Singgil ulan fare Tafen e Milekag
Rib gaa’ napan e biney e Easter, Yesus Kristus e be pining daed ni ngaed, boded Ir, be’ nib Samaria nib bel’, ni ngan ngongliy lan fare tafen e Milekag rok (Galasia Rok) ni fan ko gubin e gidii’ ni ke gafgow.
Pi walageg, aram rogon ni ke yim’ ni ke gaman rilliw’ e duw ngay, ku guma tawreng nag e chitamangig. Easter e be micheg nag ni gura guy biyay.
Napan ni ug moy u sukul u England, me yib e chitamangig ngabi fingichiyeg. Ke nang ni kug tawreng nag e tabinaew.
Chitamangig e ri ba’adag e milekag makemus ni dabun e ggan. Ka aram rogon u France, ni yim nang ni rib felel’ e ggan riy, ya ma ga’ar, “Ndarow ngad kew e ggan ko Chinese.” I moy ni’ir e patriarch ulan e Galasia nib n’uw napan, chitamangig e be’ nib gel e thothup rok mab gel e tu’ufeg rok. Boran riy ni ke nap, me yib e ambulance nibe mada’ lingan ngalang ni yib ulan yu Paris, me ga’ar, “Gerrit, tinem e yor e bugi amith ko binaew.”
Ko binem e milekag romow, ma kug thamiy e kirbaen’ nge amith rok e gidii’. Bani bpin ni be pii’ e ice cream ni chuway’ ulan buchi wulbar nib achig. Fare tofen e ice cream e rib fel’ chi ga’ngin ni ta’areb e spun nra taw ngalanggin. Dab gu nang fan, ma ke puwaen’ ba mo’on nib gaa’ ngak fare bpin. Be tolul ma be thuruy, me thikiy fachi wulbar rok, nge map fapi tofen e ice cream rok. Dariy banan nrayag ni nggu rrin’ ngay ya ke mu’ i bilbilig tofen fapi ice cream ko sus rok. Kug ma guy ya’an e re bpin ney nibay u but’ u rom u kanawo’, ni be gay rogon ni nge ayuweg e tin ni kabay ko fapi tofen e ice cream rok, ni be map’ e luu’ u owchen nge but’. Ma yib ya’an ngog, ma ma pug oran ngog e tin nde fel’, dariy fan, dan nangfan ni gadaed ma rrin’ ngak boch e gidii’.
Ko reb e rran ni ke misiw’, nib chuchugur nga Paris, ma gamow yaen e chitamangig ko fare cathedral nib ga’ u Chartres. Malcolm Miller,1 be’ nib salap ko mornga’agen fare cathedral, me yip paa’ ko dalip yang fare winda nib therek ko fare nu’un ni kanog e Chartres ngay. Me yog ni bay e yaat riy.
Bin somm’on fare winda e be dag ya’an Adam nge Eva ni kar chuw gow u dakean fa gi Woldug nu Eden.
Ma bin migid ngay e be yup’ fan fare fanathin ni mornga’agen be’ u Samaria ni be’ nib bfel’.
Ma bin dalip ngay e be yup’ fan fare bin Migid e Wub rok Somoel.
Ran puthuy nga ta’abang, ma pi winda ney nib therek e be dag ya’an e milekag ulan yafos rodaed. Min pining maed ni nggu wared ngalan fare tafen e milekag.2
iStock.com/digitalimagination
Ni woed Adam nge Eva, nra chuw gow u dakean fa gi Woldug nu Eden ngar bow nga fayleng nib sug e pan nib makenken nge rachangal.3
iStock.com/digitalimagination
Fare pii’ i kanawo’ nib sor nga Jeriko, ni bay be’ riy, ni ke mad’ad, nikan digey ni ke gafgow ko amith.4
Susun ni ngaed ayuweged gadaed, bo’or e ngiyal’ ni gadaed ma gay rogon ngaed thap gaed nga barba’ fare wo’, ma danir pii’ e ayuw.
Machane, fare tu’ufeg ni bay, rok facha’ nib Samaria nib bfel’ e tal me m’ag e mad’ad rodaed ko fare wine nge gapgep. Pow ko sacrament nge boch e gam’ing, ni wine nge gepgep e be yupfan e golnag e ya’el ngak Yesus Kristus.5 Facha’ nib Samaria nib bfel’ e tay daed nga dakean fare donkey rok fa, wod ya’an ni bay ko ferangi therek, ni ke fek daed u dakean poen. Me fek daed i yib ngalan fare tafen e milekag, ni be yupfan e Galasia Rok. Ulan fare tafen e Milekag, me ga’ar facha’ nib Samaria nib fel’, “Mu ayuweg e chan’ey; … ya bay gu sul, mu gu fulweg ngom e salpiy ni kam n’ag nga puluwon.”6 Facha’ nib Samaria nib bfel’ e micheg ni kura sul, ni yaney nra sul e ra sul u fithik e rir nge ma’ang’ang.
iStock.com/digitalimagination
Rib gaa’ ni napan e Easter, Yesus Kristus e be pining daed ni ngaed, boded Ir, be’ nib Samaria nib bel’, ni ngan ngongliy lan fare tafen e milekag rok (Galasia Rok) ni fan ko gubin e gidii’ ni be gafgow.7 Gadaed fal’ag rogon daed ko fare bin Migid e Wub rok nike micheg ni wod rogon ni gadaed be rrin’ “ngak bagayad”8 nrogon nran rrin’ Ngak. “Ngak bagayad” e be yip fan ngodaed.
Napan ni kad uned ngak facha’ nib Samaria nib bfel’ ngalan fare tafen e Milekag, kad filed laal i n’en ni mornga’agen Yesus Kristus nge mornga’agen daed.
Somm’on, kad bad ngalan fare tafen e Milekag ni rogon daed. Ni gadaed gubin ma bay banan nrayag ni ngaed pii’ed e ayuw riy. Milekag rodaed ngak Got e ma buch ni gadaed bay u ta’abang. Ngaed ta’areb gaed ni wod e binaew nib ta’areb—demuturug ko bay e m’ar, yiko’, nifey, ran ni ke m’ay fa tin ni bay nib tu’uf. Gadaed ra thapeg e yi’iy ni fa’an gadaed ra puruy’ u ta’abang, ni yibe motoyil ngak gubin e gidii’, nib mu’un e pi’in ni bpin ngay, nge fare Thothup.
Napan nra thil gum’ircha’en daed ma gadaed rafek ya’an nga dakean daed,9 ma gadaed ra guy nge gadaed ulan fare Galasia rok. Bachan Ir, ma rayag ni ngaed guyed nib tomilang, ma dani ta’ath’ath. Bachan Ir, ma rayag ni ngad nanged fan ningad rrin’ed e tin nib mangil, fan ni ngan rrin’ e tin nib mangil, min gay rogon ni ngan rrin’ nth’abi mangil rogon. Bachan Ir, ma rayag ni ngaed pire’egned e mich, min pag e to’ogor, me thil rogon e tu’ufeg, me pagan’uy ngak Got. Ulan fare tafen e Milekag Rok, ma gadaed ra pire’eg min gaa’nag e tha’ rodaed ngak Got ni Chitamangindaed nge Yesus Kristus.
Pagan’ ngodaed ni ngaed ngongliyed fare tafen e Milekag ni nge mang tafen e milekag rodaed. Napan ni gadaed ra pii’ e tin ni gadaed bsalap riy nge tin ni gadead bchag riy, ma fapi tawa’ath Rok nib thothup e ran gel nag.10
Be’ ni ma pilyeg e thin nu Spain e yog ngog, “Elder Gong, kug nang ni u dakaen fare Thothup ko mang e ngam mog ni nge yag ni nggu pilyeg e thin riy,” biney e mo’on nib yul’yul’ e ga’ar, “ko fare tawa’ath ko pilyeg e thin.”
Tawa’ath ko mich e ma micheg e tin nra buch, ni ma m’ug nib thilthil rogon. Be’ nib bpin ni pii’ fare thothup e ayuw ngak u napan ni yim’ figirngin ni bachan fare COVID-19. Ke ga’ar, “Gu manang figirngig ma kag mow ra mada’ biyay.” Reb mornga’agen e COVID, reb e pbin e ga’ar, “Kug thamiy ni nggu wenig nag ngak Somoel nge pi togta ni ngar pii’ed buchu’uw e tym ngak figirngig.”
L’agruw, ke fith ngodaed ni ngaed ayuweged fare tafen e Milekag Rok ni nge par ni bay e tu’ufeg riy, ni gubin e gidii’ ma rayag ni nge mukun ngay, ni bay langgin nib gaa’ nifan ngak gubin e gidii’. Wod pi gachalpen Yesus Kristus, gubin e gidii’ mab ta’areb thal, ndariy be’ nib tolang ngak be’, ni yibe pining ma yibe mukun nga ta’abang.
Ni gubin e gidii’ ma rayag ni nge yib nge un ko fare mu’ulung ko sacrament, fa boch e mu’ulung ko Madnom, fa boch e gosgos.11 Ted fan e Tathapeg rodaed, ma ki yibe tay fan e gidii’. Guyed min fingichiy e gidii’. Ma gadaed pii’ e changar nib mangil, min par u charen e gidii’ ni be par ni yigo ir rok, min fil fithingan e gidii’, nib mu’un e gidii’ nib be’ech ngay ni ke un ko misa, tin nike sul e walagey, nge pi fal’yangren, nge bitir ko Primary.
Mu tafney nag ni gur e facha’, pininged e pi tafagar, pi gidii’ ni be milekag, gidii’ nib be’ech, gidii’ ni bo’or yang gin ni yibe tel raed ngay. Ngaed yor gaed, min falfalaen’, ma gadaed be ayuweg daed u ta’abang. Napan ni kad rrin’ed ni dani mangil rogon, ma dan nang, fa ni gun’gun’ nag bee’, fa ni fananikan bee’, ngaed gayed facha’ nge n’ag fan rodaed min gay rogon ni ngan rrin’ nib mangil rogon.
Ba tabinaew nu Africa ni be par u Mariken e chiney e ga’ar, “Ko somm’on riy, gidii’en e Galasia e yaed bgol. Gubin e gidii’ ma ke ayuweg maed ni kug thamiyed ni gamaed bay u tabinaew. Dariy be’ ni sap ngomaed nga but’.” Fare matam e ga’ar, “Fare Bible nib Thothup e machib nag fare wa’amngin e gospel ni yib ko fare leki’ingin e gospel.” “Ma fapi missionaries,” fare matam nge fare mitin ni raga’ar gow, “gamow ba’adag ni fakmow ni bpin nge pagal e nge bod fapi missionaries napan ni kar ilal gow.” Pi walageg, pininged e gidii’ nge yib ngalan fare tafen e Milekag Rok.
Dalip, tafen e Milekag Rok e kad filed e tin nib polo’ rok Yesus Kristus, ni gathi tin nib polo’ ko fayleng. Nde riyul’ ma dani ta’areb, fare fayleng “ni wod ya’en nib fel’” ni kan fal’eg ya’an ke mangil u owchey e rayag ni nge ligin daed ngaed thamiyed ni dan da fal’ gaed, adagdaed, fa ni adag rogon daed. Bthil ko, ko fare Tathapeg, ni Yesus Kristus rodaed, ni manang daed ma dabun daed ni nge nang e gidii’ mornga’agen daed, ma kag daed btu’uf Rok. Gospel Rok ba pii’ e bin la’agruw nge dalip e ayuw, ni ke bing e wo’en maligach nib bayul Rok.12 Ke pining daed ni ngad boded facha’ nib Samaria nib bfel’, ni dabda pufthin niged e gidii’ ma gadad n’agfan rodaed, nta’ab rogon napan ni gadaed be gay rogon ni ngad ted fan fapi motochiyel Rok.
Gadaed ra ayuweg daed ko napan ni gadaed be ayuweg boch e gidii’. Btabinaew ni gu manang ni ma par u charen e kanawo’ nib bo’or e karo ni ma yaen riy. Bo’or e gidii’ ni ma milekag ni ma tal nge fith e ayuw. Reb e kadbul riy me yib be’ ni be tutuguy e mab roraed. M’agfan’uy ko mini’ e chan’ey ko 2:00 a.m., yaed be lem, kemus ni yaney, be’ nib thil e rayag ni nge pii’ e ayuw. Napan ni kabe ul’ul’ ni yibe tutuguy fare mab, mi yaed rung’ag, “Nifiy—ke yik e tabgul ko nu’un rom!” Be’ nib Samaria nib bfel’ e ma ayuwegney.
Aningeg, ulan fare tafen e Milekag Rok, kad manged bang ko fare gospel ni Yesus Kristus e bay u lukungun, ni’ir e yuluy ko fare riyul’ nike sulyarmen, ni bay fapi apostles nge profet riy nib fos, nge ku reb fare m’ag rok Yesus Kristus—fare Babyor ku Mormon. Ke fek daed ngalan fare tafen e Milekag Rok—fare tempel nib thothup. Fare nu’un rok Somoel e tigil’, e pi’in ni kar mada’ad gaed ulan fare pi’ i kanawo i yaen nga Jeriko, facha’ nib Samaria nib bfel’ e ra lukuy me chuwegdaed nga mad, me fel’eg rogon daed ni ngaed suled ngak Got, me ta’areb nag daed ko fare tabinaew rok Got ni manemus. Pi temple rok e mab ngak gubin e gidii’ ni be fol ko fapi gospel Rok ni bay e mich roraed ma yaed be fol.
Falfalaen’ u tempel ab mu’un e ta’areb ngay ko fare gospel ndemuturug ko gin ni kamub riy, yalen rom, fa thin rom, nge mfen rom. Ko fare Tempel u Taylorsville Utah, bani pagal ni ka nog i Max Harker ngak nib 17 e duw rok ni weliy mornga’agen e mich ko tabinaew rok nel’ e mfen ngay ni tabab ko thing-thing-thing-thingtuw rok ni ka nog Joseph Harker nge le’ngin, ni ka nog Susannah Sneath ngak. Ko fare gospel rok Yesus Kristus ni ke sulyarmen, rayag ni gadaed gubin mang bee’ nib gel ko fare mfen ulan e tabinaew rodaed.
Bin tomur, ni laal’, gadaed falfalaen’ ngay ni Got ab btu’uf pi fak Rok nib thilthil, u ga’angin yang e mfen, nge nam, nge thin, ni bay tigil’ ulan fare tafen e Milekag Rok.
Ke pag 40 e duw ngay, ni ke yo’or gidii’en e Galasia ko tin ba’aray e nam nib palog. Napan e 1998, gidii’en e Galasia ni ma par u wuru’ yu Mariken nge Canada e bo’or. Ra 2025, ma be m’ug nra yo’or e gidii’en e Galasia ni be par u Latin Amerika ngaray nga Mariken nge Canada. Fare mukun rok pi gidii’en e Chitamangiy i Lehi e be buch ni wod rogon nin profecy nag. Gidii’en e Galasia nib yul’yul’, nib mu’un fapi pioneer ngay, e ke par nib gaa’ fan ko fare mich nge pigpig nifan ko Galasia nii bay u dakean e fayleng.
Ma, oran gidii’en e Galasia ni pil’al e dawri mabgol, fa dariy figirngin fa le’ngin, fa kar dar gow figirngin fa le’ngin. Biney ab baga’ ma ke thil nib gel. Nib mu’un raba’ fapi bpin ko Relief Society nge raba’ fapi pumo’on ni bay e priesthood roraed. Biney ni be m’ug ko Galasia u dakean ga’ngin yang u fayleng e tabab ko 1992 nge lan e Galasia u Mariken nge Canada ko 2019.
Gadaed ni ngad sak’iy gaed u powchen Somoel nge fare Galasia Rok e gathi be yan u rogon e mabgol rodaed machane rogon e liyor rodaed, ni wod rogon, e mich rodaed nib gel ngak Yesus Kristus13 Pi’in ni pil’al’ e yaed ba’adag ni ngan guy raed ni bugi gidii’ ni pil’al’ ni rayag ni ngar pii’ed e ayuw. Pi gachalpen Yesus Kristus e gubin yang ma kar bad riy, ndemuturug ya’an, gaa’ngin, ra’en, yangar, nra be’ ma bay e tin nib salap riy, ma ba’adag nib yul’ul’, nrayag ni nge tawa’ath nag me pii’ e ayuw ko pigpig. Gadad ma gay rogon ni ngaed folgaed rok Yesus Kristus udakaen e mich nga kalngaen’14 nge falflaen’.
Napan e biney e yafos, ma boch e ngiyal’ ni gadaed ma son nag Somoel. Bay ni gin ni gadaed be athapeg ni gadaed bay riy e gathi gin ni gadaed bay riy e chiney. Bee’ ni gathon e galasia e ga’ar, “Son u fithik e yul’yul’ ko fapi tawa’ath Rok Somoel e ba liw nib thothup. Dabin sap ngay ni gadaed e gafgow, fan ndubuy, fa kireb ko tafney machane ngan sap ngay ni bugi banan nib thothup.”15 Ma ngiyal’ ney, e ngan par ni yib fos, ma dabin son nag e yafos ni nge tabab.
Isaiah e micheg, “Pi’in yad be toer ngak SOMOL ni nge ayuwegrad e bay ra pir’eged nike yib gelngirad bayay; bay ra changeggad ngalang ni bod e arche’ ni eagle; yad ra mil, ma dab ra magaergad; ma yad ra yan, ma dabi m’ay gelngirad.”16
Facha’ nib Samaria nib Fel’ ni micheg nra sul. Ba yib e ma’ang’ang u nap’an ni gadad ra ayuweg e gidii’ ni wod rogon nra ayuweg raed. Napan ni gadadra yib nike mʼingaenʼ nge kalngaenʼdaed,17 ma rayag ni ngad pireʼeged a lam ku Yesus Kristus me lubeg paʼ ngodad nge ayuwegdaed.18 Pi gam’ing nib thothup e be pii’ e michmicheg nge “gelngin e tharmiy”19 ni ngaed thothup niged laniyaen’daed ko ngongol rodad. U dakean e tu’ufeg nge gol Rok, Galasia Rok e ra mang fare tafen e Milekag rodad.
Napan ni gadaed ra ngongliy tigil boch e gidii’ ulan fare tafen e Milekag Rok, ni yibe pining e gidii’ ni gubin, ma facha’ nib Samaria nib bfel’ e ra powi’iydaed ulan fare pi i kanawo’ u fayleng. Ko fare tu’ufeg nib polo’, Chitamangdaed nge Fak, ni Yesus Kristus, e ra michegnew ni “gapas e ra yib ngalan e fayleng, nge yafos nib manechubog ni ra yib”20—“ya gin nigu bay riy e gara yib ngay.”21 Ri gub falfalaen’ ngay ni gube micheg u dakean fithingan nib thothup nii’ir Yesus Kristus, amen.