Talafaasolopito o le Ekalesia i le Lalolagi
Pasila
Ina ua siitia ese atu Max Richard Zapf mai Siamani i Pasila i le 1913, faatoa lima tausaga talu ona avea o ia ma tagata o le ekalesia ma na avea ai loa o ia ma uluai tagata o le Ekalesia i Pasila. Ina ua mavae ona talosagaina e se aiga Pasila ni mea e faaaogaina mai le laumua o le Ekalesia, na asiasi atu loa le peresitene o le Misiona o Amerika i Saute i Pasila i le 1927 ma auina atu faifeautalai i le 1928. Na amataina le uluai misiona i São Paulo i le1935, ma e oo atu i le 1939 ua lomia le Tusi a Mamona i le faaPotukale.
O le malumalu muamua i Amerika i Saute na faapaiaina i Sao Paulo i le 1978, ina ua faatoa mavae le faaaliga e uiga i le faasafua atu o le perisitua i alii agavaa uma lava. O le nofoaga tutotonu mo le aoaoina o faifeautalai e lona-lua le tele a le Ekalesia, o loo i Sao Paulo, na faapaiaina i le 1997.
O Pasila o le atunuu lona tolu lea (e sosoo ma le Iunaite Setete ma Mekisiko) ua ausia le tasi miliona o tagata auai i le ekalesia.
|
O Le Ekalesia i Pasila | |
|---|---|
|
Tagata auai |
1,102,428 |
|
Misiona |
27 |
|
Siteki |
230 |
|
Uarota ma Paranesi |
1,884 |
|
Malumalu |
7, e aofia ai Malumalu o Manau ma Fortaleza i Pasila, ua faalauiloaina po o o loo fausia nei |