Japan: Pagkasunod-sunod sa mga Panghitabo [Chronology]

Agosto 12, 1901 • Yokohama, JapanAng unang grupo sa mga misyonaryo sa mga Santos Ulahing mga Adlaw miabut sa Japan.

Septyembre 1, 1901 • Yokohama

Gipahinungod ni Heber J. Grant ang Japan sa pagsangyaw sa ebanghelyo.

Marso 8, 1902 • Ōmori, JapanHajime Nakazawa nahimo nga unang kinabig sa Simbahan sa Japan.

April 28, 1902 • Tokyo, JapanAng unang miting sa Simbahan gipahigayon didto sa panimalay ni Nakazawa.

Agosto 17, 1902 • TokyoAng Unang Sunday School sa Japan gi-organisar. Ang unang mga miting gihimo sa Iningles.

Agosto 20, 1902 • TokyoGimantala sa Hapon nga iskolar nga si Takahashi Goro ang iyang basahon Morumon kyō to Morumon Kyotō (Mormonism and Mormons).

Oktubre 11, 1903 • TokyoAng bunyag ni Kenzo Kato gipahigayon sa Hinapon; kini mao ang unang panahon nga ang bisan unsa nga ordinansa gipahigayon sa Hinapon.

Oktubre 16, 1903 • Hojo, JapanAng unang Sunday School nga gihimo sa Hinapon nga pinulongan gi-organisar.

Enero 1904–Septyembre 1909 • TokyoGidumala ni Alma O. Taylor ang unang hubad sa Basahon ni Mormon ngadto sa Hinapon.

Oktubre 6, 1909 • TokyoAng unang mga kopya sa Basahon ni Mormon sa Hinapon giimprinta ug gitagkos.

Hulyo 3, 1910 • TokyoAng unang Mutual Improvement Association (MIA) natukod sa Japan. Gitawag si Takeshiro Sakuraba isip presidente.

Mayo 30, 1917 • TokyoAng unang Relief Society sa Japan gi-organisar.

Enero 1923 • JapanGi-orden si Fujiya Nara nga tigdumalang elder sa Simbahan sa Japan.

Mayo 26, 1924 • Washington, D.C.Ang Kongreso sa U.S. mipasar sa Balaod sa Paglangyaw sa 1924, mibabag sa paglangyaw gikan sa Rehiyon sa Asya-Pasipiko ngadto sa Estados Unidos.

Hunyo 9, 1924 • TokyoTungod sa nagtubo nga tensyon tali sa Estados Unidos ug Japan, si Heber J. Grant, Presidente sa Simbahan, mipahunong sa Japanese Mission.

Enero 1, 1925 • TokyoAng unang isyu sa Shuro, usa ka sulat-balita [newsletter] gituyo aron sa paghatag og padayon nga komunikasyon sa mga branch sa Japan, gimantala.

1926–38 • Siyudad sa Salt Lake ug JapanAng Unang Kapangulohan mihangyo ni Alma O. Taylor sa pagpadayon og pakigsinulatay sa mga Santos nga Hapon. Mihatag kanunay si Taylor og mga report sa mga kalihokan sa Japan ngadto sa Unang Kapangulohan.

Nobyembre 1926 • Tokyo, Osaka, ug SapporoSi Franklin S. Harris, presidente sa BYU, mibisita sa mga branch sa Simbahan ug mas pormal nga gi-organisar ang MIA. Si Fujiya Nara gitawag sa pagdumala sa MIA sa Japan.

Disyembre 1927 • Siyudad sa Salt Lake ug TokyoSa usa ka sulat gikan sa Unang Kapangulohan, ang pagtudlo ni Fujiya Nara isip tigdumala nga elder gimatuod pag-usab.

Hulyo 7, 1934 • Siyudad sa Salt LakeGi-set apart si Takeo Fujiwara ni Heber J. Grant isip “tigdumala nga elder ug espesyal nga misyonaryo” ngadto sa Japan.

Hulyo–Disyembre 1934 • Tokyo, Osaka, Kofu, ug SapporoGi-organisar ni Takeo Fujiwara ang mga branch sa Tokyo, Osaka, Kofu, ug Sapporo.

Abril 28, 1935 • KofuGipangulohan ni Takeo Fujiwara ang unang miting sa sakramento nga gihimo sa Japan sukad sa pagsira sa misyon. Gitawag ug gipaluyohan si Muraji Yoneyama isip presidente sa branch.

Mayo 19, 1935 • TokyoGibunyagan ug gikumpirmahan sila si Terutake Ishikawa ug Kyoko Mochizuki; kini ang unang mga ordinansa sa pagkapari sukad sa pagsira sa misyon.

Enero 27, 1936 • TokyoNamatay si Takeo Fujiwara sa tuberkulosis. Walay opisyal nga tawag nga gi-isyu nga naghingalan og usa ka puli isip tigdumalang elder sa Japan.

1937–45 • Honolulu, HawaiiGidumala sa Japanese Mission ang mga kalihokan sa Simbahan sa Japan gikan sa mga punoang buhatan niini sa Honolulu.

Abril 1939 • Osaka, Tokyo, ug SapporoMibisita si Hilton A. Robertson sa mga Santos sa tibuok Japan, nagbunyag og walo ka bag-ong mga miyembro ug nag-orden og usa ka elder.

Oktubre 30, 1945 • TokyoMitubag si Nara Fujiya ngadto sa pahibalo ni Edward Clissold diha sa usa ka lokal nga pamantalaan nga nagtinguha og pakigkontak sa tanang mga miyembro sa Simbahan sa Japan.

Oktubre 22, 1947 • Siyudad sa Salt LakeGitawag si Edward L. Clissold sa pag-abli og balik sa Japanese Mission.

Marso 7, 1948 • TokyoMitambong si Clissold og Hinapon nga Sunday School ug Sunday School sa mga batan-on nga gipangulohan ni Nara Fujiya.

Hulyo 17, 1949 • TokyoGipanagna ni Elder Matthew Cowley nga ang Simbahan motukod og daghang mga gambalay ug “gani mga templo” sa Japan.

1952–53 • JapanSi Vinal Mauss, presidente sa Japan Mission, misugod sa Servicemen’s Missionary Fund. Nahimo si Hide Kishigami nga unang gitawag nga misyonaryo gikan sa Japan sa pagtudlo sa mga Hapon.

1955 • TokyoAng Doktrina ug mga Pakigsaad ug Perlas nga Labing Bililhon gimantala sa Hinapon sa unang higayon.

Abril 26, 1964 • TokyoAng meetinghouse sa Tokyo North Branch gipahinungod; kini mao ang unang meetinghouse sa Santos sa Ulahing mga Adlaw nga gitukod sa Asya.

Hulyo 1965 • Japan ug HawaiiGihimo sa mga miyembro ang una sa daghang mga temple excursion ngadto sa Laie Hawaii Temple aron sa pag-apil sa mga ordinansa sa templo.

1965 • JapanGitawag si Adney Y. Komatsu isip presidente sa Northern Far East Mission, ang unang tawo nga kagikan og Hapon sa pagdumala sa misyon sa Japan.

Marso 15, 1970 • TokyoAng unang stake sa Simbahan sa Asya, ang Stake sa Tokyo, gi-organisar uban ni Kenji Tanaka isip presidente.

Marso 15–Septyembre 13, 1970 • OsakaAng World Exposition gipahigayon sa Osaka.

1972 • TokyoGi-organisar sa Church Educational System ang unang mga seminary ug mga institute sa Japan.

April 4, 1975 • Siyudad sa Salt LakeGitawag si Adney Y. Komatsu isip Assistant ngadto sa Korum sa Napulog Duha, nahimo nga unang General Authority nga Hapon og kagikan.

Agosto 9, 1975 • TokyoGi-anunsyo ni Spencer W. Kimball, Presidente sa Simbahan, nga usa ka templo pagatukuron diha sa Tokyo.

Oktubre 1, 1977 • Siyudad sa Salt LakeSi Yoshihiko Kikuchi gitawag isip usa ka sakop sa Unang Korum sa Seventy. Siya ang unang lumad nga miyembro nga Hapon nga nagserbisto isip General Authority.

Oktubre 27–29, 1980 • TokyoGipahinungod ni Spencer W. Kimball ang Tokyo Japan Temple; kini ang unang templo sa Asya.

Marso 31, 1990 • Siyudad sa Salt LakeGitawag si Chieko Okazaki isip Unang Magtatambag sa Kinatibuk-ang Kapangulohan sa Relief Society. Siya ang unang babaye nga kagikan og Asyano sa pagserbisyo isip usa ka General Officer sa Simbahan.

Hunyo 11, 2000 • Fukuoka, JapanGipahinungod ni Gordon B. Hinckley, Presidente sa Simbahan, ang Fukuoka Japan Temple.

Marso 2011 • JapanIsip sangputanan sa gikusgon nga 9.0 Tōhoku, o ang Great East Japan nga linog ug tsunami, ang Simbahan miapud-apod og 180 ka tonilada nga mga kagamitang pag-emerhensya.

Agosto 21, 2016 • SapporoSi Presidente Russell M. Nelson sa Korum sa Napulog Duha ka mga Apostoles mipahinungod sa Sapporo Japan Temple.