Faamatalaga
Ua i ai i le Liahona ia Tali
Ua avea le Liahona ma se faamanuiaga tele ia te a’u, i lo’u aiga, ma i latou uma sa ou mauaina le avanoa e talanoa i ai e uiga i le Ekalesia. Soo se taimi lava ou te manaomia ai se fautuaga, ou te liliu atu i le Liahona, ma ou te maua ai lava tali ou te manaomia. O le Liahona i luga o le initoneti e matagofie foi—ua fesoasoani ia te au e saunia ai lauga ma lesona e ala i le faasaoina o o’u taimi e sailiili ai.
Maurilio Braz Santana, Pasila
O Se Taiala mo i Latou o Saili Atu
O masina taitasi uma ou te faitau ai i le Liahona, na te aumaia lava ia te au se mea e sili atu nai lo se mea na ou maua muamua. Ua faamanatu mai ai ia te au le alofa o le Faaola mo au ma fesoasoani mai ia ou lelei atili. Ou te iloa o lenei mekasini o se taiala lea mo i latou o loo saili moni atu mo le taitaiga.
Ange-Loraine Kouadio, Côte d’Ivoire
Lagonaina o le Agaga o Leo o le AAG
E faateleina lava le lelei o le Liahona i masina taitasi. Ou te fiafia pe a ou mauaina, aua ou te iloa ma le mautinoa o le a ou maua ai i totonu ni savali musuia. E patino lava lo’u fiafia i Leo o le Au Paia o Aso e Gata Ai. Ou te lagonaina le Agaga pe a ou faitau e uiga ia i latou na faatoilaloina faigata ma faaosoosoga e ala i faataitaiga ma aoaoga a le Faaola.
Sheila Uamba, Mozambique