I kam long Laef blong Profet Josef Smit
Wan Man Wetem Bigfala Hat
Oli tekemaot long Ol Tijing blong Ol Presiden blong Jos: Josef Smit (Melkesedek Prishud mo Rilif Sosaeti kos blong stadi, 2007), 423–25.
Afta we oli muv i go long Nauvu, Ilinoa, Josef mo Ema Smit i bin bildim Red Brikis Stoa. Stoa ia i bin stap olsem ofis blong Josef mo olsem wan bisnis blong sapotem famle blong hem.
Bae mi tekem 9 kilo flaoa, Ema.
Yu nidim eni narafala samting?
Jemes i jes muv nomo long Inglan i kam long Nauvu wetem sista blong hem mo hasban blong hem, Henri. Jemes i no wan memba blong Jos.
Mifala i bin lukaotem wok ful dei, Henri. Mi no ting se bae mifala i faenem wan samting.
Yumi go askem help long Profet.
Jemes i neva mitim Josef Smit o i neva go kolosap long hem bifo. Hem i filim wan strong spirit taem hem i luk Josef nomo.
Hem i wan tru profet blong Hae God.
Ol brata, olsem wanem nao mi save helpem yufala tedei?
Mista Smit, yu gat eni wok?
Yufala i save mekem rod blong wota?
Bae mifala i traem bes blong mifala.
Josef i tekem olgeta man ia longwe smol long stoa mo i pulumaot wan tep mesa.
Yu save digim wan hol we bigwan blong hem i wan mita mo i go daon 75 semtimeta folem laen ia?
Taem oli finisim diggim hol ia, oli bin singaotem Josef blong i jekem.
Mi no save mekem gud moa miwan bitim hemia. Kam wetem mi.
Josef i givim long tufala man ia tu (2) long ol bigfala mo gudfala pis mit blong hem mo tu (2) bag flaoa.
Hemia i tumas, Josef.
Bae mifala i mekem moa wok from ol samting ia.
Sapos yufala i oraet wetem, ol boe, wetem mi i oraet.
From miting ia wetem kaen fasin blong Profet mo from ol narafala eksperiens we hem i bin filim long paoa blong Josef we i kam long God, Jemes i bin lanem gospel mo i bin baptaes mo oli bin konfemem hem wan yia afta.
Ol pikja oli kam long Sal Veluto mo Enjinio Matozi