O Le Saite Fou e Fesoasoani ai i Talavou e Amata ia Talafaasolopito o Aiga

O le vaega fou o le FamilySearch Youth and Family History o le youth.lds.org (lds.org/familyhistoryyouth) ua faamoemoe e fesoasoani ai i le autalavou e saili ia talafaasolopito o aiga ma auauna atu i o latou tuaa e ala i le sailia o o latou faamaumauga.

Ua i ai i nei saite ni punaoa o loo aoao ai le autalavou i le auala e amata faaaogaina ai le FamilySearch. I ni laasaga faigofie se lima ua aoaoina ai le autalavou i le auala e sailia ai o latou gafa faaleaiga, faia o faamaumauga faaleaiga, ma saunia ia igoa e ave i le malumalu. Ua aofia ai foi i saite ni manatu i auala e mafai ai e vasega ma korama ona faaaogaina ia talafaasolopito o aiga e fai ma ala e auauna atu ai i isi.

O le vaega fou o loo maua i le taimi nei i le gagana Peretania, Potukale, ma le Sipaniolo. O le a maua i isi gagana faaopoopo i masina o lumanai.