Taimi o Fetufaaiga
Ua Aoao Mai e Tusitusiga Paia le Fuafuaga a le Tama Faalelagi
“Faauta, o la’u galuega ma lo’u mamalu lenei—ia faataunuu le faaofuina o le tagata i le tino ola pea ma le ola faavavau” (Mose 1:39).
E mafai ona e faaaogaina lenei lesona ma le gaoioiga e aoao atili ai e uiga i le autu a le Peraimeri mo lenei masina.
A matou o i se taulaga e fou ia i matou pe o foi i se malaga, e i ai a matou faafanua e fesoasoani ina ia matou taunuu ai iina. O nei faafanua e mafai ona taialaina ma fesoasoani ia i matou ia lē sē.
Na saunia e le Tama Faalelagi ni “faafanua” e taialaina i tatou i le olaga. O nei “faafanua” o tusitusiga paia. O ni tusi e paia ma e mafai ona fesoasoani ia tatou malamalama ai i le mafuaaga ua tatou i ai i le lalolagi ma le auala tatou te toe foi atu ai i le afioaga o le Tama Faalelagi.
Ua aoao mai e tusitusiga paia, o i tatou o ni atalii po o ni afafine o le Tama Faalelagi ma sa tatou nonofo faatasi ma Ia ae tatou te le’i fananau mai. Na ia faia le lalolagi mo i tatou e nonofo ai. Na Ia auina mai Lona Alo, o lo tatou Faaola o Iesu Keriso, ina ia maliu mo i tatou ma fesoasoani ia i tatou pe a tatou sese, pe tatou te faanoanoa foi ma tuuatoatasi.
Na tuu mai ia i tatou e le Tama Faalelagi ia poloaiga e fesoasoani ia i tatou ina ia avea faapei o Iesu Keriso. Ina ia mulimuli i le fuafuaga a le Atua, tatou te manaomia le salamo pe a tatou faia se mea sese, ia papatiso, ma maua le meaalofa o le Agaga Paia e taitaiina i tatou i aso uma. O le fuafuaga a le Tama Faalelagi o le ala sili o le fiafia. E finagalo o Ia ia tatou toe foi atu ma o tatou aiga e mau faatasi ma Ia ma Lona Alo o, Iesu Keriso.
Gaoioiga
Faitau mau faasino taitasi i le itulau e 65 ma vase se laina i le ata e tutusa. E mafai ona faaaoga e lou aiga nei ata e talanoa ai e uiga i le ata o le faaolataga i le afiafi faaleaiga.
Muai Olaga
Mamalu Selesitila
Ata na tusia e Casey Nelson