2011
E Na o le Tasi le Tupe Siliva
Aokuso 2011

E Na o le Tasi le Tupe Siliva

Saunia e Chad E. Phares

E faavae i se tala moni

“E ui ina iti la’u foai, e faaalia ai lo’u faatuatua i le Alii” (“Ou Te Manao e Ave i le Alii La’u Tasi Vaesefulu,” Liahona, Oke. 2006, U13).

  1. Na sioa Tanielu i le tupe siliva sa i luga o lana pusatu. Na ia tilotilo i ai mo ni nai minute. E le’i foliga e telē.

    Tanielu, ua e sauni mo le lotu?

    Ioe, Tama. O le a ou alu atu.

  2. Na tuu e Tanielu le tupe siliva i lana taga ma tamoe atu ia o faatasi ma lona aiga.

  3. Ina ua taunuu Tanielu ma lona aiga i le lotu, na ia aumaia se pepa o le sefuluai ma se teutusi mai fafo o le ofisa o le epikopo.

    Tama, e mafai ona e fesoasoani mai i le faatumuga?

    Ua lelei.

  4. E fia se sefuluai o le a e totogiina i le asō?

    E le telē tele. Na o lea.

    Tanielu, o le 10 pasene lea o le tupe na e mauaina?

    Ioe.

    Ia o lena ua atoa.

  5. Na faamau e Tanielu le teutusi ma avatu le sefuluai i le epikopo. Na faatalofa atu le epikopo ia te ia. Na le iloa e Tanielu pe mata e faatalofa atu le epikopo ia te ia pe ana ia iloaina e na o le tasi le tupe siliva o i totonu o le teutusi.

  6. Ou te mitamita ia te oe, Tanielu. O se filifiliga lelei le totogiina o le sefuluai.

    Ua ou iloa, Tama, ae e na o le tasi le tupe siliva.

  7. E te le iloa lava po o le a se mea e mafai ona totogiina i lena tupe siliva e tasi. Atonu o le a totogi ai le lolomiina o se itulau se tasi o le Tusi a Mamona, pe atonu foi o le a fesoasoani e totogi ai se tasi o maa o loo faaaoga i le fausiaina o se malumalu.

  8. E le’i mafaufau lava faapena Tanielu i le sefuluai. Na amata ona ia mafaufau i auala uma e mafai ona fesoasoani ai lana sefuluai i isi.

    Atonu e sa’o oe, Tama. Ua ou fiafia ua mafai ona ou totogiina le sefuluai—e tusa lava pe na o le tasi le tupe siliva.