Te Burabeti Iotebwa Timiti

Te Tia Raira Ana Boki Moomon

Ana Boki Moomon bon te boki ae okoro mai buakon koroboki aika a tabu. Ma e ngae ngke a koreia burabeti ake ngkoa, e aki roko nakoira n aron te Baibara. Te Baibara e koreaki iaon ninira n te Aonaaba ni Kawai ni booki aika a kaokoroaki ao ni katotongaki irouia taan koroboki inanon ririki aika a mwaiti. Ma tiaki ni karokoa te kaua n tienture imwiin Iesu Kristo ao a ikotaki booki aika a kakaokoro ao man riki bwa teuana te boki ae ti kona n noria bwa te Baibara ae Tabu.

Ana Boki Moomon, ni kabotauaki, e koreaki irouia burabeti ngkoa n te Aonaaba ae Boou iaon bwaatua aika biiti, man kauarerekeaki iroun temanna te burabeti—Moomon (are e aranaki iai te boki)—inanon te kanimaua n tienture i.m. nakon teuana te rekooti iaon bwaatua koora. Natina ae Moronai, e taun bwaatua imwiina, ike a tiku ni karokoa te 1827, ngke Moronai, e a manga riki bwa te aomata ae kautaki, e anga bwaatua nakon te ataeinimwaane ae arana Iotebwa Timiti.

Tera are imwiina bon rongorongon aron Iotebwa ni karekea, n rairia, ao ni boretiia te rekooti ae aranaki ngkai bwa Ana Boki Moomon: Kakoauan Taekan Iesu Kristo. Te Tia Kamaiu bon Ngaia ae e kakoaua bwa e bon koaua te boki. (taraa D&C 17:6).

1. N te 1820 te ataeinimwaane ae 14-ana ririki ae arana Iotebwa Timiti ae maeka ni uakan ma Palmyra, New York. E ngae ngke e kairake, e tabeaianga n teina imatan te Atua ao man nanokokoraki n aia taeka aro ni Kiritian aika a kakaokoro ake a kakaeia taan rairaki bwa a naaki nakon aro ake tabeua. E kaungaaki nanona imwiin kamatebwaian te Baibara, Iotebwa e baireia ni kakaea te wanawana man butiia te Atua, are“angangania aomata ni kabaneia, n aki ngurengureakiniia ” (Iakobo 1:5). E nako n te buakonikai ae uakaan ma mweengana man tataro.

2. Ngke e katorobubua Iotebwa n tataro, te oota ae otanako n otamwaaka are e a rabuna aona. Inanon te oota e nooria Aomata aika uoman. Te Tama are i Karawa e taetae man taku, “Aio Natiu ae bati n Tangiraki. Ongo Irouna!”, Joseph Smith—History 1:13–14. E tua te Uea nakon Iotebwa bwa akea te aro ae e na kaainna ma ibuakoia ibukina bwa akea ae koaua ma ibuakoia, ma e berita “bwa bwaninin te Euangkerio e na roko riki rimwi ao man kaotaki [nakoina].”¹

3. Teniua te ririki n nako, n te tai are e tibwauai bwaai ake e rinanona Iotebwa Timiti ma tabeman—e bwainikirinaki ibukina. E ribotinna: “E boni ngae ngke I ribaaki ma ni bwainikiriinaki ibukina ngke I taekinna bwa I a tia n nora te kaotioti, ma e boni koaua naba; ao … te tai aei ao nanou e kan ataia bwa bukin tera ngkai a bwainikirinai n taekinan te koaua. I bon nora raoi te kaotioti; bwa antai ngai are N na kona ni kaaitara te Atua? Bukin tera ngkai a tangirai ni kabane bwa N na kaakeaa are I a tia n noria raoi? I a bon tia n nora te kaotioti ao I ataia bwa I a bon tia n noria. I ataia naba bwa e ataia te Atua bwa I bon noria. I aki kona ni kaakeaa” (Joseph Smith—History 1:25).

4. N Tebetembwa 21, 1823, Iotebwa e tataro ngke e a kaoti naba te ota n ana ruu i eta ao e kaoti te anera ae arana Moronai man tuanga Iotebwa ibukin taian koroboki mairouia burabeti ngkoa. Te rekooti, e koreaki iaon bwaatua koora, ake a taunaki n uakaan ma te tabuki. E tuangaki Iotebwa bwa e na raira te rekooti.

5. N tokina, n Tebetembwa 22, 1827, e anganaki Iotebwa taian bwaatua, n anai man te atibu te baoki are e taunaki n te atibu ae bubura iaon te tabuki irarikin Palmyra, New York.

6. N aron ae rang n ataaki ni mwakoron te kaawa n taai akekei, Iotebwa Timiti e tabangaki ae e bon aki reirei. Ni buokana n te rairairi, te Atua e katauraoa te bwai n rairairi n taai ake ngkoa ae aranaki bwa te Urim ao Tammin. E kakabwaiaki naba man ana ibuobuoki te tia koroboki are te bwai are e warekia ngke e rairairi. Mai buakoia taan koroboki aikai bon buna, ae Emma; Martin Harris, te tia ununiki ae kaubwai; ao Oliver Cowdery, te tia reirei. Mwaitin te mwakuri n rairairi are e bane ke iaan te teniua namwakaina imwiina ngke Oliver e waki bwa te tia koroboki.

   E kabwarabwara Emma arona ngke e riki bwa ana tia koroboki Iotebwa: “Akea te aomata ae kona ni wareka korobokin beebwan ngkoa ma ti ngkana e kairaki iroun te tamnei; ibukina bwa, ngke [I bon] mwakuri bwa a na tia koroboki, [Iotebwa] e na warekia nakoiu teuana te aoa imwin teuana; ao ngkana e oki imwin amwarakena, ke imwin motirawana, e na bon waekoa ni moanna man are e a tia n toki iai, man aki manga tara te beebwa are korobokiaki ke n tangira warekan mwakorona nakoina.”²

   Iotebwa e kabwarabwara kakawakin rokon ana Boki Moomon: “Man mwaakan te Atua are I raira iai Ana Boki Moomon man te koroboki n Aikubita rimoa aika koro tamnei, are te atatai ae e a tia ni bua man te aonaaba, ao I mwakuri n ti ngai ngke e riki te bwai ae tamaroa aei, te kairake ae akea rabakauna, ni kaitaraa wanawanan te aonaaba ao bangabwai aika ikoikotaki inanon tebwi ma waniua tienture, ma te kaotioti ae boou.”³

7. Inanon te ka 18 n namwakaina e a reke irouna bwaatua, Iotebwa tiaki ti ngaia n noori ao n riingi bwaatua. Teniman riki mwaane—Oliver Cowdery, David Whitmer, ao Martin Harris—ake a kakoaua bwa te anera ae Moronai e kaotii nakoina bwaatua koora ao a ataia bwa bwaatua a“ tia n rairaki man ana bwaintangira ao mwaakan te Atua, ma bwanaana ae e taetae nakoira.” Waniman riki mwaane ake a kakoaua bwa a tia n noori bwaatua koora ao man tauii.⁴

8. N Aokati 1829, Iotebwa e mwakuri ma te tia boreeti ae Egbert B. Grandin mai Palmyra, New York, ni boretia te boki. Martin Harris e kabonakoa ana tabo n baam ibukin kaboan boretian te boki, ao ni Maati 26, 1830, ana Boki Moomon e a tauraoi ibukin kaboana.

9. N Eberi 6, 1830, tao 60 aomata a bootaki inanon te auti te kai i Fayette, New York. Ikanne, n aron ae e a kairaki mairoun te Uea Iesu Kristo, Iotebwa Timiti e a katea Ana Ekaretia te tia Kamaiu, are e a manga kaokaki n arona ngkoa are e baireaki ao ni kairaki irouia abotoro ma burabeti, ao ni kariaiakaki n taetae ibukin te Atua. Kaotioti imwiina nakon Iotebwa Timiti e a anganaki aran te Ekaretia ae Ana Ekaretia Iesu Kristo ibukiia Aika Itiaki ni Boonga aika Kaitira (taraa D&C 115:4).

Bwaai aika a na taraaki

1. Iotebwa Timiti, n Rongorongon te Ekaretia ni kawai, 4:536.

2. Interview with Emma Smith by Joseph Smith III, Beberuare. 1879 1879, n Saints’ Herald, Okitobwa 1, 1879, 290.

3. Reirei mairouia Beretitenti n te Ekaretia: Iotebwa Timiti (2007), 60.

4. Taraa “Aia Koaua Taan Kakoaua ake Teniman” ao “Aia Koaua Taan Kakoaua ake Waniman,” e kabwarabwaraaki n ana Boki Moomon.

Man 1830 mirion aomata ake a tia ni wareka ana Boki Moomon ao ni kaaina Ana Ekaretia Iesu Kristo ibukiia Aika Itiaki ni Boong aika Kaitira ibukin ana kakoaua ana Booki Moomon iroun te Tia Kamaiu. Te boki e kaotia naba bwa Iotebwa Timiti bon ana burabeti te Atua ao te Tia Kamaiu e kaira Ana Ekaretia n te tai aei. Mirion aomata ake a tia ni kataia ao ni kakoaua ana berita Moronai nakoia naake a kakaei ma nanoia ni koaua. “Kaungai nanomi bwa kam na butiia te Atua, te Tama ae akea Tokina, n aran Kristo, ngkana arona bwa a koaua bwaai aikai; ao ngkana arona bwa kam bubuti ma te nano ae koaua ma nanomi raoi, ao te onimaki iroun Kristo, e na bon kaota te koaua nakoimi, ni mwaakan te Tamnei ae Raoiroi.” (Moronai 10:4).

Man te maing: Tari Iotebwa, iroun David Lindsley © 1998; Iotebwa Timiti e ukoukora te Wanawana man te Baibara, iroun Dale Kilbourn © 1975 IRI; JAna Moan Kaotioti Iotebwa Timiti, iroun Greg Olsen, e na aki kaobiaki; taraan tamn ei mairoum Iotebwa Timiti:Te Burabeti ibukin Kaokanbwaai, iroun Matthew Reier © IRI

Man te maing: Te Anera ae Moroni e Kaoti nakon Iotebwa Timiti, iroun Tom Lovell © 2003 IRI; taraan tamnei iroun Iotebwa Timiti: Te Burabeti ibukin Kaokanbwaai, iroun Matthew Reier © IRI; rawean tamnei iroun Iotebwa Timiti: Te Burabeti ibukin Kaokanbwaai iroun John Luke © IRI; Man te Baintangira ao Mwaakan te Atua, iroun Simon Dewey; kabwarabwaraan te korotamnei iroun William Maughan © 1998; tamnei iroun Craig Dimond © IRI; rawean tamnei iroun Iotebwa Timiti: Te Burabeti ibukin Kaokanbwaai, iroun Matthew Reier © IRI