“Musap! Gag ba Got ko Maʼangʼang”
Ma’ang’ang bay yib ngak pi gidii’ ni ba fol Yesus Kristus ni daba’, u lane yafos romed nge yafos rog.
Pi walageg, gu ba fal’fal’an ni gu ba sakiy umon ngomed ni daba’. Gu ba un ngomad u ta’abang e gidii’ ni ke yog ngodad biney e Mo’olung, Gu ba micheg ni Yesus Kristus ba fas. Ir ba powiiy Galasia Rok; Ir ba non ngak profet Rok, President Russell M. Nelson, nge Ir ba adag gubin e bitir Rok Chitamangiy nu Tharmiy
Ko biney a Madam ko Easter gadad ba mit fare Faskoyam ko Yesus Kristus, Taathapeg nge Tabayul rodad,1 fare Got ni Gubin, fare Pilung ko Gapas.2 Bayul Rok, ke mu ko Faskoyam Rok tomuren dalip e rran u lane taliw, e ma’ang’ang ni tha’bi mangil ko gubin e chepin ko gidii’. “Musap,” Ke non, “I gag e Got; nge Ma Gag ba Got ko ma’ang’ang.”3
“ke tal e ma’ang’ang ni bachan e ke yean Kristus nga tharmiy, nge ma ke paer nga ba’ani mat’aw i pa’ Got,”4 fare profet Mormon ke fith u lan Fare Babyor ku Mormon. Ke fulweg, “Danga; ara pi angel ni kar talgaed i machib nag e gidiiʼ.”5
Tomuren fare Kruth nag, e angel ko fare Somol ke yib ngak Mary, mini’, ke un ko reb e ppin’, kar bow ngak fare Tiliw ni yibliy nag fare dowef ku Yesus. Fare angel e ga’ar:
“Mangfan ni gimed be gay e pi’in nib fas u fithik e yam’?6
“Ma daki moy u roy; ya ke foskoyam.”7
Fare profet Abinadi u lan Fare Babyor ku Mormon ke yog ko biney e ma’ang’ang:
“Ma fa’an gomanga de fos Kristus ko yam’, … ma arame dariy e foskoyam’.
“Machane bay e foskoyamʼ, ere yamʼ e dakuriy gelingin, ma fare gafgow ni yamʼ e ke mʼay ni bachan Kristus.”8
Fapi ma’ang’ang ko Yesus Kristus ke fal’eg fapi gachalpen nib kakrom ni yoged: “I mini’ e cha’ney! Nra non ko kifeng nge n’ew me fol rok.”9
Nap’an fapi Gacahalpin nib kakrom kad folgad Yesus Kristus nge rung’aged Ir ba fil fare gospel, kar guyed bo’or e ma’ang’ang. Kar guyed “pi’in malmit e keyag ni ngar guyed ban’en, ma pi’in mugutgut e ke yag ni ngar uned ko yan, ma pi’in ndaraw e ka ra be’echgad, ma pi’in baling e kar rung’aged ban’en, ma pi’in karm’ad e kan fasegrad, ma fare Thin Ni Bfel’ e yibe machibnag ngak e pi’in gafgow.”10
Ma’ang’ang bay yib ngak pi gidii’ ni ba fol Yesus Kristus ni daba’, u lane yafos romed nge yafos rog. Ma’ang’ang e rin nib thothup, tin ko gelngin Rok Got nge non ngodad ni Ir ba “e ta’areb rogon fowap, nge da’ir, nge gubinfen.”11 Yesus Kristus, ni ke yarmiy e day, rayog gapas nag binem; Ke ni pi’ ngak e malmit ni ngar guyed ban’en rayog ni ayuwegdad sap nga tharmiy; Ke ni be’echnag e gidii’ nib alit rayog ni ayuwegdad ko tin nib kireb rodad; Ke ni gol nag e pum’on nib mowaer rayog ni fith ngodad ni “Muy, foleg”12
Kam guyed bo’or e ma’ang’ang, bo’or ni ngam nanged fan. Piney’ nib achigchig nap’an ga ba ta’abang nag ko Yesus ba faskoyam e cha’. Machane dariyfan fa’anra e ma’ang’ang e achig fa ga’, kemus ni ke yib Rok Got. Boech e gidii’ ba yog e ma’ang’ang e tin ko banood. Machane fare profet Nephi ke yarmeg nag ngak “machane, kar tayed nga but’ fare gelingin nge pi ma’ang’ang rokʼ Got, mar machib niged ngoraed e tiroraed e gonop nge tiroraed e llowaen’, ni nge yog ni felʼ rograed.”13
Ma’ang’ang bay yib ko gelngin nib thothup ko Ir ni “gelingin ni nge thapegey.”14 Ma’ang’ang e yangi ko kanawo’en Got ni machalbog; ma’ang’ang e ta’abang e gof ko tharmiy nga fayleng.
Tomur e duw, Sister Rasband nge gag kug warow nga Goshen, Utah, ko mo’olung ko Face to Face ko fayleng ngak 600,000 gidii u 16 thin.15 Fare fan ko mo’olung e Sulweg ko fare gospel ku Yesus Kristus, u fithik e duwer rorad pi gidii’ u fithik e fayleng. Sister Rasband nge gag kug guyed gubin e duwer; rayog ni kug micheg gow ko Yosef Smith e profet Rok Got, fare gelngin ko fare ya’iy u lane yafos rodad, fare Sulweg ko gospel ku Yesus Kristus ni daba’, nge tin nib riyul nge motochiyel ni gomaw ba adag. Bo’or e gidii’ ni kad uned ba motoyil ni daba.
Gadad ba adag fare mo’olung u lane Sacred Grove ulane New York bu’uw Yosef Smith ke micheg: “Muguy l’agruw ni’, ni nib gal ramaenrow ni dariy thibngirow nibe sak’iy u dakean loelgeg ngalang u dakean e nifieng. Me non bagyow ngog, nike yip’ pa’ ngak bagyow, —Ireray Fakag nib T’uf rog. Mmotoyil’ Ngak!”16 Biney, pi walageg, ir e ma’ang’ang.
Bachane fare m’ar u fithik e fayleng kug warod nga Goshen, Utah ko mo’olung, bu’uw Fare Galasia ku Yesus Kristus ni fan ko Gidii’en Got ko Tin Tomur e Rran ke yarmiy bayiy, ko kachido, e yang ko Jerusalem ni kakrom. Sister Rasband nge gag ni chuchugur gow ko Goshen binem e Madnam nap’an kug guyew e taa’ath u rom. Bo’or e nifiy u rom, nge kug thamiy e kireb ni ke tal e mo’olung. Nge, u 20 minute mada’ ko 6:00, ngiyal ko mo’olung, dariy e deengkii u fithik e na’un. Dariy e deengkii! Dariy e mo’olung. Ni bay ta’areb e generator ni boech gidii’ ba lem nag pii’ e deengkii, machane dag gu nanged.
Gubin e gidii’ ni fan e mo’olung, fapi cha’ ni ba bi’eg, pi cha’ ko musik, nge pi cha’ ko technician—nge 20 gidii’ ko tabinaw rog—ba adag fare mo’olung. Kug waen bachane kad yoer gad nge kug meybil ngak Somol ko ma’ang’ang. “Chatamingiy nu Tharmiy,” kug meybil, “Da gu fith ko ma’ang’ang bo’or ngiyal, machane gu ba fith e chiney. Biney e mo’olung thingar da rin’ ko gubin e gidii’ u fithik e fayleng. Gadad ba t’uf e deengkii fa’anra ni ga ba adag.”
Medlip e minute tomur e 6:00, bay yib e deengkii. Gubin e ban’en ba muruwel nib mangil, ko musik nge microphone, fapi video nge gubin e talen ko transmision. Kug tabab gad nge muruwel gad. Bay yib e ma’ang’ang ngomad.
Nap’an Sister Rasband nge gag u lane karo ni kug sulweg gow nga tabinaw, President nge Sister Nelson kar text nagmow biney: “Ron, gomow ba adag ni ngam nang ni nap’an kug rung’ag gow dariy e deengkii, kug meybil gow ko ma’ang’ang.”
I chepin nib Tomur e Rran ni ke yeloy, “Ku Gag, fare Somol, kug tay u pa’ rog nga lang ni pii’ e gelngin ko tharmiy; dabiyog ni ga ba guy e chiney, ma soen nge rayog ni ngam guy, nge nang ni i Gag, nge gu ra gub nge powiyy gidii’ rog.”17
Biney ni ke rin’. Fare Somol ke tay e pa’ rok, nga lang nge ke yib deengkii.
Pi ma’ang’ang ma muruwel’ udakaen e gelingin ko mich, woed President Nelson ke machib nib fel’rogon bin tomur e mu’ulung kafram. Fare profet Moroni ke yog ngak e gidii’, “Ya faʼanra dariy e mich u fithikʼ e gidiiʼ ma Got e dabiyog ni nge rinʼ e maʼangʼang u fithikʼraed; ere, dabi mʼug ngoraed nge madaʼ nga tomuren ni ke yog e mich ngoraed.”
Ke uluuliy:
“Musap gaed, u dakean e mich rokʼ Alma nge Amulek me puth fare kalbus riy nga butʼ.
“Musap gaed, fare mich rokʼ Nephi nge Lehi e gagyeg nag fare thil ni tay fapi Lamanites, Min tawfe nagraed ko nifiy nge fare Kan ni Thothup.
Musap gaed, fare mich rokʼ Ammon nge pi walagen e gagyeg nag ba maʼangʼang nib gaaʼ nga fithikʼ fapi Lamanites. …
“Ma dariy bingyalʼ ni ke gagyeg nag e gidiiʼ e maʼangʼang nge madaʼ nga tomuren ni ke yog e mich ngoraed; ere sommʼon e nge michaenʼraed ngakʼ fachaʼ ni Fak Got.”18
Rayog ni gu ba un ko biney e chepin, “Bachane mich ko fapi gidii’ ni b muruwel ko fare mo’olung, toygang nge chongin ko Galasia, e apostle, nge e profet rok Got ni ba adag e ma’ang’ang ni ke sulweg e deengkii u Goshen, Utah.”
Ma’ang’ang rayog bay yib u fulweg ko meybil. Gathi gubin mang gadad ba adag fa mang gadad ba lem nag, machane nap’an gadad ba pagan ngak Somol, Ir ra yib, nge Ir ba e ma’taw. Ir ra pi fare ma’ang’ang nap’an gadad ba t’uf.
Fare Somol ba pii’ e ma’ang’ang ni tay u wun’dad ko gelngin Rok, adag Rok ngodad, pa’ Rok ngodad ko tharmiy ngu buch u dowef rodad, nge Ir ba adag ni fil mang th’abi ga’ fan. “Ir ni bay mich rog Ngog ni gol nag,” Ke yog ngak e Gidii’en Got u 1831, nge fare micheg ni ta’ab ni daba’, “nge gathi motochiyel ko yam’, ra gol nag.”19 Bay e motochiyel ko tharmiy, nge thingar dad fol gad.
Bay ngiyal nap’an gadad ba adag e ma’ang’ang ra gol nag e cha’ ni gadad ba adag, ni magil nag e tin nib kireb, fa munguy nag e gum’irca’en ko cha’ nib amith. Musap ko tin u fithik e owechen ko dowef, gadad ba adag ni fare Somol ba ayuweg, ni fal’eg mang ni ke kireb. U dakean e mich, fare ma’ang’ang ra yib, machane gathi nap’an ga ba adag fa urogon gadad ba adag. Biney e fan ni gathi bay e mich rodad fa ba adag ayuweg Rok? Danga’. Somol ba adag ngodad. Ke pi’ e dowef Rok ngodad, nge bayul Rok ba ayuwegdad u fithik e gafgow nge denen rodad nap’an gadad ba meybil Ngak.
Fare Somol ba yog nogdad, “ma tirog e kanawo’ e ba thil ko tiromed.”20 Ke pii’, “Mired ngog, ni gimed gubin e pi’in ke aw parowmed i fek e n’en nib tomal ni gimed be fek, mu gu’ pi’ e toffan ngomed.”21—Mu toffan ko pi magawon, tin dabum, tamra, dabi fol’, magawon ko pi’in nima t’uf, ni fan pi’nen dabi thapeg. Gapas u fithik e alooboch e ma’ang’ang Tay u wun’um fapi thin rok Somol: “Kug non e gapas ngak e tafney rom marung’agen pinn’ey? Bay reb fel’ e micheg rayog ningam athapeg ku Got?”22 Fare ma’ang’ang ni Yesus Kristus, fare Jehovah ni ba ga’, fare Fak ko Tolang, ra pii’ e gapas.
Ni ta’ab rogon ni ke yib ngak Mary u milay, pining ko fithigan, ke piningdad ni ngad muruwel nag mich rodad. Mary ke adag ni pigpig nge ayuweg Ngak. Ke faskoyam ni gathi mang ir ba adag, mang ke buch ni ke weliy u Wo’en ko falfal’an.
“Ma ga luw nga but’ ko re kuruth nir,”23 kad yoeg gad fapi gidii’ ni dariy e mich rorad u Calvary. Rayog ni ke rin’ e ma’ang’ang ney. Machane Ke nang fare tomur ko fare tabab, nge Ir ba adag e athamgily ko Tunom ko Chatamangiy Rok. Dam mu pagtalin biney.
Ke yog ngodad u ngiyal nib mo’maw, “Mu sap ko mad’ad u kenginn, me pow ko pi nail u paa’angig nge rifriffaneg; mu michaen’um, mu fol pi motochiyel rog, ninge yoeg ningam fanay fare gil’lungun tharmiy.”24 Biney, pi walageg, e ma’ang’ang ni ke micheg ngodad.
Ko biney e madnam ko Easter gadad ba falfalan’ nag fare ma’ang’ang ko fare Faskoyam ko Somol, ni Gag e Apostle ko Yesus Kristus, gu ba meybil ni ngam thamiy fare gelngin ko fare Tabaul u lane yafos rom, ni wenig rom ngak Chitamangdad nu Tharmiy ra fulweg u fithik fare t’uf Yesus Kristus ke dag u pigpig rok. Gu meybil ni ngam athamgiy ko gubin ni bay yib. Nge gu yibliy nigem ni bay yib e ma’ang’ang ni ta’ab rogon ni ke rin u Goshen—fa’anra ba adag Somol. Musapgad ko ta’awath ku Tharmiy u lane yafos romed nap’an ni ngam “gayed e chaʼaney i Yesus niʼir e ke yoloey fapi profet nge apostle morngaʼagen, ni nge yog ngomed fare murnguy rokʼ Got ni Chitamangiy, nge fare Somoel i Yesus Kristus, nge fare Kan ni Thothup, niʼir e be micheg row, ngomed me paer romed ni gubinfen.”25 U dakean fithngan Yesus Kristus, amen.