ဗိမာန်တော်ကို အာရုံစိုက်ပါ
ဗိမာန်တော်မှာ အချိန်တိုးလာတာက အခြားဘယ်အရာကမှမတတ်နိုင်တဲ့နည်းတွေနဲ့ သင့်အသက်တာကို ကောင်းချီးပေးမယ်ဆိုတာ ကျွန်တော်ကတိပေးပါတယ်။
ချစ်လှစွာသောညီအစ်ကိုမောင်နှမများခင်ဗျာ၊ အထွေထွေညီလာခံ၏ဤခမ်းနားထည်ဝါသောကဏ္ဍငါးခုအတွင်း၊ ကျွန်တော်တို့ဟာ ကောင်းကင်ဖွင့်လှစ်ကြောင်းထပ်မံတွေ့ကြုံခဲ့ရပြန်ပါပြီ။ သင်တို့ရဲ့ ထင်မြင်ချက်တွေကို မှတ်တမ်းတင်ထားပြီး ၎င်းတို့နဲ့အတူ လိုက်နာလိမ့်မယ်လို့ ကျွန်တော်ဆုတောင်းပါတယ်။ ကောင်းကင်ဘုံရှင်အဖနှင့် ကိုယ်တော်၏ချစ်မြတ်နိုးရသောသားတော်၊ ယေရှုခရစ်တော်တို့ဟာ သင့်ကိုကူညီဖို့ အသင့်ရှိနေကြပါတယ်။ သူတို့ရဲ့ အကူအညီကိုရှာဖို့ သင်တို့ရဲ့ ကြိုးစားအားထုတ်မှုတွေကိုတိုးမြှင့်ပေးရန် ကျွန်တော်တိုက်တွန်းပါတယ်။
မကြာသေးခင်က၊ ညီအစ်မ နယ်လဆင်နဲ့ကျွန်တော်ဟာ မော်မုန်ကျမ်း ဗီဒီယိုများ အတွဲ ရာသီ ၄ အသစ်ကို ကြိုတင်ကြည့်ခွင့်ရခဲ့ပါတယ်။၁ ကျွန်တော်တို့ဟာ အဲဒါတွေရဲ့ လှုံ့ဆော်မှုကိုခံခဲ့ရပါတယ်။ နီဖိုင်းလူမျိုးတို့ဆီ ကယ်တင်ရှင်ရဲ့ ပေါ်လာတော်မူခြင်း မြင်ကွင်းကနေ ကောက်နုတ်ချက်တိုလေးကို ဖော်ပြပါရစေ။
ဗိမာန်တော်မှာရှိတဲ့ လူများထံလာရောက်ရန် ကယ်တင်ရှင် ရွေးချယ်လိုက်တာက ထူးခြားပါတယ်။ အဲဒါက ကိုယ်တော့်အိမ်တော်ဖြစ်ပါတယ်။ အဲဒါက ကိုယ်တော်ရဲ့တန်ခိုးတော်နှင့် ပြည့်နေပါတယ်။ ကျွန်တော်တို့အတွက် ယခု ကိုယ်တော်ရှင်လုပ်ဆောင်နေတဲ့အရာကို ဘယ်တော့မျှ မျက်ခြည်မပြတ်ဘဲရှိကြပါစို့။ ကိုယ်တော်ဟာ မိမိ၏ဝတ်ပြုရာအိမ်တော်များကို ပို၍ဝင်ရောက်ကြည့်ရှုနိုင်အောင် ပြုလုပ်နေပါတယ်။ ကိုယ်တော်ဟာ ကျွန်တော်တို့ ဝတ်ပြုရာအိမ်တော်တွေဆောက်လုပ်နေတဲ့ အရှိန်အဟုန်ကို အရှိန်မြှင့်ပေးနေပါတယ်။ ကိုယ်တော်ဟာ ဣသရေလနိုင်ငံကို စုဝေးရန် ကျွန်တော်တို့၏စွမ်းရည်ကို တိုးမြှင့်ပေးလျက်ရှိပါတယ်။ ကိုယ်တော်ဟာ ကျွန်တော်တို့ တစ်ဦးစီအတွက် ဝိညာဉ်ရေးအရသန့်ရှင်းစေဖို့ ပို၍လွယ်ကူစေရန် လုပ်ဆောင်ပေးနေပါတယ်။ ဗိမာန်တော်မှာ အချိန်တိုးလာတာက အခြားဘယ်အရာကမှမတတ်နိုင်တဲ့နည်းတွေနဲ့ သင့်အသက်တာကို ကောင်းချီးပေးမယ်ဆိုတာ ကျွန်တော်ကတိပေးပါတယ်။
ကျွန်တော်တို့လောလောဆယ်မှာ လည်ပတ်နေတဲ့ ဗိမာန်တော် ၁၆၈ ခုနဲ့ ဆောက်လုပ်နေတဲ့ ဗိမာန်တော်အသစ် ၅၃ ခုရှိပြီး ကြိုတင်ဆောက်လုပ်ရေး ဒီဇိုင်းအဆင့်မှာ နောက်ထပ် ၅၄ ခုရှိပါတယ်။၂ အောက်ပါဒေသတစ်ခုချင်းစီမှာ ဗိမာန်တော်အသစ်တွေ တည်ဆောက်မယ့် ကျွန်တော်တို့ရဲ့အစီအစဉ်တွေကို ကြေညာရတာ ပီတိဖြစ်မိပါတယ်၊ ဘူဇန် ကိုးရီးယား၊ နာဂါ ဖိလစ်ပိုင်၊ စန်တီရေဂို ဖိလစ်ပိုင်၊ အီးက် နိုင်ဂျီးရီးယား၊ ချစ်လေရို ပီရူး၊ ဘူးနော့စ် အိုင်ရီးမြို့မ အာဂျင်တီးနား၊ လုန်ဒရီနာ ဘရာဇီးလ်၊ ရစ်ဘီရာရို ပရက်တို ဘရာဇီးလ်၊ ဟွေဟွေတီနန်ဂို ဂွါတီမာလာ၊ ဂျက်ဆင်ဗယ်လီ ဖလော်ရီဒါ၊ ဂရန်းဒ် ရပ်ပဒ် မစ်ရှီဂန်၊ ပရော်စပါး တက္ကဆက်၊ လုန်းမောင်တိန် နီဗာဒါ၊ ပြီးတော့ တကိုမာ ဝါရှင်တန်။
လက်ရှိဗိမာန်တော်သို့ခရီးသွားချိန် အဓိကစိန်ခေါ်မှုတစ်ခုဖြစ်နေတဲ့၊ ရွေးချယ်ထားတဲ့ မြို့တော်ကြီးတွေမှာ ဗိမာန်တော်တွေ တည်ဆောက်ဖို့လည်း ကျွန်တော်တို့ စီစဉ်နေ ပါတယ်။ ဒါကြောင့်၊ ဗိမာန်တော်အသစ်တွေဆောက်လုပ်မယ့် မက်ဆီကိုမြို့အနီးမှာ နောက်ထပ်နေရာလေးခုဖြစ်တဲ့ ကွန်နာဗာကာ၊ ပါချူကာ၊ တိုလူကာနဲ့ တူလာတို့ကို ကြေညာရတာ ကျွန်တော်ပီတိဖြစ်မိပါတယ်။
ချစ်လှစွာသောညီအစ်ကိုမောင်နှမများ၊ သင်တို့ တစ်ခါမှမရခဲ့ဖူးတဲ့ နည်းလမ်းတွေနဲ့ ဗိမာန်တော်ကို အာရုံစိုက်ကြပါခင်ဗျာ။ ဘုရားသခင်နဲ့ ယေရှုခရစ်တော်နဲ့ ပိုရင်းနှီးလာအောင် သင်တို့ကို ကျွန်တော်ကောင်းချီးပေးပါတယ်။ သင်တို့ကို ကျွန်တော်ချစ်ပါတယ်။ ကျွန်တော်တို့ တစ်ဖန်ပြန်တွေ့တဲ့အချိန်အထိ၊ ဘုရားသခင် သင်တို့နဲ့အတူရှိပါစေ၊ ယေရှုခရစ်တော်၏သန့်ရှင်းသောနာမတော်အားဖြင့် ကျွန်တော်ဆုတောင်းပါတယ်။