Hosanna el mora Dita el Ngarbab el Dios

Mla er a Elder Ronald A. Rasband

Er a Chelechad er a Teruich me a terung el Apostol

A Jesus Kristo el ngiluu a klou el omengull er a sisebellel el mora Jerusalem me a milkedmokl er seikid el sandei a ocholt a suobel el sebeched el moltirakl er a klengar er kid er chelechal sils.

Mla medung er chelechal sils, kid a obengterir a re Keristiano el liueklii a beluulechad el mo mengull er a Jesus Kristo er chelechal Baskua. Ng kmeed el erul telael rak ra memong el Baskua a mlo uchelel sel mong meng ulebongel sandei er a losiou a Jesus Kristo er a beluulechad. Tia sel kot el mle klou a ultutelel el sandei er a reski er a rechad.

Ng ulemuchel er a olechotel a Jesus Kristo el telbill el Mesiah el mle klou a sisebellel mora Jerusalem e ual blol merkui er a Kerus me a Okiis.¹ Ngokiu a chedaol uldasu, e sel tengetengel er a tngakireng a mlo rokira urerel tial beluulechad, e rulii meng sebeched el mo kiei lobengkel a Demad er a Babeluades el mo cherechar.

A chedaol llechukl a ouchais er kid el kmo seikid el sandei a ulemuchel a klou el seked el dilechor er a siseball er a beluu el mo omes er a “Jesus el prophet er a Nazareth er a Galilee.”² Te “ngilai a llel a lius, e milrael el mo omtech er ngii, e lilangel: Hosanna: Klengeltengat le bora King er a Israel el ngii a mei el ngara ngklel a Rubak.”³

Tiaikid el dilubech el ngara Bibilia er a kmal ngara mong a mekletkak er ak kurreor el chedal a Ikelesia el mora Takoradi, Ghana. Me tia mle Baskua, er ak ngar sei.

Ng mle kirek el mo omii er a Takoradi Ghana Stake e omekdubech er a Mpintsin Ghana Stake. Chelecha el sils, e ngarngii a betok er a dart el telael el chad el chedal a Ikelesia er a Ghana.⁴ (Kede mengemedaol er a Ga Mantse, His Majesty King Nii Tackie Teiko Tsuru II er a Accra, Ghana, lobengked er chelechal sils.) A ongdibel lobengteir a re Santo, e ak mlo melchesuar er a klou el beltik el reng me a omelktir el mora Rubak. Ak ulechotii a beltkil a renguk el mo er tir me a dirrek el Merredel er a Ikelesia el betik a rengul er tir. Me bo domes er a tekingel a Osobel el blel lechesii a Johanes: “Me bom kaubeltikelreng, el uaingak el mla oubeltik er reng er me er kemiu.”⁵ Te milsang tiang el “Betik a renguk er kau el ongdibel.”⁶

Sera kumes el bedul bitang el mora bitang er tirkal rodam me a rodos me a telungelek er tir el ngara ikelesia, e ak milsa er a mederir e medidiich el klaumera er tir er a Jesus Kristo. A kumelchesuar er a rengrir el sorir el ngara ulecherangel el tebedechel a Ikelesia er Ngii el ngar cheroid. E sera bo longitakl a rechad ra chelitakl, e te milngitakl el di ua reanghel.

Ng kmal di ua sel Baskua er a rechuodel, el roltirakl er a Jesus Kristo mle kldibel el ngar omelatk el Kirel el di uai tirkel mlara siseball el mora Jerusalem el mle, beldoid a llel a dui, e millekoi el kmo, “Hosanna …: Ngeltengat ngii el mlei el ngara ngklel a Rubak.”⁷

Dirrek tirkel chedal a ikelesia el kmeed er tir a mle mengull er a Baskua. Sera kdechor er a medal e mengedecheduch, e a kulemes er a mado el mo rrikl e milsterir el ngara deureng el merael er a rael lomirioi ra chimorir ikal llel a lius, el kmal diua tia el siasing. Ng tekoi el kilsang el dirkak a ta me kubes er ngii—kemam el rokui er seikid el sils el mengull er ngikel King ra re king.

A President Russell M. Nelson a mla mellach er kid el mo nguu a Baskua meng “meral chedaol lokiu omeletked, el diak el dil llel a dui el momiroi el mengull er a sisebellel a Jesus el mora Jerusalem, ng bai okiu a omeletked er a chereuel a Chimal.” A President Nelson a dilli tia el kirel a Isaiah, el millekoi el kirel a yaksok er a Osobel, “Ngak a meral diak bo kubes er kemiuI,“ el okiu a ikal tekoi: “Mesang, a kmla metkau er a cheruel a chimak.”⁸

A Rubak a ungil medengei el kmo a klengar ra beluulechad a meringel. A telemall er a bedengel a mekletkid el kmo Ngii a “mlengai el meriou er a… rokui”⁹ me Ngii bol sebechel tukeklid sel bo de charm e bol okesiu el merkid me bo “moutekangel el ngara rael,”¹⁰ el Ngii a rolel, el “Dios a mo [obengked] el diak a ulebengelel.”¹¹

A Baskua a diak el dil tara tekoi el mlo er ngii, tara llechukl el ngara reski el llechukl a sils, taem, me a basio. A Jesus Kristo el ngiluu a klou el omengull er a sisebellel el mora Jerusalem me a milkedmokl er sikid el sandei a ocholt a suobel el sebeched el moltirakl er a klengar er kid er chelechal sils.

Me bodomes a bebil er a diak el ngemed el suobel el delibuk er a rokir el Omesiungel el mo merkui er ngii er a Jerusalem.

Kot, ulaoch. Tia kid okesiul, a Old Testament el profet Zechariah a ulemlaoch er a klou el omengull el mora Jesus Kristo er a sisebellel el mora Jerusalem, dirrek el melsaod el kmo ng mo ngara donkey.¹² A Jesus a ulemlaoch er a Okisel er sera longedmokl er ngii el mo soiseb er a beluu, el melkoi el kmo:

“Mesang, kid a mora Jerusalem; ea Ngelekel a chad a mo motelechakl el mora ngarbab el priest me a re scribe, me tir a mo dobeklii el mora a kodall.

“E tir a mo nguu el mesterir a re Isentale me bol motuub, e le mechellebed, el kursengii: e a ongedei el klebesei e ngii a mo lmuut el mekiis.”¹³

Ongerung, sel kldemel a Chedaol Reng A Joseph Smith ulsisechakl, “Ng diak a chad el sebechel medengei el kmo a Jesus a Rubak, eng di ta el Chedaol Reng.”¹⁴ A Osobel a mle yaksok er a roltirakl er ngii¹⁵ er sel Ulebongel el Belsoil¹⁶ er a chelsel a delmerab el mla er bab,¹⁷ “Ng diak bechikemiu me lak obengkemiu.”¹⁸ Ng diak di bol di tir loba klemerang er a ebangkelio el mong te bai mo obang ra rengrir a sengk er a Chedaol Reng el mo omekrael er tir. “A budech ak beskemiu, budech er ngak ak beskemiu,” Ngii a mle yaksok; “ng diak el beluulechad a meskemiu, ngak a nguu el meskemiu.”¹⁹ Me ngokiu a sengk er a Chedaol Reng, e ke doba ngii el osisiu el tekoi; el kid a—mo blechoel loba Reng er ngii el [obengked]”²⁰e “okiu a klisichel a Chedaol Reng e [kid] a momedengei a rokui el tekoi.”²¹

Ongedei, chad el loltirakl. A chad el meral oltirakl a diak loiit a kirel meruul, oltirakl a llach, me a beltik el reng el mora Dios, el kot el ngarbab ra rokui. Ng diak el mesim. Tirkel betok el chad el mlo kobkelii lolab a dui a mle odersii el Messiah. Tiaikid a meral mle Ngii. Te mle mengai el bedul Ngii, ongasireng er Ngii, me a osisecheklel. Engdi a rengrir el mo er Ngii a dimlak el meketeket. A rebebil el dirk uleldiu el kmo, “Hosanna,”²² a di mle mereched el obult e oldiu “Mkersengii.”²³

Ongeuang, sel Tngakireng er a Jesus Kristo.²⁴ Aikel mle ulebongel el sils er Ngii, ruriul er a Baskua, eng mlo kudmeklii sel ongasireng el Tngakireng er Ngii, el mlara ringel er a Gethsemane el mora otuub er a kerrekeriil er Ngii, omekcharm er Ngii er a kerus, me a omelakl er Ngii er a luleng er ngii el debull. Ng dimlak el dil ber tiang el mekerong. Ngokiu sel klisichel ngarbab el ngerchelel el Osobelir a rokui el ngelekel a Chedam er a Babeluades, eng edei el klebesei ruriul eng ulemakes el me tuobed er a olekull, el mla mekiis ra kodall²⁵el di uaikel ble lomlaoch.

Kid kede melemolem el mui er a saul el kirel sel diak a mekesiur el Tngakireng er a Jesus Kristo? Kid kede melchesuar er sel lomiich el klisichel, er chelechang? Tiaikid a uchul ea Jesus Kristo, a ngii a Uchelel e mo Merkui er a Osobeled, a mlora Jerusalem, el mo olsobel er kid el rokui. Aika el tekingel a Alma ng rutechii a rengum: “Alsekum e komla mo melchesuar er a bult reng, komla mo melchesiu er kemiu el somiu el mengitakl er a cheliteklel a beltik el reng er a Osobel, meng soak loker, komo melchesiu re ngii er chelechang?”²⁶ Ng sebechek el meral melekoi el kmo, tirkel chad er a chelitakl er a Takoradi er sel sils ra Baskua a mlengitakl er a “cheliteklel a beltik el reng er a Osobel.”

Sekid el oberaod el sandei er a omesiungel er tial belulechad, ea Jesus Kristo a ulechais ra cheldechedechal a reteruich el klikiid er redil.²⁷ Ng ulsisechakl el kirel a Luut er Ngii el mo er tirkel kldmokl el mo melai er Ngii, el diak el beldoel a llel a lius e bai olab a llomes er a ebangkelio el ngar tir. Ngii a ulesbech a siasing er a olbidel el kmard, el ngarngii a medechel el cheluchul el mo omkard er a ngau, el mesaod el kirel a rengud el soal loltirakl a Teletelel, klemera er Ngii, e omerk er a Llomes er Ngii.

Ko medengelii tial cheldecheduch. Tirka el teruich el klikiid el dil a omtechei er a rechedal a Ikelesia, ea sechal el mo bechiil a omtechei er a Jesus Kristo.

Tirka el teruich el klikiid el redil a ngilai a olbdelir e “mirrael el mo olsiuekl er a mo bechiil”²⁸ A rteim a mle ungil lomdasu, mle kldmokl el ngarngii a cheluchul a olbdelir me a bebil el medechel, ea rteim a dimlak lungil lomdasu, le olbdelir a dimlak a kerdel e diak a chelucherir el mle medechel. Sera lemei a okedong “Mesang, ng merma mo bechiil; morael el mo osiueklii,”²⁹tirkel teim el me “ungil lomdasu a [mla] ngmai a klemerang, e [mla] nguu a Chedaol Reng el mo omerael er tir,”³⁰mle kldmokl el mora “king er tir el oltobed a llach”³¹me a “klebkellel bol [sebechel] nga er tir.”³² Tirkel bebil er a rteim a mlo meriked losiik a cheluch. Engdi mla mo diak el sebechel. A omerael a mirrael el moruchei el dimlak lobengterir. Sera lolengod ra chesimer lolengit el mo tmuu, ea Rubak a ulenger, “Ng diak ku dengelkemiu.”³³

Ngera kede mo melchesiu alsekum meng kmu er kid el kmo, “Ng diak ku dengelkau!”

Kid, el kmal diua tirkal teruich el klikiid el redil, a ngarngii a olbdeled; engdi kid ngarngii a cheluchud? Ak suebek a renguk le te ngarngii a rebebil el kmal di ousbech kung ra telkib el cheluch, te mla morimel ra chelsengul a beluulechad e dikea lungil kldmokl. A cheluch a mei lokiu a oumerang e meruul loltirakl a ulaoch me a tekingir a re kiei el profet, tokuni a President Nelson, re Counselor er ngii, me a re Teruich me a terung el Apostol. A cheluch a mekekii a rengud sel de rengesii e domelchesiu er a Chedaol Reng e ouedikel el kirel sel chedaol el ulekrael. A cheluch a mochubel el mora rengud sel sekum aikel dolilt a chochotii a beltkil a rengud el mora Rubak e soad a ikel Ngii a soal. A cheluch a mei lokiu a ouchel reng e osiik er a omekungil el Tngakireng er a Jesus Kristo.

A lsekum e kosiik a mo melechel a “soam el mo meruul,” tiakid ea ngii: Mokekii a baketengem ra cheluch lolab a ngar el ralm er a Jesus Kristo,³⁴aika omtechei er a klengar er Ngii me a osisecheklel. Sel kuk tara omeruul, e sel dolecha tengtang er a ikel beluu el ngar cheroid el de bla de borngii me a meklou el ongdibel a diak bol cherrengelii a rengum ma lechub e bol mesubed a rengum; ng bai kiei loltirakl a suobel lulsisechakl a Jesus Kristo a sebechel. Ak millekoi ruchei: bo mousbech a ulaoch me a osisechakl lokiu a ulaoch, mouedikel kirel a odbechel a Chedaol Reng, bo mera loltirakl, e mosiik er sel lomekungil el klisichel a Tngakireng er a Rubak. Aikel beldukl el soam el momeruul a mo ngoikau el mo ra kmo ngker el kau a soam el mo er ngii—el lmuut el mora Demam er a Babeluades.

Sel Baskua er a Takoradi e mle tokubets el teletael merngak e le kulebengterir a re blak a rengrir el ongibel er a rodam me a rodos. E uaisei el dirrek er a meklou el beluu me a iuns el liueklii a belulechad. A renguk me a bedengek el di uai kemiu, a oureng loldiu, “Hosanna el mora Dita el Ngarbab el Dios.”³⁵

Me kid a diak de dechor er a siseball el mora Jerusalem er chelechal sils el bldoel a llel a lius, ng di a taem a mei leng, ngara ulaoch er a Ocholt, “el klou el seked, dimlak a chad el sebechel mechur a idisir el rokui, bek el beluu, bek el kebliil, bek el bedengir a rechad ma omelekoi, [e dilechor] er medal a kingall, ma medal a Ngelekel a Sib, el bliull er a becheleleu el bail e olab a llel a dui er a chimorir.”³⁶

Ak meskemiu a klengeltengat el Apostol er a Jesus Kristo el kmo ngmo blak a rengmiu el kiei lokiu a llemalt e mo obengterir kirkel tir, a beldoel a llel a dui, el mo olsisbech er a Ngelekel a Dios, el Ngii a Ngarbab el Osobeled el rokui. Loba ngklel a Jesus Kristo, amen.

Uleklatk

1. Aika el eua el ebangkelio, Mateus 21–28Markus 11–16Lukas 19-24me a Johanes 12–21—a mesaod er sel ulebongel el sils er a losiou a Jesus Kristo er a beluulechad, el ngii a milketmokl er a babeluades el mo rullii me a klengeltengat er a osebelir a rechad me a diak a ulebengelel klengar a mora rokui el ngelekel a Dios. Sel bebil e tirkal milluches a mo kakerous a lolitl el melechang eng di aikel osisecheklel a Osobel me a loruul a di osisiu.

2. Mesa Mateus 21:10–11.

3. Johanes 12:13.

4. Bek el Chedal me a Ulecherangel el ngara Rekord, e te ngarngii a 102,592 el chedal a ikelesia er a Ghana.

5. Johanes 15:12.

6. Sel bek el taem el kungedecheduch er tir, e te kmu el uasei, “Elder Rasband, el somam el Apostol, ak betik a renguk er kau.” Tirka el chad a meral mui er a Chedaol Reng me a beltik el reng er a Dios meng beot er tir lochotii.

7. Mateus 21:9

8. Mesa Russell M. Nelson, “The Peace and Hope of Easter” (video), Apr. 2021, ChurchofJesusChrist.org/media; Isaiah 49:16.

9. Doctrine and Covenants 122:8. Sera December 1838 ea Prophet Joseph me a rebebil er a mengeteklel a Ikelesia a dimlak el tabesul e te kulubsengeterir era Liberty Jail. Mle mekngit a chelsel tial basio. Sesel buil ruriul er a chelsel tial kikongel teletael, eng milluches el mora rechedal a ikelesia sera March er a 1839, uldimukl er a nglunguuch lolengit er a Rubak me bol ubechubechad el kirel tial blekeradel el ngarngii me a “ongarm el ngara re Santo.” Ng dirrek el mle ouchaise er a nger er a Rubak el mora ikal ker el rekord el ngara Doctrine and Covenants 121–23.

10. Mesa Doctrine me a Covenants 122:9 Sel melisiich ra rengul a Joseph Smith ra lengara Liberty Jail a milsang ongelaod me a chedaol klemedengei el kmo a cherarou me a ringel a sebechel smisichid, osisecheklid a klou el reng, e mo otekangel a rokui. A Rubak a millekoi el morngi el “moutekangel,” le tia ea teletelel a Rubak, outekangel a mekngik lomeruul el diua “Ngelekel a [Dios, el ngii] a ngilanget el meriou er a rokui. Kau ke ngarbab er Ngii?” Mesa Doctrine and Covenants 122:8).

11. Mesa Doctrine me a Covenants 122:9. A telbiil el Dios “a mo obengkem” a meral yaksok el mortirkel el urrekodel a klaumerang er tir a oumerang er a Rubak.

12. Mesa Zechariah 9:9

13. Mateus 20:18–19. James E. Talmage a meluuches er a Jesus the Christ: “Ng mechas a rengud … er ngii el tekoi le tirkal Teruich me a terung a dimlak bo lodengelii a belkul a tekingel. … Ma denguu er tir eng mla rengii a bebil el diak lungil selaud, bebil el etiteuokel omsodel malechub ngdiak el mesaud e kautok ra ikal lolekoi a betik e ra rengrir el Masta. Te mle medengelii el Kristo, el Ngelekel a ngar el Dios; meng mekera sebechel a uai Ngii a le mudechem el bekodir?” ([1916], 502–3).

14. Joseph Smith a millekoi er tiang el mora Female Relief Society ra Nauvoo, April 28, 1842, el ngara “History of Joseph Smith,” Deseret News, Sept. 19, 1855, 218. Millutk el kirel sel ongeteruich ma erung el bliongel er a 1 Korinth, eng milketeklii selongedei el beades, “Ng diak a chad el sebechel melekoi el kmo a Jesus a Rubak, a lak lokiu a Chedaol Reng,” mlo sumecheklii el ua tiang, “Ng diak a chad el sebechel medengeiel kmo a Jesus a Rubak a lak lokiu a Chedaol Reng.” (Mesa The First Fifty Years of Relief Society: Key Documents in Latter-day Saint Women’s History [2016], 2.2, churchhistorianspress.org.)

15. A Jesus olebengterir a roltirakl er Ngii er sel Ulebongel el Belsoil (mesa Markus 14:12–18). Tirkel teruich me a terung luldimukl er a Petrus, Andrew, Jakobus, Johanes, Mateus, Philip,Thomas, Bartholomew, James ( ngelekel a Alphaeus), Judas Iscariot, Judas (ochellel a James), me a Simon (mesa Lukas 6:13–16).

16. A Jesus a kildmeklii a sakrament lobegterir a roltirakl er Ngii er sel Ulebongel Belsoil (mesa Mateus 26:26–29; Markus 14:22–25; Lukas 22:19–20).

17. Sel meral sils el mellomes/klebesei el Jesus a milechelii a Ulebongel el Belsoil er sel “ngarbab el delmerab” a loumondai el kirel leng ual kakerous el ngara Mateus, Markus, ma Lukas ma Johanes. Mateus, Markus, ma Lukas a melekoi el kmo sel Ulebongel el Belsoil a mlar ngii er sel “kot el sils er a mur er a diak el belkuuk el blauang,” ma lechub eng belsoil er a Baskua (mesa Mateus 26:17; Markus 14:12; Lukas 22:1, 7). A Johanes, a bai, melekoi el kmo a Jesus a mludechem ruchei er a belsoil ra Baskua (mesa Johanes 18:28belkul a kmo a Ulebongel el Belsoil a mlo er ngii er a tal sils ruchei er a belsoil er a Baskua. A babier er a suobel er a Ikelesia me a re semmong el kirel a Uriul-klebesei el Santo a kongei el kmo a Jesus a kildmeklii sel Ulebongel el Belsoil lobengterir a roltirakl er ngii er a ngarbab el delmerab er sel kesus ruchei er a bol mekerus. A re keristiano el outkeu er sel Chedaol Sandei a kuk omes er sel Ongeua Lurreor el sils er sel Ulebongel el Belsoil, Ongeim Lurreor el sils er a Lemekerus, me a Sandei el sils er a le Bekiis—loltirakl er a calendar er a Gregorian.

18. Johanes 14:18.

19. Johanes 14:27

20. Doctrine and Covenants 20:77

21. Moroni 10:5

22. A Bible Dictionary a smodii, a hosanna a belkul a kmo “olsobel er chelechang.” Tial tekoi a mengai er a Psalm 118:25 “A melekoi er tial psalm a ulak el mor sel Feast of the Tabernacles el lomiroi a llel a lius; sei a uchul e te luusbech er tial tekoi tirkal betok el chad er sel klou el sisebellel a Rubak el mora Jerusalem” (Bible Dictionary, “Hosanna”). Mesa Mateus 21:9, 15; Markus 11:9–10; Johanes 12:13.

23. Markus 15:14; Lukas 23:21.

24. A ngara rengul tial uldasu er a mo suobel el mlara Demad er a Babeluades sel diak el ngemed el tngakireng el mo mesterir a diak a ulebengelel klengar el mora rokui el Rengelekel me a ngarbab el klebkall el mo er tirkel tir a klikiid el mo ngmai a ikal klengeltengat. A Chedam er sera loker, “Ng techang a kudureklii?” A Jesus Kristo e ulemakes el mong: “Ngak tiang, modureklak” (Abraham 3:27). President Russell M. Nelson a ulsisechakl: a ngerchelel a “[Jesus Kristo] sel Tngakireng. Tial ngerachel a kmal di mo er Ngii. Mlechell er a redil ra beluulechad me a Demal er a babeluades, Ngii a di mle imol chad el sebechel mecherei a klengar er ngii el muut el nguu (mesa Johanes 10:14–18). Sel klebokel el mlengai er a Tngakireng er Ngii a diak le ngemed e mo cherchar. Ngiluu sel ringel er a kodall e msa kedeb el taem el ngara klengit el reng er a debull. (see 1 Korinth15:54–55). Sel ngerchelel el Tngakireng a lodengelii ruchei er a Omeob me a Rebet. Tia diak el dil ble lomeskid a okiis me a chad el mo cherechar el mora rokui el chad, tia mo rullid meng sebeched el nguu a klausubes er a kngtid—lokiu a teletael el Ngii a mla ocholt. Uaisei, a Tngakireng er Ngii a mekengii a rael el sebeched el mo obengkel lobengterir a telungalek er kid” (“The Mission and Ministry of Jesus Christ,” Liahona, Apr. 2013, 20).

25. A Okiis uldimukl er ngii a oldak er a bedenged el mora delbenged el diak el luut el mad, ma bedenged me a delbenged a mla mo tang e dikeal llechotel er a secher malechub a kodall er a beluulechad (mesa Alma 11:45; 40:23).

26. Alma 5:26; see also Alma 5:14.

27. Sel cheldechedechal a re teruich el klikiid el redilMateus 25:1–12; Doctrine and Covenants 45:56–59. A ikal bliongel er a Mateus 25 a melekoi el kmo a Jesus a ulsisechakl er tial cheldecheduch er sel ulebongel el sandei er Ngii, ruriul er a bol siseb er a Jerusalem in Matues 21 me sera uchei er a Ulebongel el Belsoil ruchei er a le beechemii. Mateus 26. A lmuut el lulebengkel tial cheldechedechal a klikiid el redil, a Jesus a milsterir a cheldechedechal a lulk el kerrekar (mesa Mateus 21:17–21; 24:32–33), cheldechedechal a teru el ngalek el sechal (mesa Mateus 21:28–32), me a cheldechedechal a sechal bechiil (mesa Mateus 21:33–46).

28. Mateus 25:1.

29. Mateus 25:6.

30. Doctrine and Covenants 45:57.

31. Doctrine and Covenants 45:59.

32. Doctrine and Covenants 45:59.

33. Mateus 25:21. Sel Osisechakl el ngara Bukl, a Rubak a melekoi el bedul tirkel chad el lomdasu el mla remuul a “betok lungil ureor” el kmo, tia ngar sel cheldechedechal a reteruch el mekebelung el redil, “Ng diak kudengelkau” (mesa Mateus 7:22–23).

34. Ng uai a ralm el klou a belkul er a klengar, a Jesus Kristo me a Osischeklel a (ngar el ralm) el klou a belkul kirel a diak a ulebengelel klengar (mesa Guide to the Scriptures, “Living Water,” scriptures.ChurchofJesusChrist.org; dirrek el mesa Isaiah 12:3; Jeremiah 2:13; John 4:6–15; 7:37; 1 Nephi 11:25; Doctrine and Covenants 10:66; 63:23).

35. 3 Nephi 4:32.

36. Ocholt 7:9.