Tohi ki he ʻĒtitá

Tokoni ke Fakalakalaka

ʻOku ou fakamālō koeʻuhí ko e Liahoná ʻi heʻeku moʻuí. ʻOku ou fakaʻaongaʻi mo hoku fāmilí ʻa e Liahoná ʻi he ngaahi lēsoni efiafi fakafāmili ʻi ʻapí pea mo tokoni ki he kau fiefanongó ke nau ʻilo lahi ange ai ki he Siasí. Kae meʻatēpuú, ʻoku tokoniʻi au ʻe he Liahoná ke u fakalakalaka. ʻOku fakafou he ngaahi fakamatalá ʻeku maʻu ha loto holi ke fai lelei ange, pea ʻoku ou fokotuʻu ha ngaahi taumuʻa ʻo fakatatau mo e ngaahi akonaki ne ʻomi ʻi he fakamatalá. ʻOku ou ʻofa he ongoongolelei ʻo Sīsū Kalaisi kuo toe fakafoki maí pea pehē ki he faingamālie ʻokú ne ʻomi kiate kitautolu he ʻaho takitaha ke tau fakalakalaka aí.

Kalāsile Luʻisa Lamosi ti Filitasi, Palāsila

Laukonga Fakalaumālie

Ko e Liahoná ko ha tāpuaki maʻongoʻonga ia pea ʻoku ou fiefia ʻaupito hono lau iá. ʻI he taimi ʻe niʻihi ʻoku ou meʻaʻofa ʻaki e Liahoná ke lava foki ʻe he kakai kehé ʻo aʻusia ha meʻa fakalaumālie heʻenau lau iá. Ne u saiʻia ʻaupito he lea ʻa Palesiteni Tōmasi S. Monisoni ʻi he konga maʻá e fānaú ʻi he makasini ʻo ʻEpeleli 2008 naʻe ui ko e “Hala Fakakavakava ‘e Tolú.” ʻOku mahuʻinga e meʻa kotoa pē ʻokú ne talamaí ke tau ongoʻi ai ha nonga fakalaumālie pea tau moʻui ʻo fakatatau mo e ngaahi fekau ʻa e ʻEikí. Ko e tohi fakaʻofoʻofa mo fakalaumālie ʻa e Liahoná ke te laukonga mei ai.

ʻElenoa Kilimati, Lepupelika Tominiká