Hungary

Bisan tuod ang unang misyonaryo nga Santos sa Ulahing mga Adlaw miabut sa Hungary niadtong 1885, wala kaayo siya nagmalampuson ug mibiya human sa tulo ka bulan. Ang unang naila nga Hungarian nga nagpamiyembro sa Simbahan, si Mischa Markow, gibunyagan sa Constantinople niadtong 1887. Siya dayon mialagad og misyon sa Europe, apan sa kaulahian siya gipapahawa sa nasud tungod sa iyang mga pagsangyaw.

Sulod sa daghang mga tuig ang kahimtang sa politika sa Hungary mipugong sa buhat sa misyonaryo didto. Panahon sa mga 1980, ang pagkadayag sa Simbahan nakapahimo sa daghang mga Hungarian sa pag-imbestigar niini, ug sa kaulahian sa 1986, ang mga opisyal sa gobyerno sa Hungary mitugot sa mga misyonaryo sa pagsulod sa nasud.

Sukad niadto, ang mga misyonaryong paningkamot nakahimo og dakong kalampusan. Ang Basahon ni Mormon gimantala sa Hungarian niadtong 1991, ug ang unang stake nahimo niadtong 2006.

Ang Simbahan sa Hungary
Mga Miyembro	4,594
Mga Misyon	1
Mga stake	1
Mga District	2
Mga Ward ug mga Branch	21

Ang Hungarian Parliament Building, nakompleto niadtong 1904, nahimutang daplin sa Suba sa Danube sa Budapest.