Ol Samting Abaot Haos Ia
Ples blong baptaes insaed long tempol i sidaon antap long ol baksaed blong twelef buluk (luk long 2 Kronikel 4:2–4), saen ia i ripresentem olgeta twelef traeb o laen blong Isrel. Folem gudfala eksampol blong seves blong Sevya, yumi save mekem ol baptaes blong ol bubu blong yumi we oli ded finis be oli no bin kasem odinens ia yet.
Insaed long rum blong mekem ol odinens, oli givim wan jeneral tingting long plan blong God we Hem i gat long ol pikinini blong Hem. Ol Lata-dei Sent oli lanem abaot ol laef blong olgeta long laef bifo laef ia mo laef long wol ia, kriesen blong wol mo Foldaon blong man, stamba rol blong Jisas Kraes olsem Ridima blong evri pikinini blong God, mo ol blesing we oli save kasem long nekis laef.
Selestial rum i minim ples we yu stap long hem taem yumi kam olsem god mo ples blong pis we evriwan i save kasem taem oli laef folem gospel blong Jisas Kraes. Rum ia i ripresentem glad, gud filing insaed long wanwan man, mo pis we i stap blong ol famle we i no save finis long ples blong Papa long Heven mo Pikinini blong Hem, Jisas Kraes.
Insaed long wan siling rum, woman we bae i mared mo man blong hem, tufala i no mared nomo blong laef ia, be tu, blong taem we i no save finis.
Kalakala glas we i mekem wan pikja, Nauvu Ilinoa Tempol (lef evriwan).
Ples blong baptaes, Drepa Yuta Tempol.
Ples blong baptaes, Gila Vale Arisona Tempol.
Odinens rum, Manhatan Niu Yok Tempol.
Odinens rum, Niupot Bij Kalifonia Tempol.
Selestial rum, San Antonio Teksas Tempol.
Longfala lada, Okwea Maonten Yuta Tempol.
Wan stael wud tebol, Meksiko Siti Meksiko Tempol.
Siling rum, Vankuva Britis Kolombia Tempol.