O Le Mealilo i le Faamanuiaina

Edis Hazel T., 11 tausaga, El Salvador

A o ou laitiiti ma tau aoao la’u faitau, sa matua faigata lava. Ae o le fesoasoani mai a lo’u tina ma le Tama Faalelagi, na ou iloa ai faitau. Sa faapena foi ona faigata i la’u uo lelei o Renzo, ona aoao e faitau.

I se tasi aso na ou fai atu ai ia te ia o le a ou tuuina atu ia te ia se mealilo e fesoasoani ia te ia e aoao ai lana faitau aua na aoga mo au. Sa ma o atu i le lotoa a le aoga. Sa ou aoaoina Renzo i le faiga o le tatalo, ma sa ia faia ai se tatalo i le Tama Faalelagi, ma ole atu mo se fesoasoani.

I le faaiuga o le tausaga aoga, sa ma mauaina ma Renzo se pine o le faamamaluga i le faitautusi ona o le fesoasoani a le Tama Faalelagi. Ou te iloa e tali mai le Tama Faalelagi ia tatou tatalo.