Mga Minugbo nga Balita sa Kalibutan

Ang Simbahan Mipagawas sa Mobile Phone Apps

Ang Simbahan mipagawas ug mga application sa mobile-phone aron sa pagtabang sa mga miyembro sa pagtuon sa ebanghelyo bisan asa nahimutang. Ang application sa Gospel Library nagtugot sa mga tiggamit sa pagmarka sa libro, pag-highlight, ug sa paghimo og mubo nga mga sulat samtang sila nagbasa sa mga kasulatan, mga pakigpulong sa kinatibuk-ang komperensya, ug mga manwal sa Dominggo. Ang application sa Mormon Channel nagsibya sa opisyal nga estasyon sa radyo sa Simbahan ug adunay kasulatan, mga pakigpulong sa kinatibuk-ang komperensya, ug mga magasin sa Simbahan. Bisitaha ang mobile.lds.org alang sa impormasyon mahitungod sa pagkaangay [compatibility].

Ang Visitor’s Center sa Templo sa Los Angeles Abli na Usab

Ang Visitor’s Center sa Templo sa Los Angles miabli pag-usab niadtong Agosto 7, 2010, human sa duha ka tuig sa pag-remodel. Ang center naghatag og gibug-aton sa kasaysayan sa Simbahan sa Habagatang California samtang nag-focus sa sukaranang mga baruganan sa ebanghelyo. Ang 12,000-kwadrado pye (1,100 metro kwadrado) nga building naglakip og pipila ka mga dapit alang sa mga pasundayag ug duha ka mga teyatro. Ang labing nindot nga bahin mao ang 11-ka pye (3.4 ka metros) nga replica sa estatuwa nga Christus, nga makita sa gawas sa visitor’s center.

Labaw sa 200-ka Milyon nga mga Rekord ang Anaa Karon Online sa Internet

AngFamilySearch.Org mipagawas og kapin sa 200 ka milyon nga bag-ong mahimong siksikon nga mga talaan niadtong Agosto 2010, nakapahimo sa total nga rekord nga anaa sa Records Search site ngadto sa 700 ka milyon. Aron maka-access sa libre nga mga koleksyon, bisitaha ang Pilot.FamilySearch.org o beta.familysearch.org. Ang nagkadaghang rekord nga anaa nahimong posible kaayo tungod sa 350,000 nga mga boluntaryo sa Family Search Indexing sa tibuok kalibutan kinsa mo-transcribe sa mga hulagway sa makasaysayanon nga mga rekord aron mahimo ang pagsiksik sa digital nga paagi.