay, arragon, ribe kireb lanin’ug ngay. …
“… Lan farengi babyor rom e kam gathibthib nigeg riy, machane dariy fan; ya dawor gu puwaen, ya kug falfalaenʼ nib gaaʼ gumʼirchaʼem.”9
Mange gabe leam nibe weliy mornga’agen e thin rok Pahoran ngak Moroni nibe thin ngak?
Bin dalip e wo’. President Russell M. Nelson and President Henry B. Eyring
Nel’ e pul ko fare general conference, me weliy President Russell M. Nelson e thin rok ngak President Thomas S. Monson napan ni pining ni nge fil, me leam nag, man fol fapi riyul’ ni bay u lan Fare Babyor ku Mormon. Ke ga’ar, “Ku gay rogon ni nggu fol ko thin rok. Fithik boch ban’en, ma ku yoloey e list ko mang fareBabyor ku Mormon, n’en nibe micheg, n’en ni be yog ni dani riyul’, n’en nibe buch, n’en nima dugliy, nge n’en nima dag. Fil mornga’agen fare Babyor ku Mormon nib fal’ rogon e rib falel’ mab mangil! Fal’ ni ngam rrin’ed.”10
Ku President Henry B. Eyring e ki yoeg nib ga’fan e thin rok President Monson u lane yafas rok. Ke ga’ar:
Ku bi’eg fare Babyor ku Mormon ni gubin e rran nike pag 50 e duw. Ere, rayog niku leam nag ni thin rok President Monson e fan ngak bee’. Machane, boed oren i gimed, ma ku thamiy e athamgil ko thin rok fare profet ma micheg rok e piningeg ni nggu athamgil. …
“Falfalen’ ni yib ngog, nge oren i gimed, e n’en nike micheg fare profet.”11
Mange gabe leam nag nibe weliy e fulweg rok nib munguy ko thin rok President Monson u daken e re gal toygang’ ney ko Galasia rok Somoel?
Dagur yog ni thin nib mangil rok Amulek, Pahoran, President Nelson nge President Eyring e kemus nikan weliy ko ta’areb rogon Kristus. Riyul’, ni bo’or rogoy nge n’en nike buch nibe gagyeg nag e yafos ko pi aningeg i tapigpig ney. Machane fare Tathapeg nge pi profet Rok e kar yoged e tin nib ga’fan nib tu’uf rodad ni gubin ni ngad nanged fan man athamgil ted u lane yafos rodad.
Gum’aen’
Wenig mu poey e pin’en nima murwel Somol ngay ninge weliy Mornga’agen u lane re chep nib thothup ney: Mfeked e mat’ rog ngam ted nga pomed, mi gimed folwok rog, ya gub munguy ma gub sobut’an’: mi gimed pir’eg e toffan.”12
Rogon, ma fare Tathapeg e be mel’eg ninge weliy mornga’agen e sobutan’ u fithik gubin e mangil ni ku rayog ninge mel’eg.
I buch ta’aban’en nib chugur ngay u lan ba yi’iy ni thapeg Profet Joseph Smith ko 1829. I yoeg Somoel ni thingar di filed Mornga’agen, man motoyil ko thin Rok, man yaen u fithik e Kan Nthothup Rok u fithik e sobutan’, ma rayog e gapas ngodad u dakean.13
Sobutan’ e mornga’agen fare Tabiyul ma yibe rrin’ u fithik e mat’aw, ni yibe pagey, ma ba gel rogon e tafney. Biney e ma ayuweg dad ni ngad nanged fan rogon e fulweg rok amulek, Pahoran, President Nelson nge Presideny Eyring nib fal’ rogon.
Boed, President Nelson nge President Eyring e ri rrin’ew e n’en ni yog President Monson ni ngan bi’eg man fil fare Babyor ku Mormon. Mus ni yow l’agruw ni yow be pigpig ko bang u Galasia nib ga’fan ma yibe guy ma kar bi’eg new fapi chep nib thothup nike n’uw napan, ma kar fol gow ni dari sap gown gay nib kireb rogon.
Amulek e ke pag ir ko n’en ni ba adag Got, me machib nag fare gospel, me digey e urngin ban’en. Me Pahoran e ba tawa’ath ko rogon e sap rok ma ba gol ni nge mithmith napan ni weliy ngak Mormon e pi gafgow nibe yib u fithik e gidii’ nib togopluw.
Rogon Kritus nib sobutan’ e baga’ ni dani yi ma nanged fan. Sobutan’ e ba gel, gathi mo’owaer; yibe rrin’, gathi malmal; athamgil, gathi tamra’; gapas, gathi ban’en ni dani ga’fan, gathi go’gur rom; gol, gathi kireb. Bee’ nib sobutan’ e momaw’ ni ngan kireb nag, bee’ ni ba adag ni ngu un noeg nib cheg ko gubin, fa b aba papey ni nge yoeg e tin falel’ ko boech e gidii’.
Machane sobutan’ e ma yima pagan’ ngak got nib tu’uf e ayuw Rok, ma gum’aen’ bang ni yiba adag ni ngan fil ban’en rok fare Kan ni Thothup nge gidii’ ni boed ni dabyog ban’en rok, nib cheg, fa ba skul, ni rayog ni demoy u bang nib tolang, da be m’ug ni boed ni dabyog ni nge pi’ ban’en. Leam nag rogon Naaman, capiten ko salthaw rok ba pilung u Syria, ni m’ay e uf rok me sobutan’ nge fol ko thin rok ba tapigpig ni nge motoyil ngak Elisha nib profet ni nge maluk u lane lul’ u Jordan ni medlip yay.14 Sobutan’ e ma ayuwegney ko uf’uf ni baga’ nima yib ko tolngan’, rogon tulngin e murwel, gelngiy, fal’ab, nge rogon nibe sap e gidii’ ngom.
Sobutan’—Rogon Kristus ma ba Tawa’ath nu Tharmiy
Gum’aen’ e ma yib ko n’en ni yiba adag, rogon ni yibe mel’eg ban’en, ma yibe athamgil ni ngan paer ni yibe bayluy e denen rodad.15 Kuba tawa’ath ni rayog ni ngad gayed. 16 Machane, thingardi tafneyed dad, ni fan nikan pi’ e re tawa’ath ney, ni fan ni ngan pigpig ko pifaak Got.17
Napan ni gadad ra yib ngak fare Tathapeg man fol rok, ma ra munmun ma gadad boed Ir. Ra pi’ fare kan nthothup gelngin daed ni ngad mangil gad ma yib gapas. Machane, sobutan’ e n’en ni gadad ra mang ni pi gachalpen fare Masta ma gathi kemus ni n’en ni gadad be rrin’.
Moses “e bee’ nib llowan’ ko gubin e Egyptian, ma ba cheg ko welthin nge mithmith.” 18 Machane, rib “sobutan’, u fithik gubin e gidii’ u fayleng.”19 Llowan’ rok nge pin’en nib cheg riy e rayog ni nge n’anggin nge uf. Machane, fare tawa’ath ko sobutan’ nikan fal’eg wa’athan ngay e ke boch’uw nag e uf’uf u lane yafas rok ma ke gel nag gelngin Moses ni nge rrin’ e pin’en ni ba adag Got.
Fare Masta nib Wo’en e Sobutan’
Bin tha’abi mangil ni mornga’agen e sobutan’ e ran pir’eg u lane yafas rok fare Tathapeg ni kemus ni Ir.
Fare Tabiyul nib Gel, nike yan u fithik gubin ban’en20 nike gafgow, nge map’ rach’en me yim’ “ninge bi’ech nag dad ko gubin mit e kireb,” 21 e lukuy tunguni ay e gachapen nike sug ko ab.22 sobutan’ ni aram rogon e be weliy rogon Somoel nib tapigpig ma kab toygang’.
Ke pi Yesus ba wo’ ko mithmith u fithik e mat’aw ma ke pag irk e gafgow nib alamrin u fithik e amith u Gethsamane.
“Ma fa’an rabad ko fa gin’em me ga’ar [ko Gachalpen], Mu meybilgad ngak Got nge siy mpaged gimed ngak e pin’en nma pingeg e girdi’ nge denen.
“Me yan i … ragbug nga but’ nge meybil,
“Me ga’ar, Chitamag, fa’anra mm’agan’um ngay ma ga fek e re kap ney ngam chuweg rog: machane gathi tin nib m’agan’ug ngay e ngam rin’, ya tin nib m’agan’um ngay.”23
Sobutan’ rok fare Tathapeg napan e biney nike yan u fithik nib ga’fann ma ba alamrin rogon e be dag ngodad nib ga’fan it ay e gonop rok Got nga m’on ko tirodad e gonop.
Rogon ni ke pag Somoel ir nge gelngin e tafney rok e ba falel’ ma ba kanawo’ ngodad ni gubin. Napan ni yib e pi salthaw nu Rome nga Gethsemane ni ngan fek Yesus, me chingeg Peter e saydon rok nge tha’eb e bani mat’aw tel ba tapigpig rok ba padrey.24 Me arame math fare Tathapeg nga tel fare tapigpig nge gol nag.25 Wenig mu nang nike yib nge yibliy bee’ ni baninge feek nga kalbus nibe murwel ko ta’ab gelngin e tharmiy ni susun e rayog ni nge ayuweg ni dabin koel ngan kruth nag.
Kukum lean nag rogon nikan kireb nag fare Masta u pow’chen Pilate ni ngan kruth nag. 26 Ke ga’ar Yesus napan nikan baen nag “Da mu nang nrayag ni gu non ngak e Chitamag ni nge ayuwegned ma ka chiney me l’oeg e engel ngarbad nib pag ragag nge l’agruw ulung?”27 Machane, “Cha’an nib ta Pufthin ko fas nge yam’”28 e kan pufthin nag u pow’chen bee’ u fayleng. “Me [Yesus] e fulweg thin ngak; ni fare governor e ga’ owchen ngay.”29 Sobutan’ rok fare Tathapeg e be m’ug ko thin rok e, nib gel gelngin, ni dabun ni nge murwel ko gelngin ni fan ngak.
M’ag nge Mich
Mormon e weliy mornga’agen e sobutan’ nib def ko gubin e tawa’ath ni bay.
“Ere, faʼanra bay e mich rokʼ beeʼ ma thingar dabisiy ni bay e athap rokʼ; ya faʼanra dariy e mich ma dariy e athap.
“Ere bayay, musap gaed gube yoeg ngomed ni dabiyog ni nge yog e mich nge athap ngakʼ, ma kemus ni faʼanra ba gumʼaenʼ, mab munguy gumʼirchaʼen.
“Faʼanra dangay, ma mich nge athap rokʼ e ba mʼay fan, ya dariy beeʼ ni aram rogon nib mʼag u mit Got, ma kemus ni piʼin nib gumʼaenʼ mab munguy gumʼirchaʼen; ma faʼanra bay beeʼ nib gumʼaenʼ mab munguy gumʼirchaʼen, ma be pogofay nag u gelingin fare Kan ni Thothup ni Yesus e ir Kristus, ma thingari dabisiy ni bay e tʼufeg rokʼ; ya faʼanra dariy e tʼufeg rokʼ ma ire dariy rogon; ere thingari dabisiy ni bay e tʼufeg rokʼ.”30
Ke ga’ar fare Tathapeg, “Nge felan’ e pi’in nib sobut’an’rad: ya rayag ngorad e tin nike micheg Got nra pi’.”31 Sobutan’ e baga’ fan ko rogoy ma rayog ningan thapeg man rrin’ u lane yafas rodaed ni bachan nge dakean fare Bayul rok fare Tathapeg.
Gube micheg ni Yesus Kristus e Tabiyul rodad nike foskoyam’. Ma gube micheg ni ra gagyeg nigey, ayuweg dad me pi’ gelngin dad napan ni gadad ra yan u fithik e sobutan’ ko kan nthothup Rok. Gube yoeg e mich rog ko pin’ey nib riyul’ nge pi m’ag u dakean fithngan Somoel ni Yesus Kristus, amen.