Ang Mormon Pavilion sa 1970 World’s Exposition

Pasundayag sa usa ka artist sa Mormon Pavilion alang sa 1970 World’s Exposition, Osaka, Japan

Sa 1970, isip usa ka simbolo sa pagbangon sa Japan gikan sa Ikaduhang Gubat sa Kalibutan, ang unang World’s Fair sa Asya gihimo didto sa Osaka. Uban sa tema nga “Pag-uswag ug Panag-uyon alang sa Katawhan,” ang pito ka bulan nga kalihokan milakip og mga representante gikan sa 77 ka mga nasud ug miabi-abi og sobra sa 64 ka milyon nga mga bisita.

Ang Simbahan miapil sa pasundayag uban sa dako nga Mormon Pavilion. Duol sa 7 ka milyon nga mga tawo ang mibisita sa pavilion ug sa lakbit natudloan sa mensahe sa gipahiuli nga ebanghelyo. Mga 780,000 ka mga tawo nga Hapon ang mihatag sa ilang impormasyon nga makontak ug mihangyo og mga misyonaryo sa pagbisita kanila sa panimalay. Kining dili katupngan nga oportunidad sa pagpakigbahin sa ebanghelyo ngadto sa mga Hapon mihimo og dako nga epekto sa Simbahan.