2010–2019
Lako Mai, Mo Muri Au—na iTuvatuva ni Sasabailesu kei na Gugumatua ni Turaga
Koniferedi Raraba ni Okotova 2019
2:3

Lako Mai, Mo Muri Au—na iTuvatuva ni Sasabailesu kei na Gugumatua ni Turaga

Mai vei Mark L. Pace

Peresitedi Raraba ni Matawilivola ni Sigatabu

Sa vakarautaka na Turaga na Nona tamata mera sabaya na ravuravu nei vu-ni-ca. NaLako Mai, Mo Muri Au sa ituvatuva ni isasabailesu kei na gugumatua ni Turaga.

Eda reki ni da mai soqoni vata ena koniferedi raraba cecere oqo ni Lotu i Jisu Karisito ni Yalododonu Edaidai. Eda kalougata meda ciqoma na vakasama kei na loma ni Turaga mai na nodra veivakavulici na Nona parofita kei na iapositolo. Sa nona parofita bula na Turaga o Peresitedi Russell M. Nelson. Eda sa vakavinavinaka ki na nona ivakasala kei na veidusimaki veivakauqeti sa ciqomi nikua.

Au sa vakadinadinataka na veika sa wasei taumada. Au sa vakadinadinataka na Kalou, na Tamada Tawamudu. E bula tiko ka lomani keda ka sa dau wanonovi keda. Na Nona ituvatuva ni bula marau sa vakalougatataka na bula oqo kei na noda lesu tale yani ki na Nona serau.

Au sa ivakadinadina talega kei Jisu Karisito. Ni sa Luvena Duabau ga na Kalou. Sa vakabulai keda mai na mate, ka sa vueti keda mai na ivalavala ca ni da vakabauti Koya ka veivutuni. Na Nona solibula veisorovaki ena vukuda sa kauta mai na kalougata ni bula tawamate kei na bula tawamudu. Me vakavinavinakataki ga na Kalou ena vuku ni Nona isolisoli tawavakatauvatani rawa ni Luvena vakalou” (“Na Karisito sa Bula: Na Nodra iVakadinadina na iApositolo,” Liaona, Me 2017, e loma ni waqana e liu).

Era sa vakalougatataki na Yalododonu Edaidai e vuravura raraba mera sokalou vei Jisu Karisito ena Nona valetabu. Dua vei ira na valetabu oqo sa tara tiko ena gauna oqo mai Winnipeg, e Kenada. A neirau na madigi vakaveiwatini me sikova na vanua e tara tiko kina ena Okosita ni yabaki sa oti. E rairai vinaka na kena itaratara na valetabu oqo ka na totoka sara ni sa na oti. Ia, e sega ni rawa me tara e dua na valetabu totoka e Winnipeg, se dua tale na vanua, ke sega na kena yavu e qaqaco ka kaukauwa.

Na laqalaqa vakatani ena qele vavaku levu ena vanua o Winnipeg sa ibolebole tiko ki na kena tara na yavu ni valetabu. Koya gona, sa vakadeitaki kina na yavu ni valetabu oqo mena oka kina e 70 na kaukamea sitila me bulu vata kei na simede. Na veisitila yadua oqo e 60 na fute na kedra balavu ka 12 ki na 20 na idi na kena raba. Era na teivaki sobu ki na qele me yacova ni tara yani na veivatu e ra, e rauta ni 50 na fute e botoni qele. Ena sala oqo, na 70 na sitila oqo sa na qaqaco ka kaukauwa kina na yavu ni valetabu totoka e Winnipeg.

Eda vakasaqara na Yalododonu Edaidai, na yavu dei qaqaco vakaoqo ena noda bula—na yavu vakayalo sa gadrevi ena noda ilakolako ena bula oqo ka lesu i noda itikotiko vakalomalagi. Na yavu o ya sa tara ena yavuvatu ni noda saumaki vua na Turaga o Jisu Karisito.

“Ia oqo, oi kemudrau na luvequ, mo drau nanuma mo drau nanuma mo drau tara na nomudrau yavu ena uluvatu ni noda Dauveivueti, o koya na Karisito na Luve ni Kalou, ia ni sa vakaliwava mai na tevoro na nona cagi kaukauwa, io, kei na nona moto ena covulaca, … ena sega ni rawai kemudrau me dreti kemudrau sobu ki na ikeli ni rarawa kei na yaluma tawacava rawa, ka sai koya na yavudei ia kevaka sa tara cake na tamata ena yavu oqo, ena sega sara ni bale rawa” (Ilamani 5:12

Eda vakavinavinaka, eda bula tiko ena gauna era vakavulici keda kina na parofita kei na iapositlo baleti Jisu Karisito. Ni muri nodra ivakasala ena vukea meda tara cake e dua na yavu vei Karisito.

Me vaka a vakamacalataka o Peresitedi Russell M. Nelson ena nona doladola ena Koniferedi Raraba ni Okotova 2018 sa oti a soli ivakaro kei na vakasala, “Sa inaki tudei tu mai ni Lotu me vukei ira kece na lewenilotu me tubu nodra vakabauta noda Turaga o Jisu Karisito kei na Nona Veisorovaki, ka vukei mera cakava ka maroroya nodra veiyalayalati kei na Kalou, ka me qaqaco ka vauci nodra vuvale. Ni sa veimedreyaki sara o vuravura nikua, ena sega ni rawarawa.. Na vunica sa vakalevutaka tiko nona ravuta na vakabauta kei keda kei na noda vuvale ena igu veitarataravi. Meda vakabulai vakayalo, e gadrevi ituvatuva ni tuvatuva kei na ituvatuva vakarabailevu” (“Nai Dola Vosa,” Liaona, Nove. 2018, 7; vakamatatataki).

Ni oti nona vosa o Peresitedi Nelson, a vakaraitaka raraba o Elder Quentin L. Cook ena Kuoramu ni iApositolo Le Tinikarua na ivurevure ni Lako Mai, Mo Muri Au ni tamata yadua kei na vuvale. Na nona vosa a oka kina na itukutuku oqo:

Vakatekivu ena Janueri ni yabaki oqo, era sa tekivu vulica na Yalododonu Edaidai e vuravura taucoko na Veiyalayalati Vou, vata kei na ivurevure Lako Mai, Mo Muri Au me idusidusi. Ena kena tuvai vakamacawa, na Lako Mai, Mo Muri Au ena vukei keda meda vulica na ivolanikalou, na vunau ni kosipeli, kei na nodra veivakavulici na parofita kei na iapositolo. Sa dua na ivurevure totoka vei keda kece.

Ni oti e ciwa na vula ni sasaga ni vuli ivolanikalou e vuravura raraba, na cava eda sa raica? Eda sa raici ira na Yalododonu Edaidai ena veivanua ni sa tubu nodra vakabauta ka yalodina vua na Turaga o Jisu Karisito. Eda sa raica na tamata yadua kei na vuvale sa tiko nodra gauna ena loma ni macawa mera vulica na vosa ni iVakabula. Eda sa raica na torocake ni vakasala ni kosipeli ena kalasi ni Sigatabu ni da vulica na ivolanikalou e vale ka wasea noda veivakararamataki e valenilotu. Eda sa raica na cecere ni reki ni vuvale kei na duavata ni da mua mai na wiliki tu ga ni ivolanikalou ki na vulici na ivolanikalou ena sala cecere.

A madigi dokai vei au meu sikovi ira e vuqa na Yalododonu Edaidai ka rogoca maivei ira nodra bulataka na Lako Mai, Mo Muri Au. Na nodra ivakaraitaki ni vakabauta e vakasinaita na yaloqu ena reki. Oqo e vica wale na malanivosa au a rogoca maivei ira eso na lewe ni Lotu:

  • E dua na tama a wasea, “Au marautaka na Lako Mai, Mo Muri Au, ni rawa meu vakadinadinataka na iVakabula vei iratou na luvequ.”

  • Ena dua tale na vale, a kaya e dua na gone, “Sa gauna vinaka meu rogoca nodrau ivakadinadina na noqu itubutubu.”

  • E dua na tina a wasea: “Keimami sa uqeti ena sala me vakaliuci na Kalou. Na gauna keimami a [nanuma ni] ‘sega vei keimami’ sa [vakasinaiti] ena nuinui, reki, vakacegu, kei na rawa-ka ena sala keimami sega ni kila ni rawa.”

  • Rau kaya dua na veiwatini: “Keirau sa wilika tiko na ivolanikalou ena sala e duatani mai na neirau dau wilika tu e liu. Keirau sa vuli vakalevu cake sara mai na kena keirau a vulica tu e liu. Sa vinakata tiko na Turaga meda rai ena rai vou. Na Turaga sa vakarautaki keda tiko.”

  • A kaya e dua na tina: “Au taleitaka ni da sa vuli vata tiko. E liu, eda a wiliwili ga. Nikua, eda sa vulica tiko.”

  • E dua na marama a wasea na rarama oqo: “E liu, sa tiko na lesoni, ka veitokoni kina na ivolanikalou. Ia oqo, sa tiko na ivolanikalou, ka veitokoni kina na lesoni.”

  • Dua tale na marama a kaya: “Au vakila na duidui niu cakava [vakatauvatani ] niu sega ni cakava. Au raica ni rawarawa meu vosa vei ira eso baleti Jisu Karisito kei na noda vakabauta.”

  • A kaya e dua na bubu: “Au kacivi ira na luvequ kei na makubuqu ena Sigatabu ka keitou veivakararamataki vata mai na Lako Mai, Mo Muri Au .”

  • Dua na marama a raica: “Na Lako Mai, Mo Muri Au sa vaka ni iVakabula sa qaravi au tiko. E veiuqeti mai lomalagi.”

  • A kaya e dua na tama: “Ni vakayagataki na Lako Mai, Mo Muri Au, eda sa vaka na luvei Isireli, boroi na yasa ni noda katuba, me taqomaki na noda vuvale mai na veiuqeti nei dauveivakarusai.”

Taciqu kei na ganequ, sa ka rekitaki na sikovi kemuni ka rogoca nomuni sasaga tiko ena Lako Mai, Mo Muri Au ni sa kalougata kina na nomuni bula. Vinaka vakalevu na nomuni yalodina.

Na vulici ni ivolanikalou kei na Lako Mai, Mo Muri Au me idusidusi sa qaqacotaka noda saumaki vei Jisu Karisito kei na Nona kosipeli. Eda sega wale tu ga ni sosomitaka e dua na auwa e valenilotu ena Sigatabu ena dua na auwa ni vuli ivolanikalou e vale. Na vulica na kosipeli sa sasaga tudei ena loma taucoko ni macawa. Dua na marama a kaya vei au, “Na kena inaki me kakua ni lekaleka na lotu ena dua na auwa; ia me balavu cake na lotu ena ono na siga!”

Meda raica tale mada na ivakaro nei noda parofita, o Peresitedi Nelson, ena nona dolava na koniferedi raraba ni Okotova 2018:

O vu-ni-meca sa valuta tikoga na noda vakabauta kei keda kei na noda vuvale ena kena kaukauwa sara. Meda bulaqaqa tiko ga vakayalo, ena gadrevi noda viribaita ka qaseta noda lalawa ka ni tuvatuva” (Nai Dola Vosa,” 7).

Ni (oti toka e 29 na auwa) ena yakavi ni Sigatabu, a sogota na koniferedi ena yalayala oqo: “Ni ko cakacaka vagumatua mo vakatura vou nomuni itikotiko me vale ni vuli kosipeli, … me na yaco na veiuqeti nei vu-ni-meca ena nomuni bula kei na nomuni itikotiko me malumalumu” (“Meda iVakaraitaki Uasivi ni Yalododonu Edaidai,” Liaona, Nove. 2018, 113).

Ena rawa vakacava na ravuravu nei vu-ni-meca me kaukauwa sara, ena gauna vata oqori sa malumalumu tiko na veiuqeti nei vu-ni-meca? E rawa ni yaco, ka sa yaco raraba tiko ena Lotu, baleta sa vakarautaka tiko na Turaga o ira na Nona tamata mera valuta lesu na vu-ni-meca. NaLako Mai, Mo Muri Au sa ituvatuva ni isasabailesu kei na gugumatua ni Turaga. Me vaka a vakavulica o Peresitedi Nelson, “Na veilewenivuli vou tokona na Lotu e kena usutu na vuvale sa rawa me vakaukauwataka na vuvale.” Ia, ni dodonu ka gadrevi kina na noda sasaga vinaka sara; e gadrevi meda “[muria] lako vakayalomatua ena qaqarauni me vakavoutaki kina [noda] itikotiko me vanua tabu ni vakabauta” (“Meda iVakaraitaki Uasivi ni Yalododonu Edaidai,” 113).

Me vaka a kaya o Peresitedi Nelson, “Sa noda itavi yadua meda vaqaqacotaka na noda dui bula vakayalo” (“Na iDola ni Vosa,” 8).

Ena ivurevure Lako Mai, Mo Muri Au sa vakarautaki keda kina na Turaga me “baleta na veigauna dredre eda sa donumaka tu oqo” (Quentin L. Cook, “Saumaki e Titobu ka Tudei,” 10). Sa vukei keda tiko meda tara na “yavu dei, ia kevaka sa tara cake na tamata ena yavu oqo, ena sega sara ni bale rawa” (Ilamani 5:12)—na yavu ni dua na ivakadinadina sa teivaki dei tu ena vatudei ni noda saumaki vua na Turaga o Jisu Karisito.

Me yaco noda vulica e veisiga na ivolanikalou meda qaqaco ka vakatakila ni sa kilikili me noda na kalougata yalataki. Sa noqu masu ena yaca i Jisu Karisito, emeni.