Maha Sammelan
Niji Revelaishan ke Liye Ek Ruprekha
October 2022 maha sammelan
12:41

Niji Revelaishan ke Liye Ek Ruprekha

Elder Dale G. Renlund dwara

Barah Devduton ke Quorum Ke

Hamein us ruprekha ko samajhne ki zaroorat hai jiske bheetar Pavitr Aatma kaarye karta hai. Jab hum ruprekha ke daere me kaam karte hai, toh Pavitr Aatma ashcharyejanak atardrishti de sakta hai.

Aap me se kayi logon ke rakam, beete huwe saalon me mai Elder Dieter F. Uchtdorf se bahut prabhaawit hua hoon. Isse kuch had tak, pata chalta hai, mai kya kehne waala hoon.1 Isliye, usse chama maangte huwe …

Achcha-se-train-karal hawaijahaaj ke pailat apan vimaan ke chamta ke andar udaan bharte hai aur runway ke upyog aur udaan maarg ke sambandh me hawaai yaatayaat niyantrako ke nirdesh ka paalan karte hai. Seedhe shabdon me kahein, pailat ek ruprekha ke andar kaam karte hai. Chaahe woh kitne bhi budhimaan ya guni ho, sirf ruprekha ke daere me udaan bharne se hi pailats suraksha purwak vimaan ke vishaal sambhaona ko haasil kar sakte hai chamatkaari lakshye pura karne me.

Kuch isi tarike se, hum niji revelaishan ek ruprekha ke daere me haasil karte hai. Baptisma ke baad, hamein ek vishaal lekin vayvahaarik uphaar diya jaata hai, Pavitr Aatma ka uphaar.2 Jab hum vachan ke maarg pe tike rehne ki koshish karte hai,3 woh “Pavitr Aatma … [jo ki] [hamein] sab kuch dikhaega [jo hamein] karna chahiye.”4 Jab hum anishchit ya asahaj hote hai, toh hum Parmeshwar se madad maang sakte hai.5 Rakshak ka vaada isse spasht nahi ho sakta: “Maango, aur tumhe diya jaaega; … kyunki har koi jo maangta hai, praapt karta hai.”6 Pavitr Aatma ki madad se, hum apne divye swabhaao ko apne anant bhaagye me badal sakte hai.7

Pavitr Aatma ke zariye niji revelaishan ka vaada vismaykaari(awe-inspiring) hai, zyaada karke udaan me ek hawaai jahaaj ki tarah. Aur hawaai jahaaj ke pailaton ki tarah, hamein us ruprekha ko samajhne ki zaroorat hai jiske bheetar Pavitr Aatma niji revelaishan dene ke liye kaarye karta hai. Jab hum ruprekha ke daere me kaam karte hai, toh Pavitr Aatma ashcharyejanak atardrishti, nirdeshan, aur aaraam de sakta hai. Ih ruprekha ke baahar, hamare pratibha ya gun se koi fark nahi padhta, hamein dhokha diya jaa sakta hai aur durghatnagrahst ho sakte hai aur jal sakte hai.

Niji revelaishan ke liye dharamshaastr is ruprekha ka pehla tatva banate hai.8 Jaisa ki dharamshaastron me paaya gaya hai, Masih ke vachano ko khoob padhna, niji revelaishan ko uttejit karta hai. Elder Robert D. Hales bolis: “Jab hum Parmeshwar se baat karna chahate hai, toh hum praathna karte hai. Aur jab hum chahate hai ki Woh humse baat karein, toh hum dharamshaastr me khoj karte hain.”9

Dharamshaastr hamein niji revelaishan praapt karna bhi sikhaate hain.10 Aur hum puchte hai ki kya sahi hai aur kya achcha11 aur na ki woh jo Parmeshwar ki ichcha ke vipreet hai.12 Hum apne agenda ko badhaao dene ya apne anand ko pura karne ke liye galat niyat ke saath “nahi puchte”.13 Sabse badhkar, hamein Ishu Masih ke naam se Swargiye Pita se puchna hai,14 yeh vishwaas karte huwe ki hum praapt karenge.15

Ruprekha ka dusra tatva yeh hai ki hum niji revelaishan ko sirf apne daere me praapt karte hain na ki dusron ke visheshadhikaar ke bheetar. Dusre shabdon me, hum apne niyat runway se udte aur utarte hai. Punahsthaapna ke itihaas me achchi tarah se prabhaashit runway ke mahatwa ko jaldi hi seekha gaya tha Mormon Dharamshaastra ke Aath Gawahon me se ek Hiram Page ne daawa kiya ki woh pure Girjaghar ke liye revelaishan praapt kar raha hai. Kayi sadasyon ko dhokha diya gaya aur galat tarike se prabhaawit kiya gaya.

Iske jawaab me, Prabhu ne prakat kiya ki “ih girjaghar me aagyaaon aur revelaishan ko praapt karne ke liye kisi ko bhi niyukt nahi kiya jaaega, siwaae mere sewak Joseph Smith … uske sthaan par kisi anye ko niyukt nahin karunga.”16 Girjaghar ke liye Siddhaant, aagyaaen, aur revelaishans jiwit prophet ka vishesh-adhikaar hai, jo unhe Prabhu Ishu Masih se praapt karta hai.17 Woh profat ka runway hai.

Saalon pehle, mujhe ek vyakti ka phone aaya, jise bina anumati prawesh karne ke liye giraftaar kiya gaya tha. Usne mujhe bataya ki unhe yeh pata chala tha ki jon imaarat me uh jaae ke koshish karis raha, uske ground floor ke niche kuch aur shaastr dafan the. Usne daawa kiya ki ek dafa jab usne woh aur shaastr paa liya, toh unhe pata tha ki unhe anuwaad ka uphaar milega, naya shaastr saamne aaega, aur Girjaghar ke siddhaant aur nirdeshan ko aakaar dega. Maine usse kaha ki usse galti hui hai, aur usne mujhe iske baare me praathna karne ke liye kaha. Maine usse kaha ki mai nahi karunga. Woh gaaliyaan dene laga aur maine phone rakh diya.18

Mujhe is anurodh ke baare me ek saral lekin gambheer kaaran ke liye praathna karne ki avashyakta nahin thi: sirf profat ko Girjaghar ke liye revelaishan praapt hota hai. Dusron ke liye aysa revelaishan praapt karna “Parmeshwar ke arthvayvastha ke vipreet ”19 hoga, jo profaton ke runway par hai.

Niji revelaishan sahi rup se vyaktiyon ke liye hai. Aap revelaishan praapt kar sakte hai, uddharan ke liye, kahan rehna hai, kis kariyar maarg ko lena hai, ya kisse viwaah karna hai.20 Girjaghar ke leaders siddhaant sikha sakte hain aur prerit salaah baant sakte hai, lekin in nirnayon ki zimmedaari aap par hai. Woh aapka revelaishan hai jise aapko praapt karna hai; woh aapka runway hai.

Ruprekha ka ek teesra tatva yeh hai ki niji revelaishan Parmeshwar ki aagyaaon aur un vachano ke jaisa hoga jo humne Uske saath banaai hai. Ek praathna ke baare me sochein jo kuch uh rakam hai: “Swargiye Pita Girjaghar ki sewaaen(services) kuch dilchasp nahi hai. Kya mai Sabbath ke din pahadon me ya samundar tath pe teri upaasna kar sakta hoon? Kya mujhe girjaghar jaane aur prabhubhoj me bhaag lene ke liye chama kiya jaa sakta hai, lekin phir bhi Sabbath din ko pawitr rakhne ka vaada kiya ashirwaad milega?”21 Aisan praathna ke jawaab me, hum Parmeshwar ki pratikriya ka anumaan laga sakte hai: “Mere bachche, mai Sabbath din ke baare me apni ichcha pehle ki prakat kar chuka hoon.”

Jab hum revelaishan maangte hai kisi cheez pe jiske baare me Parmeshwar ne pehle se hi spasht nirdeshan diya hai, toh hum apni bhaaonaaon ki galat matlab nikaalte hai aur jo hum sunna chahate hai use sunne ke liye khud ko taeyaar rakhte hai. Ek dafa ek admi hamme apan parivaar ke stithi ke paese ki samasya ko sambhaale ke apan sangharsh ke baare me bataais. Uske paas samaadhaan ke rup me paisa ke gaban(embezzle) kare ke vichaar raha, jispe usne praathna kiya tha, aur mehsoos kiya ki use sahi revelaishan praapt hua hai. Mai jaanta tha ki use dhokha diya gaya tha kyunki usne Parmeshwar ki aagya ke vipreet revelaishan ki maang ki thi. Profat Joseph Smith ne chetaoni di, “Manushyon ke bachchon ke liye isse badi chot kuch bhi nahi hai ki weh jhuti aatma ke prabhaao me rahe, jab weh sochte hain ki unke paas Parmeshwar ka Aatma hai.”22

Kuch log yeh keh sakte hai ki Nephi ne Laban ko maarte samay ek aagya ka ullanghan kiya tha. Haalaanki, yeh apwaad us niyam ko nakaarta hai—yeh niyam ki niji revelaishan Parmeshwar ki aagyaaon ke anuroop hoga. Koi bhi saral safaai ih kahani ka puri tarah se santoshjanak nahi hai, lekin mujhe karne do kuch pehluwon par prakaash daalunga. Is ank ki shuruaat Nephi ke yeh puchne se nahin ki ki kya woh Laban ko maar sakta hai. Woh aisan kuch nahi raha jon uh kare mangta raha. Laban ke maare se Nephi ke koi niji laabh nahi raha balki bhavishye ke raashtr aur ek vachanbadh log ko shaastr pradaan kare ke liye raha. Aur Nephi ko yakeen tha ki yeh revelaishan tha—vaastao me, is maamle me, yeh Parmeshwar ki or se ek aagya thi.23

Ruprekha ka chautha tatva yeh pehchaanna hai ki Parmeshwar ne aap par niji rup se pehle se hi kya prakat kiya hai, jabki Usse aage ke revelaishan ke liye taeyaar rehte hai. Agar Parmeshwar ne kisi sawaal ka jawaab diya hai aur woh paristhitiyaan ab tak badli nahi hai, toh hum kyun ummeed karenge ki jawaab alag ho? Joseph Smith 1828 me ek samasya se bhare sinaario me fas gaye. Mormon Dharamshaastra ke pehle bhaag ka anuwaad tab kiya gaya tha jab Martin Harris, ek paropkaari aur praarambhik lekhak, ne Joseph se anuwaadit pages ko lene aur unhe apni patni ko dikhaane ki anumati maangi. Kya karna hai iske baare me na jaante huwe, Joseph ne maargdarshan ke liye praathna ki. Prabhu ne usse kaha ki Martin ko paijes na lene dein.

Martin ne anurodh kiya ki Joseph phir se Parmeshwar se puchein. Joseph ne waisa hi kiya, aur jawaab, ashcharye ki baat nahi, wahi tha. Lekin Martin ne Joseph se teesri baar bheek maangte huwe kaha, aur Joseph ne aysa hi kiya. Is baar Parmeshwar ne nahi naa kaha. Iske bajaae, yeh aysa tha jaise Parmeshwar ne kaha, “Joseph, aap jaante hai ki main iske baare me kaisa mehsoos karta hoon, lekin aapke paas chunne ke liye aapki agency hai.” Khus is rukawat se mukt mehsoos kar ke, Joseph ne Martin ko 116 manuscript paijes lene aur unhe parivaar ke kuch sadasyon ko dikhaane ki anumati dene ka faesla kiya. Anuwaadit pages kho gaye the aur kabhi bhi phir haasil nahi huwe. Prabhu ne Joseph ko bahut daanta.24

Joseph ne seekha, jaisa ki Mormon Dharamshaastra me profat Jacob ne sikhaaya tha: “Prabhu ko salaah nahi dena, parantu uske haath se salaah lena. Kyunki … woh buddhi se salaah deta hai.”25 Jacob ne aagah kiya ki durbhaagyepurn cheezein tab hoti hai jab hum aysi cheezein maangte hai jo hamein nahin karni chahiye. Usne bhavishyevaani ki thi ki Jerusalem ke log “un baaton ko dhoondenge jo samajh nahi sakte,” “nishaan se aage” dekhoge aur sansaar ke Rakshak ko puri tarah nazarandaaz karenge.26 Weh thokar khaa gaye kyunki unhonne un cheezon ke liye kaha jo weh nahi samajhte the aur nahin samajh sakte the.

Agar humne apne maamle ke milaan niji revelaishan praapt kiya hai aur paristhitiyaan nahi badli hain, toh Parmeshwar ne hamare sawaal ka jawaab pehle hi de diya hai.27 Uddharan ke liye, kabhi kabhi hum phir se ashiwaasan maangte hai ki hamein maaf kar diya gaya hai. Agar hum ne pashchataap kar liya hai, anand aur shaanti ki bhaona se praapt kiya hai, aur apne paapon se chama paaya hai, hamein phir se nahi maangna hai par yeh bharosa rakhna hai ki Parmeshwar ne pehle se maaf kar diya hai.28

Jab hum Parmeshwar ke pehle diye gaye jawaabo pe bharosa karte hai, hamein intazaar karna hai aur niji revelaishan ke liye. Akhir me, jiwan ke bahut kam manzilon tak ek non-stop udaan se pahuncha jaa sakta hai. Hamein yeh pehchaanna chahiye ki niji revelaishan “niyam par niyam” aur “aagya par aagya”29 praapt kiya jaa sakta hai, jo prakat nirdeshan ho sakti hai aur aksar vriddhisheel hoti hai.30

Niji revelaishan ke liye ruprekha ke tatva overlap hone waale aur aapasi rup se me mazboot hai. Lekin is ruprekha ke bheetar, Pawitr Aatma woh sab kuch prakat kar sakti hai aur prakat karegi jiski hamein vachan ke maarg par upar chadhne aur gati banae rakhne ki avashyakta hai. Is prakaar hum Ishu Masih ki shakti se ashishit ho sakte hai jo Swarg ke Pita hum se chahate hai. Mai aapko apne liye niji revelaishan ka dawa karne ke liye aatmavishwaas rakhne ke liye amantrit karta hoon, yeh samajhne ke liye ki Parmeshwar ne kya prakat kiya hai, shaastron aur aagyaaon se mel khaate hue jo unhonne apne niyukt profats ke zariye aur aapke apne daaere aur ejensy ke bheetar diye hain. Mujhe pata hai ki Pavitr Aatma aapko woh sab kuch dikha sakta hai aur dikhaega jo aapko karna chahiye.31 Ishu Masih ke naam se, amen.

Notes

  1. Elder Dieter F. Uchtdorf ne mahatwapurn susamachaar siddhaanton ko sikhaane ke liye vimaan se sambandhit analjees ka lagatar aur prabhaawi dhang se upyog kiya. Uddhaaran ke liye, usne haal hi me pilaton ki udaan se pehle ki checklist ko “A Teacher’s Checklist” ([broadcast for teachers, June 12, 2022], broadcasts.ChurchofJesusChrist.org) me Rakshak ki tarah padhaane se joda tha.

  2. Pavitr Aatma Ishwartav ka teesra sadasye hai, jise aksar Aatma ya Parmeshwar ki Aatma se jaana jaata hai, aur uddhaar ki yojna me mahatvapurn bhumika nibhaata hai. Woh Pita aur Putr ki gawahi deta hai, sabhi cheezon ke satye ko prakat karta hai, un logon ko pawitr karta hai jinhonne pashchataap kiya hai aur baptisma liya hai, aur Pratigya ki Pavitr Aatma hai (dekhiye Guide to the Scriptures, “Holy Ghost,” scriptures.ChurchofJesusChrist.org).

  3. Dekhiye 2 Nephi 31:19–21; Mosiah 4:8. Aur koi raasta nahi hai jisse hum “Parmeshwar ke raajye me uddhaar paa sakein.” Ayatha chahane se koi dusra maarg nahi banega.

  4. 2 Nephi 32:5; Doctrine and Covenants 84:43–44. bhi dekhye

  5. Dekhiye 2 Nephi 32:4; Russell M. Nelson, “Revelation for the Church, Revelation for Our Lives,” Liahona, May 2018, 93–96.

  6. Matthew 7:7–8.

  7. Dekhiye “Parivaar: Duniya ke Liye ek Aupchaarik Ghoshna”; “Young Women Theme”; General Handbook: Serving in The Church of Jesus Christ of Latter-day Saints, 27.0; 27.2, ChurchofJesusChrist.org.

  8. Dekhiye 2 Nephi 32:3.

  9. Robert D. Hales, “Holy Scriptures: The Power of God unto Our Salvation,” Liahona, Nov. 2006, 26–27.

  10. Dharamshaastra sikhaate hai ki Pavitr Aatma ki aawaaz halki aur shaant hoti hai, ek fusfusaahat ki tarah—zor se ya shor nahi; yeh saral, shaant aur saada hai; yeh ekdam andar ghus sakta hai aur jalne jaise hota hai; yeh mann aur hriday dono ko prabhaawit karta hai; yeh shaanti, anand, aur aasha laata hai—bhay, halchal aur chinta nahi; yeh hamein bhalaai karne ke liye amantrit karta hai—bura nahi; aur yeh gyaan se bhara aur swaadisht hai—rahasyamay nahi. Dekhiye 1 Kings 19:11–12; Omni 1:25; Alma 32:28; Helaman 5:30–33; 3 Nephi 11:3; Moroni 7:16–17; Doctrine and Covenants 6:22–24; 8:2–3; 9:8–9; 11:12–14; 85:6; Boyd K. Packer, “The Candle of the Lord,” Ensign, Jan. 1983, 51–56; Russell M. Nelson, “Hear Him,” Liahona, May 2020, 88–92; Russell M. Nelson, “Embrace the Future with Faith,” Liahona, Nov. 2020, 73–76; Russell M. Nelson, “Revelation for the Church, Revelation for Our Lives,” 93–96.

  11. Dekhiye 3 Nephi 18:20; Moroni 7:26; Doctrine and Covenants 88:64–65.

  12. Dekhiye Helaman 10:5; Doctrine and Covenants 46:30.

  13. James 4:3; dekhiye James 4:3, New International Version; 2 Nephi 4:35; Doctrine and Covenants 8:10; 46:7; 88:64–65.

  14. Dekhiye Doctrine and Covenants 88:64–65; Guide to the Scriptures, “Prayer,” scriptures.ChurchofJesusChrist.org.

  15. Dekhiye 3 Nephi 18:20; Moroni 7:26.

  16. Doctrine and Covenants 28:2, 7.

  17. Dekhiye Doctrine and Covenants 21:4–5

  18. Saobhaagye se, suvidhaen aayojit ki gayi taaki use zaroori madad aur ilaaj mil sake.

  19. Teachings of Presidents of the Church: Joseph Smith (2007), 197.

  20. Dekhiye Thomas S. Monson, “Whom Shall I Marry?,” New Era, Oct. 2004, 4.

  21. Dekhiye Doctrine and Covenants 59:9–16.

  22. Joseph Smith, Times and Seasons, Apr. 1, 1842, 744 me, josephsmithpapers.org.

  23. Prabhu apne prakat kiye aagyaaon ko lekar aksar badalta, ya rokta nahi, par yeh bhavishyevaani kiye gaye revelaishan se hota hai na ki niji revelaishan se. Profetik(bhavishye batane waala) revelaishan Parmeshwar ke niyukt profatt se aata hai Parmeshwar ke gyaan aur samajh ke anusaar. In rukawaton me shaamil hai Moses aur Joshua ka Prabhu dwara diya revelaishan Canaan ke sab rehnewaalon ko maarne ka Unke aagya ke rehte huwe “Aap jaan nahi lenge” (Exodus 20:13). Apne profat ke zariye, Prabhu Apne aagyaaon ko phir se bana sakta hai aur karega Apne lakshye ko pura karne ke liye. Haalaanki, hum aazaad nahi hai niji revelaishan ke zariye un sthaapit aagyaaon ko badalne ya nazarandaaz karne ke liye jo Parmeshwar ne profat ke dwara Apne Girjaghar ko diya hai.

    Dekhiye 1 Nephi 4:12–18; saaransh me charcha ke liye, dekhiye Joseph Spencer, 1st Nephi: A Brief Theological Introduction (2020), 66–80.

  24. Pure 116 manuscript pages ke liye, dekhiye Saints: The Story of the Church of Jesus Christ in the Latter Days, vol. 1, The Standard of Truth, 1815–1846 (2018), 44–53; Doctrine and Covenants 3:5–15; 10:1–5 bhi dekhiye.

  25. Jacob 4:10.

  26. Dekhiye Jacob 4:14–16.

  27. Joseph Smith nai sikhaay, “Ham kabhi bhi vishesh prakaashan ke liye Parmeshwar ke haath se puchhataach nahin karte hain, keval is maamale mein unake maamale ke anuroop koi pichhla revelaishan nahin hai.” (in History, 1838–1856 [Manuscript History of the Church], volume A-1, 286–87, josephsmithpapers.org).

  28. Dekhiye Mosiah 4:3. Jab hum imaandaari se aur jaanbujh kar kiye gaye pashchataap ke baad bhi apraadh bodh aur pachtaawa mehsoos karna jaari rakhte hai, toh yeh aamtaur par Ishu Masih me vishwaas ki kami aur hamein puri tarah se chama karne aur changa karne ki Unki chamta ke kaaran hota hai. Kabhi kabhi hum maante hai ki chama puri tarah ke liye hai lekin puri tarah se hum par laagu nahi hoti hai. Yeh sirf us par vishwaas ki kami hai jo Rakshak Apne anant Praeshchit ke kaaran pura kar sakta hai.

  29. Dekhiye Isaiah 28:10; 2 Nephi 28:30; David A. Bednar, “Line upon Line, Precept upon Precept,” New Era, Sept. 2010, 3–7.

  30. Lekin agar Parmeshwar ne aapko revelaishan nahi diya hai, puchte rahiye. Jaise Elder Richard G. Scott ne sikhaya: “Bharose se aage badhiye. … Jab aap sachcha jiwan ji rahe hai aur bharosa rakhenge, Parmeshwar aapko bahut der bhatakne nahi dega bina ek chetaoni ki jhalak diye agar aapne ek galat nirnay le liya ho” (“Using the Supernal Gift of Prayer,” Liahona, May 2007, 10).

  31. Dekhiye 2 Nephi 32:5.