Nai Otootoga o le Lalolagi

O Loo Faaauau pea ona Tuuina atu e le Ekalesia le Faaolatotoga i Iapani.

Ina ua mae’a le mafuie faataumaoi e 9.0 le malosi lea na taia ai Iapani i le aso 11 o Mati, 2011, o loo faaauau pea ona tuuina atu e le Ekalesia sapalai ma le faaolatotoga i le atunuu atoa.

E silia ma le 150 tone o sapalai mai taumafaiga faaolatotoga a le Ekalesia ua tufatufaina atu: meaai, vai, palanikeke, moega, pusa o vailaau faafomai, lavalava, ma suauu. E silia ma le 7,000 tagata o le Ekalesia ua foai atu le silia ma le 60,000 itula faigaluega i taumafaiga faaolatotoga.

Iva Miliona Faamaumauga mai Hanikeri ua faaopoopo atu i le FamilySearch

Mai le 11.5 miliona o faamaumauga faavaomalo ua faaopoopoina i le FamilySearch ia Mati, e 9 miliona o na faamaumauga e mai Hanikeri.

O le iva miliona lea ua uma ona faamaumauina faasinoupu, o vaega muamua ia o faamaumauga a Hanikeri o le a lomiaina i le tausaga a sau. E le gata i nei faamaumauga, o galuega mai Hanikeri ua maua nei i le FamilySearch mo e galulue fua e faia faasinoupu.