Faamatalaga
Taumafai ia Avea ma se Faataitaiga
Ou te fia tau atu ou te fiafia e faitau le mekasini o le Liahona, ma ou te iloa o loo i ai tuleiga a perofeta. E i ai sa’u molimau i le moni o le Tusi a Mamona ma le tatalo. Ou te faafetai mo le talalelei i lo’u olaga, ma ou te taumafai e avea ma se faataitaiga i isi tagata talavou o e le i iloa le afioga a le Alii.
Tatiana G., 15 tausaga, Iurukuei
Ua Ootia Lo’u Agaga i le Filemu
E le’i avea a’u ma se tagata o la outou ekalesia, ae ua tumu a’u i le olioli, alofa, ma le filemu ona o lenei faatoa ou maua le upu moni. Sa tuu mai ia te a’u e sa’u uo se kopi o le Liahona ma le Tusi a Mamona e faitau, ma e ui lava sa ou maua ai le upumoni iina, ae sa ou tau musu ona fai mai nisi o tagata e le lelei le ekalesia lenei.
Peitai, talu ona ou lagonaina upumoni a Keriso, sa amata loa ona ou toe faitau, ma o lenei ua ootia ai lo’u agaga i se lagona maoae o le filemu. O aoaoga e manino ma aoga—ma o le i ai lena o le Agaga i le galuega. E leai ni iunite o le Ekalesia i le mea o loo o’u nofo ai, ae ou te tatalo ia tatala e le Alii faitotoa ina ia mafai ona oo mai le talalelei toefuataiina i lo’u nuu ma mafai ai ona ou papatiso.
Konan Alphrede, Côte d’Ivoire