Fetufaai atu La’u Molimau e ala i Musika

Felix Seidl, Siamani

E ui sa ou ola ae i le Ekalesia, ae na ou le toe toaga ina 18 ou tausaga. Mulimuli ane, ina ua ou siitia ese mai Siamani sasae agai atu i Frankfurt, sa valaaulia a’u matou te nonofo ma se aiga o le ekalesia. Sa ou iloa e mafai ona avea lea ma se avanoa mo a’u e fai ai se amataga fou ma toe toaga ai i le Lotu.

E le’i leva ona ou siitia atu i Frankfurt, ae valaauina a’u i le au peresitene o le matou ofisa autu i le eria mo le autalavou matutua. Na aofia i le valaauga le faamaopoopoina o vasega inisitituti, afiafi faaleaiga, ma isi gaoioiga. Sa manaomia ai le tele o galuega, ae sa aoga lava aua o le ofisa autu o se faamanuiaga maoae lea i autalavou matutua i le eria.

Ona o lenei valaauga, sa ou aoao ai ma auai atu ai i se aufaipese a le autalavou matutua nofofua. Sa alu se malaga faakonaseti a le aufaipese i Polani ma le Ripepalika Siekisilovakia. Sa avea o se aafiaga maoae, ma sa ou fiafia e maua le avanoa e faasoa atu ai la’u molimau e ala i musika. Sa sili atu foi lo’u fiafia ina ua ou maua se i-meli i ni vaiaso mulimuli ane, e ta’u mai ai ia te a’u ua liliu mai se tagata i le Ekalesia ona o se aafiaga mai se tasi o a matou konaseti.

A o ou galue e faataunuu lo’u valaauga, sa mafai ona ou fesoasoani e faamalosia molimau a isi, ma na faamalosia ai foi la’u lava molimau i le talalelei.