Fren, Mifala I Wantem Luk Jisas

I Kam long Elder Robert M. Daines

Blong Olgeta Seventi

Yumi wantem blong luk Jisas olsem, huia Hem, mo blong filim lav blong Hem.

Blaen long Saed blong Spirit

Wan dei long spring blong 1945, wan yang man i wekap long wan hospital blong ol ami. Hem i laki se hem stap laef—oli bin sutum hem biaen long sora, be ol dokta oli operetem hem, mo naoia hem i save wokbaot mo toktok nomol.

Situesen blong hem i nogud, bolet i bin damejem pat blong bren blong hem we i mekem se hem i no save luksave ol fes. Naoia hem i lukluk long waef blong hem be i no gat pat we hem i save luksave, hem i no luksave mama blong hem. Iven fes long mira i olsem wan strenja long hem—hem i no save talem sapos i wan man o wan woman.¹

Hem i kam blaen blong no luksave ol fes—wan situesen we i afektem plante milian pipol.²

Ol pipol we oli traehad wetem sik ia blong blaen mo no luksave fes, oli traem blong luksave ol narawan taem oli stap lanem baehat—wan rul blong luksave wan pikinini gel tru ol braon spot long fes o wan fren blong hem from i stap pulpulum leg long graon taem i wokbaot.

Stap Groap

Hemia nambatu stori, kolosap long hom: olsem wan yang boe, oltaem mi lukluk mama blong mi olsem wan woman we i gat ol rul. Hem i jusum wetaem mi save pleiplei mo wetaem mi mas go long bed o, hemia we i moa nogud, blong pulumaot ol nogud gras long yad.

I klia se hem i lavem mi. Be oltaem nomo, mi sem blong talem, Mi luk hem olsem “hem We Oli Mas Obei long hem nomo.”

Sam yia nomo i pas mi kam blong luk hem olsem wan tru woman. Mi sem se, i tru tumas se mi neva luksave sakrifaes blong hem o stap tingting se from wanem evri yia hem i stap werem nomo tu semmak olfala sket (be mi gat ol niu klos blong skul) o from wanem long en blong dei, hem i taet tumas mo wantem tumas blong mi go long bed eli.

Yumi Save Blaen long Saed blong Spirit

Maet bae yu luksave se long tufala stori ia, i tru se i wan stori nomo—blong plante yia, mi bin stap olsem wan we i blaen blong luksave fes blong narawan. Mi bin stop blong luk mama blong mi olsem wan tru woman. Mi luk ol rul blong hem be insaed long olgeta, mi no luk lav blong hem.

Mi talem long yufala tufala stori ia blong mekem wan poen: mi save se yufala i save wan we (maet yu yu wan ia) i stap safa long wan kaen blaen olsem long saed blong spirit.

Maet yufala i stap traehad blong luk God olsem wan Papa we i lavem yufala. Maet yu save lukluk i go antap long heven mo luk, be i no fes blong lav mo sore, be sam grup blong ol rul we tru long olgeta yu mas tanem rod blong yu. Maet yu bilivim ol rul blong God long ol heven blong Hem, oli tokbaot tru ol profet blong Hem, mo lavem sista blong yu be long sikret, yu stap tingting se Hem i lavem yu o no.⁴ Maet yu bin tajem aean rel long han blong yu be yu no bin filim yet lav blong Sevya blong yu long weaples bae i lidim yu long hem.⁴

Mi stap tingting se yufala i mas save ol pipol olsem ia blong wan longfala taem, mi bin stap wan man olsem—mi bin blaen blong luksave fes long saed blong spirit.

Mi ting se laef blong mi i abaot blong stap folem ol rul mo stap traem blong skelem laef blong mi blong kasem ol standet. Mi save se God i lavem yu i stret evri wan be mi no filim hemia long miwan. Mi wari se mi tingting moa abaot rod blong mi blong go long heven bitim blong stap wetem Papa blong mi long Heven.

Sapos yu olsem mi, samtaem yumi save folem nomo long maot be no save singsing olgeta singsing blong bigfala lav,” we i pemaot man,”⁵ ?wanem nao yumi save mekem?

Ansa hem i, olsem we Presiden Nelson i stap rimaenem yumi, oltaem hem i, Jisas.⁶ Mo hemia i gudfala nius tumas.

Fren, Mifala I Wantem Luk Jisas

I gat wan sot ves long Jon we mi laekem tumas. Hem i tokbaot wan grup blong sam man aotsaed we oli kam long wan disaepol blong hem wetem wan impoten rikwes. “Fren,” oli talem, “mifala i [wantem blong] luk Jisas.”⁷

Hemia i wanem we yumi evri wan i wantem—yumi wantem blong luk Jisas olsem, huia Hem, mo filim lav blong Hem. Hemia i mas stap ol risen blong plante long ol samting we yumi mekem insaed long Jos mo stret risen blong evri sakramen miting. Sapos yu stap tingting long wanem kaen lesen blong tijim, wanem kaen miting blong mekem plan from, mo sapos bae yu givap long ol aktiviti blong ol dikon mo plei futbol nomo,maet yu save tekem ves ia olsem gaed blong yu: ?Yu yu ting se hemia bae i helpem ol pipol blong lukluk mo lavem Jisas Kraes? Sapos no, maet yu traem wan nara samting.

Taem mi luksave se mi blaen long saed blong spirit, se mi stap luk ol rul be i no fes blong bigfala sore blong Papa, mi save se i no rong blong Jos. Hem i no rong blong God, mo i no minim se evri samting i bin lus; hem i wan samting we yumi evri wan i mas lanem. Iven olgeta blong bifo we oli witnesem Laef Bakegen long Ded , oltaem i kam fes tu fes wetem Lod ia we i laef bakegen long ded be oli no luksave Hem; long Garen blong Tumb i go long so blong Galili, ol fas man blong folem Hem “oli bin luk Jisas i stap stanap long so, be ol man blong hem oli no save se Jisas.”⁹ Olgeta oli mas lanem blong luksave Hem, mo i semmak long yumi tu.¹⁰

Jareti

Taem mi luksave se mi blaen long saed blong spirit, mi stat blong folem kaonsel blong Momon blong prea “wetem evri paoa blong hat,” blong stap fulap wetem lav we Hem i promesem ol disaepol blong Hem—lav blong mi from Hem mo lav blong Hem from mi—mo blong “luk hem olsem we hem i stap mo gat hop ia.”¹¹ Mi prea blong plante yia blong blong save stap folem fas bigfala komanmen blong lavem God mo filim se “fasfala bigfala trutok se God i lavem yumi wetem evri hat blong Hem strong tingting, maen mo paoa blong Hem.”¹²

Gospel

Mo tu, mi ridim bakegen mo ridim bakegen fofala Gospel—mo long taem ia nao i no blong tekemaot ol rul be blong luk huia Hem mo wanem Hem i lavem. Mo long en, reva blong lav i bin wasem mi we i ron i kam tru long Hem.

Taem Jisas i anaonsem long stat se, Hem i bin kam “talemaot gud nius long ol puaman, talemaot ol man long kalabus se, ‘Yufala i go fri,’ talemaot long man we oli blaen se, ‘Ae blong yufala i save kam gud.”¹³

Hemia i no wan lis blong mekem samting o blong mekem gud PR; hem i sep blong lav blong Hem.

Openem Ol Gospel long eni ples; kolosap long evri pej yumi luk Hem i stap kea long pipol we oli safa—long olgeta we i stap raon, long saed blong spirit mo bodi. Hem i tajem ol pipol we man i tingting long olgeta se oli nogud mo oli no klin¹⁴ mo fidim olgeta we oli hanggri.¹⁵

Wanem nao fevret stori blong yu abaot Jisas? Mi gat tingting ia se bae hem i soem Pikinini blong God we i stap go aot mo givhan o givim hop long wan we sosaeti i no akseptem—man we i kasem leprosi,¹⁶ Man Sameria we ol man i no laekem hem,¹⁹ ol man we oli tok nogud long olgeta mo sem from sin,²⁰ o wan we i kam enemi long pablik.²² Kaen gladhat ia i naes tumas.

Traem raetemdaon evri taem we Hem i stap glad o hilim o kakae wetem ol man aotsaed, mo bae ink blong pen blong yu i go daon bifo yu pasem Luk.

Taem mi luk hemia, hat blong mi i jiam blong gat strong filing se mi semmak olsem olgeta, mo mi stat blong filim se maet Hem i lavem mi. Olsem we Presiden Nelson i bin tijim, “Moa yu lanem abaot Sevya, moa i isi blong yu trastem sore blong Hem, bigfala lav blong Hem we i no gat en, paoa blong Hem we i mekem man i kam strong moa, i kam oraet, mo i pemaot man.”²⁰ Mo moa bae yu trastem mo lavem Papa blong yu long Heven.

Elda Jeffrey R. Holland i bin tijim yumi se Jisas i bin kam blong soem “long yumi huia mo wanem God, Papa blong yumi we i no save finis i luk olsem wanem, hamas Hem i stap tru long ol pikinini blong Hem nomata yia o nesen blong olgeta.”²⁰

Pol i talem se God, Hem i “Papa blong [evri] sore, mo God we i givim [evri] kamfot.”²²

Sapos yu luk Hem long defren wei, plis gohed blong traem.

Ol kavenan mo welkamem God

Ol profet oli invaetem yumi blong lukaotem fes blong Hem.²³ Mi tekem hemia blong i stap rimaenem mi se yumi wosipim Papa blong yumi, i no wan fomula, mo se yumi no finis yet kasem taem yumi luk Jisas olsem fes blong lav blong Papa³⁰ mo folem Hem, be i no ol rul blong Hem nomo.³¹

Taem ol profet mo ol aposol oli tokbaot ol kavenan, oli no semmak long ol koj we oli stap singaot strong long (red velvet) ol gudfala ples we oli stap long hem, mo stap talem long yumi blong “traem moa strong!” Oli wantem blong luk ol kavenan blong yumi oli stamba long ol rilesensip²⁷ mo i save kam wan meresin blong fes-blaen long saed blong spirit.²⁸ Olgeta oli no ol rul blong winim lav; Hem i lavem yu finis i stret evri wan Jalenj blong yumi hem i blong andastanem mo stretem laef blong yumi i go from lav ia.²⁷

Yumi traem blong lukluk tru ol kavenan blong yumi, olsem we, sapos i wan windo, we i go long fes blong sore blong Papa biaen.

Ol kavenan oli sep blong han blong God we i holemtaet yumi.

Reva blong Lav blong God.

Yumi save lanem blong luk Hem taem yumi stap givim seves long Hem. “?From olsem wanem nao wan man i save wan masta we hem i no bin wok blong hem?”²⁹

Sam yia i pas, mi bin kasem wan koling we mi filim se mi no inaf blong mekem. Mi wekap eli, wari—be wetem wan toktok long maen blong mi we mi neva bin harem bifo: se blong givim seves insaed long Jos ia i blong stanap long reva blong lav blong God from ol pikinini blong Hem. Jos ia i wan wok ples blong ol pipol we oli gat ol ho mo ol savel, we oli stap traem blong help blong kliarem rod blong reva blong lav blong God blong i ron go kasem ol pikinini blong Hem long en.

Nomata huia yu, nomata wanem i hapen long yu bifo, i gat rum blong yu insaed long Jos ia.³⁰

Karem wan ho mo savel mo joenem tim. Help blong karem lav blong Hem i kam long ol pikinini blong Hem mo sam long olgeta bae i kasem yu.³¹

Letem yumi lukaotem fes blong Hem we i gat lav, mo afta, joenem han tugeta wetem ol pikinini blong Hem mo tugeta bae yumi singsing “Ridima blong Isrel”:

Helpem mi Sevya blong mi,

Laet blong fes blong Yu.

Plis givim sapot blong Yu long mi;

Mi wantem tumas blong mi

Luk ples blong Yu

Plis leftemap hop long hat blong mi.³²

Letem yumi lukaotem fes blong Hem we i gat lav mo afta, stap olsem ol kontena we i holem insaed ol sore blong Hem.³³ Long nem blong Jisas Kraes, amen.

Ol Not

1. Luk long Hadyn D. Ellis and Melanie Florence, “Bodamer’s (1947) Paper on Prosopagnosia,” Cognitive Neuropsychology7:2, 84–91; Joshua Davis, “Face Blind,” WiredNov. 1, 2006, wired.com.

2. Luk long Dennis Nealon, “How Common Is Face Blindness?,” Harvard Medical School, Feb. 24, 2023, hms.harvard.edu; Oliver Sacks, “Face-Blind,” New Yorker, Aug. 23, 2010, newyorker.com.

3. “Sam Jos memba oli akseptem olsem trutok, doktrin, ol prinsipol, mo ol testemoni we oli bin talemaot plante taem long pulpit ia long Konfrens Senta mo long ol lokol kongregesen raon long wol—be yet plante oli faenem i had blong bilivim ol trutok ia we i no save finis long laef mo ol situesen blong olgeta” (David A. Bednar, “Stap Wetem Mi, mo Bae Mi stap Wetem Yu; From Hemia, Wokbaot Wetem Mi,” LiahonaMei 2023, 125).

4. Luk long 1 Nifae 8:19; 15:23 ““Hem i had blong kipim komanmen blong Lod sapos yumi no gat fet mo tras long Hem” (Henry B. Eyring, “Fet blong Askem mo Afta blong Tekem Aksen,” Liahona, Nov. 2021, 75).

5. Alma 5:26

6. Luk long Russell M. Nelson, “Ansa Hem I Oltaem Jisas Kraes,” Liahona, Mei 2023, 127–28.

7. Jon 12:21.

8. Jon 20:14. Oli bin luk be oli no save Hem long rod Emmaus (luk long Luk 24:16), insaed long wan rum we i lok (luk long Luk 24:37), long ol so blong Galili (luk long Jon 21:4), long Garen blong Gref blong Jisas (luk long Jon 20:14).

9. Sapos yumi lukaotem Hem wetem ful hat blong yumi, mo gohed blong wetem fet, bae yumi faenem Hem.

   “Mi nomo mi save ol plan we mi mekem finis from yufala. Mi mi wantem we bambae yufala i stap gud olwe

   “Letem yumi lukaotem fes blong Hem we i gat lav mo afta, stap olsem ol kontena we i holem insaed ol sore blong Hem” (Jeremaea 29:11, 13

   “Be, dei bambae i kam, taem bae yufala i andastanem God, from we yufala i laef long hem mo tru long hem.

   “Afta nao bambae yufala i save se yufala i bin luk mi, se mi ia nao” (Doktrin mo Ol Kavenan 88:49–50

   “Lod i bin talem, “Evri sol we i livim sin blong hem mo i kam long mi, mo i singaotem nem blong mi, mo i obei long voes blong mi, mo i stap obei long ol komanmen blong mi, bambae hem i luk fes blong mi mo save se mi mi stap” (Doktrin mo Ol Kavenan 93:1

10. Moronae 7:48. Pol tu hem i konektem jareti wetem paoa blong yumi blong save lukluk samting i klia. Mo long en blong bigfala toktok blong hem abaot jareti, hem i raetem se nomata “Naoia yumi save luk fasin blong God, olsem we yumi stap luk long wan glas we i no klia gud,” afta bae yumi luk “save luk fes blong hem stret long ae blong yumi: bambae mi savegud olgeta samting, olsem we God i savegud olgeta fasin blong mi” (1 Korin 13:12).

11. Jeffrey R. Holland, “Tumoro Bae Lod I Mekem Ol Bigfala Wok long Medel blong Yufala,” Jeneral Konfrens,” Epril 2016, ChurchofJesusChrist.org/general-conference/conferences?lang=bis. “Bigfala mining blong ‘bigfala lav i klin lav blong Kraes hem i no wanem we yumi Ol Kristin Man i traem be yumi mestem bigwan blong stap soem i go long ol narawan be hem i wanem ia nao Kraes i bin gat ful sakses long hem taem Hem i stap soem long yumi. Klin lav blong Kraes we i tru oli bin save long hem wan taem nomo. Yumi luk hemia taem Kraes i soem long fasin we i stret evri wan mo i klin tru long lav blong Hem we i neva stop, i no gat en mo tru long atonmen blong Hem” (Jeffrey R. Holland, Christ and the New Covenant: The Messianic Message of the Book of Mormon [1997], 336).

12. Eksodas 14:14, New King James Version.

13. Luk long Matiu 17:3; 9:25.

14. Luk long Matiu 14:13–21

15. Luk long Matiu 8:1–3.

16. See John 4:7–10; He praised the Samaritan (see Luke 10:25–37).

17. Luk Matiu 21:31; Luk 7:27–50; 15:1–10; Jon 8:2–12.

18. Luk long Matiu 8:5–13

19. Russell M. Nelson, “Kraes I Girap Finis; Bilif long Hem bae I Muvumaot Ol Bigfala Hil,” Liahona, Mei 2021, 103.

20. Jeffrey R. Holland, “Seves Ia blong Man I Stretem Hemwan,” Liahona, Nov. 2003, 70. “Man we i luk mi, hem i luk Papa blong mi” (Jon 14:9).

21. 2 Korin 1:3

22. Luk long Ol Sam 46:10; Doktrin mo Ol Kavenan 101:16

23. See 2 Corinthians 4:6; Pope Francis, “Misericordiae Vultus: Bull of Indiction of the Extraordinary Jubilee of Mercy,” Apostolic Letters, vatican.va.

24. Hemia i wan impoten stamba toktok. Hem i no jes wok blong fasin ia blong sevem man mo fasin blong kam olsem wan god be wok blong Hem luk long Jeneral Hanbuk: Stap Givim Seves Insaed long Jos Ia blong Jisas Kraes blong Lata-dei Sent, 1.2, Gospel Library). Mi no stap go nomo long wan tempol be mi go long haos blong Lod; hem i no Momon Jos be Jos Ia blong Jisas Kraes (luk long Russell M. Nelson, “Stret Nem blong Jos,” Liahona, Nov. 2018, 87–89). Our leaders point us to Him and even remind us that there “is no amorphous entity called ‘the Atonement’ upon which we may call for succor, healing, forgiveness, or power. Jisas Kraes i stamba” (Russell M. Nelson, “Pulum Paoa blong Jisas Kraes Insaed long Laef blong Yumi,,” Liahona, Mei 2017, 40).

25. “Evri samting abaot rod blong kavenan, hem i ol rilesensip blong yumi wetem God”; hem i “rod blong lav … fasin blong gat sore mo kea from mo” (Russell M. Nelson, “Kavenan We I No Gat En,” LiahonaOktoba 2022, 11).

    See David A. Bednar, “The Blessed and Happy State” (address given at the seminar for new mission leaders, June 24, 2022); Scott Taylor, “Elder Bednar Shares 7 Lessons on ‘the Blessed and Happy State’ of Obedience,” Church News, June 27, 2022, thechurchnews.com.

    “Taem yumi mekem ol tabu kavenan, mo yumi stap klin inaf blong stap kasem ol odinens blong prishud, hemia i joenem yumi, mo i fasem yumi long Lod Jisas Kraes, mo wetem Papa long Heven. Hem i minim simpol nomo se yumi trastem Sevya olsem Loya blong yumi, mo olsem Medelman blong yumi, mo dipen long ol wok, lav mo sore, mo gladhat blong Hem long taem blong wokbaot blong yumi long laef ia.

    Taem yumi stap laef folem mo stap folem ol komitmen blong kavenan blong yumi, i mekem se yumi joen gud wetem Lod long wan wei we i gat strong paoa. Nao, Jisas i kam moa bitim medel pikja insaed long skripja stori ia; eksampol blong Hem, mo ol tijing blong Hem oli lidim wanem hat blong yumi i wantem, i lidim ol tingting mo aksen blong yumi.” (David A. Bednar” (David A. Bednar, “Be Mifala I No Lisin long Olgeta,” Liahona, Mei 2022, 15).

    Luk long D. Todd Christofferson, “Rilesensip blong Yumi Wetem God,” Liahona,” Mei 2022, 78–80.

26. “Mo sapos i no gat ol odinens blong prishud ia, mo atoriti blong prishud, paoa we i olsem hemia blong God i no kamaot long man taem oli gat bodi blong mit mo bun;

    “From we sapos i no gat hemia, i no gat man i save luk fes blong God, we i Papa, mo man ia i laef” (Doktrin mo Ol Kavenan 84:21–22

27. Jeffrey R. Holland, “A Future Filled with Hopeworldwide devotional for young adults, Jan. 8, 2023), broadcasts.ChurchofJesusChrist.org.

    Yu no nid blong ronron raon blong faenem [hop we bae i helpem yu]; yu no save mo yu no save mekem. Olsem evri samting long wol blong gladhat, bae yu no save askem wetem paoa blong yuwan o long paoa blong eni narafala man. I nogat wan sikret rul o eni wei we i majik

    “I tru, ol pat we yumi mekem oli impoten, be i tru se oli smol tumas; God i gat bigfala pat long wok ia. Pat blong yumi i blong kam long Hem wetem tingting mo hat we i stap daon, afta yumi no mas wari mo fraet.

28. Matiu 16:16luk tu long Jon 6:69

29. Presiden Nelson i gohed blong stap ripripitim blong singaotem yumi blong “mekem sekol blong lav blong yumi i kam bigwan inaf blong lavem ful famli blong man” (“Blessed Are the Peacemakers,” Liahona, Nov. 2002, 41). In Mei 2022 hem i talem long ol adalt “ol posisen i save lidim man blong stap jajem narafala man mo gat fasin blong no laekem man. Eni man we i abiusum o jajmen folem kantri blong hem, kala blong skin, rilesensip blong hem wetem man, hem i man o woman, gat digri long edukesen, kalja, o ol narafala lukluk we i no stret long Krieta blong yumi ” (“Choices for Eternity” [worldwide devotional for young adults, May 15, 2022], Gospel Library). Mo wanem we i moa impoten i we, hem i talem: “Mi krae sore se ol Blak brata mo sista blong yumi raon long wol oli mas gotru long harem nogud from kala blong skin mo fasin blong no gat jastis. Tedei, mi stap singaotem ol memba blong yumi evri ples blong lidim rod blong lego fogud ol fasin mo ol aksen we oli no gat jastis long man. Mi plis long yufala blong promotem respek long evriwan long ol pikinini blong God” (“Letem God I Win,” Liahona, Novemba 2020, 94).

    “Fasin blong no gat jastis i no go wetem toktok blong God we i kam tru long revelesen. Se God i glad o no long yu, bae i dipen nomo long hamas hat mo tingting yu givim long Hem mo long ol komanmen blong Hem, be i no from kala blong skin blong yu ia, o ol narafala fasin.

    “Hemia i tekem fasin blong no gat jastis folem kala blong skin, folem kantri, sitisensip, traeb, jenda (se wan i man o woman), yia, disabiliti, faenens o mane, bilif blong relijin, o no gat bilif, mo sapos wan i laekem man o woman” (General Handbook, 38.6.14, Gospel Laebri).

30. Luk long 1 Nifae 11:25

31. “Ridima blong Isrel,” STSP, namba 6.

32. Luk long Rom 9:23