O Jisu Karisito na Veivakacegui

Mai vei Camille N. Johnson

Peresitedi Raraba ni iSoqosoqo ni Veivukei

Eda rawa ni veitokani kei na iVakabula me veivukei ena nodra vakacegui vaka yago kei na yalo o ira era gadreva—gauna vata oqo eda dau kune vakacegu kina vei Jisu Karisito.

Na nodra vakabauti Jisu Karisito kei na nodra nuitaka na veika era rogoca me baleta na Nona cakamana, era kauta mai na tagane paralasi vei Jisu o ira na veiqaravi. Era a vuku ena sala me kau kina ekea— dolavi na dela ni vale ka vakatukuci sobu na tagane, ena nona imocemoce, ki na vanua e veivakavulici tiko kina o Jisu. Ni a raica o Jisu “na nodratou vakabauta, sa kaya [vua sa tauvi paralasi], sa bokoci na nomu ivalavala ca.”¹ “A kaya vua, “Tucake, ka kauta na nomu imocemoce, ka lako ki na nomu vale.”² “A sa bula vinaka vakasauri na tamata paralasi, ka taura cake na nona imocemoce, ka lako ka “vakacaucautaka na Kalou.”³

Na cava tale eda kila me baleti ira nona itokani era veiqaravi vua na tagane paralasi? Eda kila ni raica na iVakabula na nodra vakabauta. Mai na nodra raica ka rogoca tiko na iVakabula ka vakadinadinataka tiko na Nona cakamana, era a “kurabuitaka” ka “vakacaucautaka na Kalou.”⁴

Vakarautaka o Jisu Karisito na inuinui ni veivakacegui ni bula—vakayago mai na mosi kei na veivakaleqai ni tauvimate vakadede. E ka bibi talega, ni vakarautaka talega na iVakabula na veivakacegui vakayalo me vakasavasavataka na ivalavalaca ni tamata.

Kei iratou na nona itokani—ena nodra sasaga me qaravi o koya e gadreva, era kunea na ivurevure ni vakacegu, era kunea vei Jisu Karisito.

Au vakadinadinataka ni o Jisu Karisito na dau veivakacegui. Mai na Veisorovaki i Jisu Karisito, sa rawa ni da kunea na vakacegu mai na icolacola kei na irevurevu ni valavalaca ka vueti mai na noda ibolebole.

Baleta ni da lomana na Kalou, ka veiyalayalati ni da na qaravi Koya, eda veitokani kei na iVakabula me veivukei ena nodra vakacegui vaka yago kei na yalo o ira era gadreva—gauna vata oqo eda dau kune vakacegu kina vei Jisu Karisito.⁵

E kaya na noda parofita lomani, o Peresitedi Russell M. Nelson, e sureti keda me da vakamalumalumutaka na vuravura ka kunea na vakacegu⁶ E vakadewataka o koya na vakacegu dina me “vakacegui ka kune vakacegu.” Tukuna o Peresitedi Nelson, “Baleta ni sa vueti keda vakayadudua na nona Veisorovaki tawayalani na iVakabula mai na noda caka cala, kei na ivalavala ca ena nona veisorovaki tawayalani, ka baleta ni a vakila o Koya na vei mosi kece, lomaleqa kei na icolacola bibi o sa sotava oti ni o veivutuni vakaidina ka qara na Nona veivuke, o na rawa ni rawata na ibolebole ena vuravura veilecayaki oqo.”⁷ Oqori na ivakarau ni veivakacegui sa solia vei keda o Jisu Karisito!

Eda dreketa yadudua tiko e dua na kato vakaibalebale. E rawa me dua na basikete me taqa toka e ulumu se me dua na kato e lili e tabamu se me dua na ikumuni me vesu toka ena isulu ka taqa toka e tabamu. Ia vei keda, eda na vakayacana na kato dreke.

Na kato vakaibalebale oqo e taubena tiko na ibolebole ni bula ena vuravura qo. Na noda ibolebole e vaka na vatu e tawa toka ena kato. E dau tolu toka na kena mataqali:

Na vatu e tiko mai na vuku ni noda ivalavala ca.
Na vatu ena loma ni kato baleta na digidigi cala, ivalavala tawa dodonu kei na noda dau cakava vei ira eso.
Na vatu eda laveta tiko baleta na ituvaki ni lutu eda bula tiko kina. Oka tiko ike na vatu ni tauvimate, mosi, davo vakadede, lolosi, rarawa, galili, kei na revurevu ni draki ca sega ni namaki.

Au vakaraitaka ena yalo marau ni noda ibolebole e na bula oqo, na vatu era tiko ena kato vakaibalebale oqo, e sega ni dodonu me bibi sara.

O Jisu Karisito e rawa me vakamamadataka na kena bibi.

O Jisu Karisito e rawa me laveta na icolacola.

O Jisu Karisito e rawa ni vakarautaka e dua na sala me da vakacegui kina mai na bibi ni valavalaca.

O Jisu Karisito e noda dau veivakacegui.

A kaya o Koya:

“Dou lako mai vei au, koi kemudou vakayaduaga sa oca, ka colata na icolacola bibi, ia kau na vakacegui kemudou [oya na vakacegu].

“Vakataqara vei kemudou na noqu ivua, ka vuli vei au; ni’u sa yalomalua ka yalomalumalumu: dou na kunea kina na vakacegu ni yalomudou.

“Ni sa rawarawa na noqu ivua, ka mamada na noqu icolacola.”⁸

Ni sa rawarawa na noqu ivua ka mamada na noqu icolacola e tukuna tiko meda vakaivuataki keda vua na iVakabula, me da wasea na noda icolacola vei Koya, meda vakatara me laveti keda mai na bibi ni bula. Kena ibalebale me da curu kina na vanua ni veiyalayalati kei na Kalou ka maroroya na noda veiyalayalati, me vaka e tukuna o Peresitedi Nelson, na veika kece me baleta na bula e rawarawa.” Tukuna o koya, Ia ni o vauci iko vua na iVakabula e kena ibalebale ni o rawa ni vakayagataka na Nona kaukauwa kei na kaukauwa ni Nona veivueti.”⁹

Cava na vuna eda sega ni dau via wasea kina na noda vatu? Na cava e na sega ni via biuta kina na vanua ni viri polo o koya na dau qito viripolo ni sa tiko e dua me sosomitaki koya me vakacavara kina na qito? Na cava na vuna meu na via tiko duadua kina ena noqu itutu ni sa tu vakarau okoya e veisosomitaki me maroroya vatakei au?

Vaka e tukuna o Peresitedi Nelson, “O Jisu Karisito… , tucake tu ka dedeka tu mai na ligana, e nuitaka ka tuvakarau me veivakabulai, veivosoti, samaki keda, veivaqaqacotaki, veivakasavasavataki, ka vakatabui keda.”¹⁰

Na cava tale eda via laveta duadua tiko kina na noda vatu?

Oqo e dua na taro meda taroga ga vei keda, mo ni vakasamataka yadudua.

Vei au, sa okoya na dre makawa ni yalo kaukauwa. “Au kila tiko,” eda dau tukuna. “Kakua ni leqa; au na qai cakava.” Sa o koya na daunilawakica levu e vinakata tiko meu vuni mai vua na Kalou, meu rai tani mai Vua, meu cakava duadua.

Taciqu kei na ganequ, au sega ni rawa niu cakava duadua, ka sega ni dodonu me vaka kina, kau na sega ni cakava duadua. Na digidigi meu vauci vua noqu iVakabula, o Jisu Karisito, ena veiyalayalati au sa vakayacora kei na Kalou, “Au sa rawata na ka kecega ena vukui Karisito koya sa vakaukauwataki au.”¹¹

O ira na maroroya na nodra veiyalayalati era vakalougatataki mai na veivakacegui ni iVakabula.

Vakasamataka mada na ivakaraitaki oqo ena iVola i Momani: Na tamata i Alama era vakararawataki ni “vakacakacakataki, ka lesi eso me ivakatawa ni nodra cakacaka.”¹² Vakatabui me ra masu icake, “ia sa tagi vakaidina Vua na yalodra; ka sa kila ko Koya na gagadre ni lomadra.”¹³

Sa “rogo mai vei ira na domo ni Turaga ni ra sa rarawa tiko ka kaya: Dou laveta cake na ulumudou ka vakacegu, ni’u sa kila tu na veiyalayalatidou a cakava vei au; ia au na veiyalayalati kei ira na noqu tamata, ka vueti ira mai na nodra vakabobulataki.

“Ia au na vakamamadataka na icolacola dou sa vakacolati kina mo dou kakua ni vakila ni dou sa colata.”¹⁴

Na icolacola e “vakamamadataki,” “io, a sa vakaukauwataki ira na Turaga me rawarawa vei ira na nodra icolacola, ka ra soli ira ena yalomarau kei na yalovosota ki na nona inaki na Turaga.”¹⁵

O ira na dau maroroya na nodra veiyalayalati era ciqoma na veivakacegui me vaka na logaloga vinaka, vosota vakadede kei na marau, mamada na icolacola, ka bibi duadua na veisereki.¹⁶

Me da lesuva talemada na noda kato vakaibalebale.

Na veivutuni mai na Veisorovaki i Jisu Karisito sa ikoya na veivakacegui mai na bibi ni vatu ni valavalaca. O koya na isolisoli vakasakiti oqo, e vakacegui keda kina na loloma cecere ni Kalou mai na bibi se na gagadre vakaitamera ni veivakadodonutaki.¹⁷

Na veisorovaki i Jisu Karisito e vakatara meda ciqoma na kaukauwa me da veivosoti, okoya e lei vakatara me da luvata na bibi eda laveta tu baleta na nodra cakaca vei keda eso.¹⁸

E vakacegui keda vakacava na iVakabula mai na icolacola ni bula ena vuravura veilecayaki vatakei ira na bula tiko kei na mosi?

Vuqa na gauna, e cakava o koya na veivakacegui oqo ena vukuda! Ni da lewenilotu ni veiyalayalati ni Nona Lotu, eda yalataka meda “tagi vata kei ira sa tagi” ka “vakacegui ira era sa gadreva tu na veivakacegui.”¹⁹ Baleta ni da “curu ki na lomanibai ni Kalou, “ka vakatokai me nona tamata,” “ka sa lomamudou mo dou veivuketaka na nomudou icolacola me mamada kina.”²⁰

Na noda veivakalougatataki ni veiyalayalati sa ikoya meda veitokani kei Jisu Karisito me solia na veivuke, vakayago ka vakayalo, vei ira kece na luve ni Kalou. E da idewadewa ni Nona veivakacegui.²¹

Me vakai ira na nona itokani na tagane paralasi, “eda vakaukauwataka na liga sa wadamele, kei na duru sa malumalumu.”²² Eda “colata na … nomudou icolacola, ka mo dou vakayacora kina na vunau i Karisito.”²³ Ni da vakayacora vakakina, eda na mai kilai Koya, vakataki Koya, ka kunea na nona vakacegu.²⁴

Na Cava na veivakacegui?

Sa okoya na kautani se vakamamadataki ni dua na ka mosi, veiyavalati, se bikai keda tu, se na kaukauwa me da vosota tiko. E vakaibalebale tiko ni dua na tamata e sosomitaki dua tale. Oqori na kena vakadodonutaki vakalawa na cala.²⁵ Na vosa vaka valagi-varanise qo e lako mai na vosa makawa Vaka-Varanise, na relever, se “mo tubera cake,” ka mai na vosa Vaka-Latina na relevare, se “tucake tale.”²⁶

Kemuni na taciqu kei na ganequ, o Jisu Karisito na Veivakacegui. Au vakadinadinataka ni tucake tale o Koya ena ikatolu ni siga, ka vakayacora kina na veisorovaki loloma ka tawamudu, e tucake tu ena ligana, solia tu vei keda na madigi me da tucake, ka vakabulai, ka vakacerecerei me da vakataki Koya. Na veivakacegui e solia o Koya e tawamudu.

Vaka na marama a sikova mai vua na Agilosi ena imatai ni mataka lailai ni Siga ni Mate, au gadreva meu “lako vakatotolo” ka ena “marau” kauta na itukutuku ni sa tucake tale o Koya.²⁷ Ena yaca ni noda iVakabula, ko Jisu Karisito, emeni.