Para sa Gagmay nga mga Bata

Dili Ba Kita Mahimong Managhigala?

Ni Patricia Graham

Gibase sa usa ka tinuod nga istorya

“Magmapuanguron kamo ang usa ngadto sa usa, mga malulot og kasingkasing, nga magpinasayloay kamo ang usa sa usa” (Mga Taga-Efeso 4:32).

1. Nakuyawan si Margaret tungod kay wala siyay kaila bisan usa sa iyang bag-ong eskwelahan.

2. Ang ubang mga batang babaye mibugal-bugal kaniya. Gani gibira sa usa ka batang babaye ang laso diha sa buhok ni Margaret. Si Margaret wala maghunahuna nga magmalipayon siya sa iyang bag-ong eskwelahan.

3. Human sa klase gitawagan ni Margaret ang iyang lola ug misulti kaniya mahitungod sa maldita nga mga batang babaye.

4. Margaret, kinahanglan ka nga mag-ampo ug mangutana sa Langitnong Amahan kon unsay angayng buhaton. Motabang Siya kanimo.

5. Nianang gabhiona nag-ampo si Margaret ngadto sa Langitnong Amahan. Gisultihan niya Siya mahitungod sa iyang problema. Dayon siya adunay ideya.

6. Pagkasunod adlaw sa eskwelahan ang mga batang babaye mibugal-bugal kaniya.

   Dili ba kita mahimong managhigala?

7. Ug pagkasunod adlaw ang mga batang babaye mibira sa iyang mga laso.

   Dili ba kita mahimong managhigala?

8. Usa ka semana ang milabay si Margaret malipayon nga misulti sa iyang lola kon unsa ang nahitabo.

   Ang Langitnong Amahan mihatag kanako og ideya nga magbinuotan ngadto sa mga babaye. Wala na sila magbugal-bugal kanako, ug karon mga higala na nako sila.

Pagpakighigala sa tibuok Kalibutan

Kita makahimo sa pagpakighigala bisan asa kita magpuyo. Ang pagkamabination ngadto sa uban usa ka maanindot nga paagi sa pagpakighigala. Tan-awa ang mga litrato ni Margaret (wala) ug ni Antoine (tuo). Sulayi sa pagpangita ug sa paglingin sa lima ka mga butang nga magkaparehas diha sa duha ka mga litrato.

Mga paghulagway pinaagi ni Maryn Roos

Wala: mga paghulagway pinaagi ni Maryn Roos