Ua Toefaatulagaina e le Ekalesia ia tuaoi o Misiona

Ina ia ogatasi punaoa ma suiga manaomia, ua faatu ai e le Ekalesia ni misiona fou se lima ma ua tuufaatasia isi ma misiona o loo tuaoi i le 2011. O le aofaiga o misiona i le lalolagi atoa e 340.

Ua faatulagaina e le Ekalesia misiona nei:

O le Misiona a Benin Cotonou—ua aofia ai Benin ma Togo—sa faatulagaina mai se vaega o le misiona sa avea muamua ma Misiona o Ivory Coast Abidjan.

O le Misiona o le Aai o Mekisiko Mekisiko Sautesasae e sau mai le toefaatulagaina o Misiona o le Aai o Mekisiko Mekisiko Sasae, Aai o Mekisiko Mekisiko Matusisifo, ma le Misiona a le Aai o Mekisiko Mekisiko Saute.

O le Misiona a Peru Chiclayo na sau mai Misiona a Peru Piura ma Peru Trujillo.

O se vaega o le Misiona a Filipaina Manila ma Filipaina Aai o Quezon na faatulaga mai ai le Misiona a Filipaina Aai o Quezon Matu.

O le Misiona a Zambia Lusaka na vavaeina mai le Misiona a Zimbabwe Harare ma o le a aofia ai le atunuu o Malawi.

O misiona nei na tuufaatasia:

O le Misiona a Kanata Toronto Sasae ma Kanata Toronto Sisifo na tuufaatasia ma avea ai ma Misiona a Kanata Toronto.

Sa tuufaatasia le Misiona a Connecticut Hartford ma le Misiona a Massachusetts Boston.

Sa toefaatulagaina ia Misiona a Florida Jacksonville, Florida Tallahassee, Georgia Atlanta, ma Carolina Columbia Saute lea na tofu ai ma se vaega o le misiona sa avea muamua ma Misiona a Georgia Macon.

O le Misiona a Potukale Porto ua avea nei ma vaega o le Misiona a Potukale Lisbon.

Sa toefaatulagaina ia Misiona a Farani Pale ma Farani Toulouse ina ia aofia ai eria o le Misiona a Suitiselani Nineva. (E le gata i lea, o le laumua o le Misiona a Farani Toulouse na siitia atu i Lyon, ma suia ai le igoa o le misiona ia Farani Lyon.)

Sa toefaatulagaina foi ia Misiona a El Salvador San Salvador Sasae ma El Salvador San Salvador Sisifo/Belize. O le misiona i Sasae ua igoa nei i le Misiona a El Salvador San Salvador ma Sisifo ua avea nei ma Misiona a El Salvador Santa Ana/Belize.