Mai le Soifuaga o le Perofeta o Iosefa Samita

O Le Siufofoga o le Perofeta

Mai Aoaoga a Peresitene o le Ekalesia: Iosefa Samita (kosi aoao a le Perisitua Mekisateko ma le Aualofa, 2007), 519.

A lauga Iosefa Samita i se faapotopotoga, e faalologo tagata. I se tasi taimi, na ia taofia ai lo latou naunau e faalogologo mo le tele o itula, ma na masani ona mananao tamaiti e faalogologo atu i le Perofeta nai lo le taaalo.

Sa masani ona lauga atu Iosefa i fafo ina ia mafai ona toatele atu ni tagata e lagona maia o ia. I se tasi o aso faapena i Navu, na oo faafuasei mai ai se timuga mamafa ma le matagi i le ogatotonu o lana talaiga.

Na matua mafiafia le pefu; na le mafai ona ou iloa se mea.

Tatou o i le fale ao lei faatetele mai.

Na valaau atu Iosefa ia i latou o e na amata ona o ese.

Ia tatalo atu tagata uma i le Atua Silisili Ese ina ia taofia le agi o matagi ma timuga, ma o le a faapena lava.

Le Tama e, faamanuia mai ina ia taofia le matagi ma timuga.

I ni nai minute lava, ae vaeluaina le matagi. O laau iti ma laau tetele i itu uma o le faapotopotoga na lue solo i le matagi, ae sa to’a lava le nofoaga sa lauga atu ai Iosefa.

O lenei, uso e ma tuafafine, ou te fia tautala atu ia te outou e uiga i nisi o upu moni taua.

O se itula mulimuli ane, na faamaeaina ai le lauga a le Perofeta, ma toe foi mai loa le matagi.

Ia foi vave atu i o outou aiga ma mafaufau i mea na ou fai atu ai.

Tamaiti, faavave.

O aoaoga a Iosefa ma le ala na soifua ai sa matua mamana lava ma na toatele na tuuina mai ni molimau malolosi i le moni o le talalelei ma le valaauga o Iosefa o se Perofeta.

Ua ou iloa o ia o le tagata e pei ona ia tautino mai ai—o se perofeta moni a le Atua.

O ia o se perofeta moni a le Atua soifua; ma o le tele lava o taimi na ou faalogo ai i ana saunoaga ma vaai i ana gaoioiga, o le tele foi lea o le faatalitonuina o au.

E oo mai i le aso, o loo manatuaina pea le Perofeta o Iosefa Samita e le faitau miliona o tagata i le lalolagi atoa, o e ua iloa na valaauina o ia e le Atua e toefuatai mai le talalelei a Iesu Keriso i le lalolagi.

Ata na tusia e Sal Velluto ma Eugenio Mattozzi