Toe Fokotu‘utu‘u Fo‘ou ‘a e Kau Palesitenisī ‘o e ‘Ēlia Saute ‘Amelika Uesité

Naʻe fakahā ʻe he Kau Palesitenisī ʻUluakí ʻe hoko ʻa ʻEletā Mākesi B. Nesi (Marcus B. Nash) ko e palesiteni ʻo e ʻĒlia Saute ʻAmelika Uesité, ʻo ne fetongi ʻa ʻEletā Uolotā F. Konisālesi ʻo kamata ʻi he ʻaho 20 ʻo Tīsema, 2007. Naʻe hikinimaʻi ʻa ʻEletā Konisālesi ko ha mēmipa ʻo e Kau Palesitenisī ʻo e Kau Fitungofulú ʻi he konifelenisi lahi ko ia ʻo ʻOkatopa ʻo e 2007.

Naʻe uiuiʻi ʻa ʻEletā Nesi ke hoko ko e mēmipa ʻo e Kōlomu ʻUluaki ʻo e Kau Fitungofulú ʻi he ʻaho 1 ʻo ʻEpeleli, 2006. Naʻá ne hoko ko e Fitungofulu Fakaʻēlia ʻi he ʻĒlia ʻAmelika Noate Tokelau Hihifó ʻi he taimi ne ui ai ia ke hoko ko ha Taki Māʻolungá.

ʻE hoko ha ongo Fitungofulu Fakaʻēlia ko e ongo tokoni ʻi he Kau Palesitenisī Fakaʻēliá. Ko ʻEletā ʻAlekisānita A. Nuniesi (Alexander A. Nuñez), ʻa ia ʻoku lolotonga hoko ko e tokoni Ua ʻi he Kau Palesitenisī Fakaʻēliá ʻe hoko ko e Tokoni ʻUluakí. Naʻe ui ʻa ʻEletā Nuniesi ki he Kōlomu Hono Fā ʻo e Kau Fitungofulú ʻi he ʻaho 3 ʻo ʻEpeleli, 2004.

Ko ʻEletā Sisa H. Huka (César H. Hooker), ko ha Fitungofulu Fakaʻēlia talu mei he ʻaho 1 ʻo ʻEpeleli, 2006 ʻe hoko ko e Tokoni Uá.