Fakaava ‘e Temipale Lekisipeeki ‘Aitahō Fo‘oú ha Ngaahi Matapā

Hili ha ʻoupeni hausi ʻi ha māhina ʻe taha, ne mateuteu ai ʻa e Temipale Lekisipeeki ʻAitahoó ki hono fakatapui ʻi he ʻaho 10 ʻo Fēpueli, 2008. Naʻe lava ke maʻu taʻe totongi ʻa e ngaahi tikite ki he takimamata miniti ʻe 40 ko ʻeni maʻá e kakaí, pea naʻe lauafe ʻa e ngaahi tikite ne kole mai ʻi he fuofua ʻaho pē ko ia ne lava ke maʻu aí.

Ne mateuteu ʻa e niʻihi ne nau fai ʻa e fokotuʻutuʻú ke nau tali ha kau ʻaʻahi ʻe toko 150,000 nai lolotonga e ʻoupeni hausi ne fakataimi-tēpileʻi ke kamata ʻi he fakaʻosinga ʻo Tīsema 2007 ki Sānuali ʻo e 2008.

Ko e Temipale Lekisipeeki ʻAitahoó ko e temipale ia hono tolu kuo langa ʻi ʻAitahō, ʻo kau atu ki ai ʻa e Temipale ʻAitahī Foló ʻa ia ne fakatapui ʻi he ʻaho 23 ʻo Sepitema, 1945; mo e Temipale Poisi ʻAitahoó, ʻa ia ne fuofua fakatapui ʻi he ʻaho 25 ʻo Mē, 1984. Ko e temipale hono fā ʻi ʻAitahoó, ko e Temipale Tuini Folo ʻAitahoó, ʻa ia ne fanongonongo ʻi ʻOkatopa ʻo e 2004. Naʻe tanupou ia ʻi he ʻaho 15 ʻo ʻEpeleli, 2006.