Suega: Faletua o Perofeta

Mai ia Ema Samita e oo ia Frances Monson, o loo tutu faletua o Peresitene o le Ekalesia i autafa o a latou tane e avea ma fesoasoani faamaoni. O i latou nei ma isi tamaitai faatuatua na saunoa mai ai, Elder Bruce R. McConkie (1915–85) o le Korama a Aposetolo e Toasefulua, “E le auina atu e le Alii ni aposetolo ma ni perofeta ma ni alii amiotonu e talai i ona tagata e aunoa ma le tuuina o tamaitai e tutusa o latou tulaga faaleagaga i o latou autafa.”¹ O le a fesoasoani lenei suega e te aoao ai i nisi o faamatalaga auiliili e uiga i nei faletua lototetele o perofeta e toavalu o aso e gata ai.

1. O lenei tamaitai na papatiso i le 1834 ma mulimuli ane malaga mo le 1,000 maila (1,600 km) na o ia lava e faatasi atu i le Au Paia o Aso e Gata Ai i Katelani, Ohaio, ISA. Sa ia folafola atu i lona tina o le a ia toe foi mai pe ia iloa e sese le Ekalesia, peitai na nofo ai pea o ia ma le Au Paia o Aso e Gata Ai mo lona soifuaga atoa.

2. Na taumafai le tane i le lumanai a lenei tamaitai talavou e faaofo o ia ao la talavou e ala i le tapenaina o le fanua o ona matua e fai ai se pati e talitutusa le tulaga ma isi alii talavou mau mea a lo latou pitonuu.

3. E fiafia lenei tamaitai e faitautusi, mai lava i lona teineitiiti, e tele ina faitau ao manatu o moe o ia, teu ia moega, pe aoao foi e ta le okeni.

4. Ao valu ona tausaga, sa alu lenei teineitiiti i le togavao ma tatalo ai. Sa ia tatalo mo lona tamā, o lē sa le’i i ai sona faatuatua mausali ia Keriso. Ina ua alu atu lona tamā i le togavao e tulimanu, sa ia lagona atu lana tatalo. Na faamaluluina lona loto, ma avea o ia ma se tagata sili ona faatuatua.

5. O le tafaoga faamasani muamua lava a lenei tamaitai ma lona toalua i le lumanai, na feasogi uma ai lona tamā ma lona tina i le alafau o lana paga. Ao vaavaai solo le alii talavou e sue lana paga eva, sa na o le faapea mai o ia, “Se’i ou alu e aumai lo’u ofu mafanafana.”²

6. Sa aoga lenei tamaitai i le Iunivesite o Iuta ma le Kolisi o Musika a Cincinnati, lea sa ia aoaoina ai tomai faatausiaiga. Sa ia aoao e fiafia i tusiga, tala faatino, ma tusiata ma avea ma se tagata musika lelei.

7. Ao avea ma se teine aoga i le kolisi, sa faatinoina e lenei tamaitai le vaega autu o Viola i le tala a Siekisipia Twelfth Night ma na taitai i le komiti o le siva faapitoa mo le vasega sefulutasi, peresitene o le Kalapu Afeleti a Tamaitai, ma na avea ma sui peresitene o le aoga atoa.

8. Na tuuina atu e lenei tamaitai ni faitauga musuia i le Peraimeri, ae faaiu i se lafoga malie ma taga. Fai mai lona toalua mulimuli ane e uiga i se tasi o ana faitauga, “Ou te le iloa po o le a le mea na oo ia te au, ae ou te le’i faagaloina lava. Ona tuputupu a’e ai lea o ia ma avea ma se tamaitai talavou lalelei, ma sa i ai lo’u lagona lelei ou te faaipoipo ia te ia.”³

O tali o loo i le itulau e sosoo ai.

Faamatalaga

1. Bruce R. McConkie, Doctrinal New Testament Commentary, 3 vols.(1966–73), 3:302.

2. Tagai i le Thomas S. Monson, “Matuai Faamanuiaina Lava,” Liahona, Me 2008, 111.

3. Tagai i le Jeffrey R. Holland, “Peresitene Gordon B. Hinckley: O Lo o Tulai mai o Ia ma le Lototele ma le Malosi,” Liahona, Iuni 1995, 17.

• Tali o le Suega

  Faletua o Perofeta

  1. O Phoebe W. Carter Uitilafi, na faaipoipo ia Uilifoti Uitilafi

  2. O Lusi Uitilafi Samita, na faaipoipo ia Siaosi Alapati Samita

  3. O Camilla Eyring Kimball, na faaipoipo ia Spencer W. Kimball

  4. O Ema Hale Samita, na faaipoipo ia Iosefa Samita

  5. O Frances Johnson Monson, na faaipoipo ia Thomas S. Monson

  6. O Ema Ray MaKei, na faaipoipo ia Tavita O. MaKei

  7. O Flora Amussen Benson, na faaipoipo ia Ezra Taft Benson

  8. O Marjorie Pay Hinckley, na faaipoipo ia Gordon B. Hinckley

Ema Hale Samita	Flora Amussen Benson	Marjorie Pay Hinckley	Phoebe W. Carter Uitilafi
Lusi Uitilafi Samita	Frances Johnson Monson	Camilla Eyring Kimball	Ema Ray MaKei