Autalavou
Na Laveai i Matou e Tina
Ina ua ono o’u tausaga, sa ma matamata ma lo’u uso laitiiti i le taaloga pasiketipolo a lo ma uso matua. Sa aluese atu lo ma tamā, ona ma filifili lea ma te fia o faatasi ma ia i le fale, o lea sa ma tamomoe ai i le timu e tuliloa o ia. Ina ua le mafai ona ma mauaina o ia, sa ma toe foi i le faletaalo matou te o faatasi ma lo ma tina, ae ma te ulufale atu i le faletaalo, ua o uma tagata sa i ai i le fale.
Ou te manatua le faapupuu ai i luma o le faitotoa, ma taumafai ia ma malu ma lo’u uso laitiiti mai le timu, ma tatalo ina ia sau se tasi. Ona ou manatua lea o le faalogoina o le tapuni o le faitotoa o la matou veni lanumumu, ma sa ma tamomoe atu agai i le mea na sau ai le pao. Ona manino ai lea o le manatua ao ou laitiiti: o le opoina o i ma’ua e lo ma tina “e pei o se matuamoa ona ofaofatai i lana toloai i lalo o ona apaau” (3 Nifae 10:4). Na laveai i maua e lo’u tina, ma e ou te le’i lagonaina lava muamua se lagona sili ona saogalemu nai lo le taimi lena.
Ao ou mafaufau i lana uunaiga ia te au, ua ou iloa ai o le olaga o lo’u tina na faasino atu ai a’u agai i le Faaola ma faailoa mai ia te a’u le uiga o le “si’i ae o lima o loo tautau i lalo, ma faamalosia tulivae vaivai” (MFF 81:5). Sa faalagolago o ia i a Iesu Keriso, o lē na tuuina atu ia te ia le malosi “e sili atu nai [lona] lava malosi” (“Faaola e ia ‘Ou Alofa,” Viiga, nu. 150).