Lolotonga Hoʻo Teuteu ki he Ngāue Fakafaifekaú

Ko e talaange ʻe Palesiteni ʻUkitofa ki he kau faifekaú ke nau fakakaukau hangē ʻoku nau ʻi he vaeuaʻanga mālie pē ʻo ʻenau ngāue fakafaifekaú. Te mou lava foki ke fakaʻaongaʻi ʻa e foʻi fakakaukaú ni ʻi hoʻomou teuteu ngāue fakafaifekaú: tatau ai pē pe ʻokú ke taʻu 12 pe 18, te ke lava ʻo teuteu ke ngāue fakafaifekau.

Ko e hā ha ngaahi meʻa te ke lava ʻo fakahoko “ʻi he vaeuaʻanga mālie” hoʻo teuteu ki he ngāue fakafaifekaú?

Moʻui taau maʻu pē ke hū ki he temipalé.
Feinga ke fakatokangaʻi e ueʻi mei he Laumālie Māʻoniʻoní ʻaki haʻo hiki ia mo ngāueʻi kinautolu.
Lotua e kau faifekaú.
Fehuʻi ki he kau faifekau ʻi homou feituʻú pe ko e hā te nau fokotuʻu atu ke ke fai ke ke teuteu ai ke ngāue fakafaifekau.
Feinga ke puleʻi lelei ho taimí, kau ai e ngaahi ʻekitivitī mahuʻinga hangē ko e ngāue tokoní, ako folofolá, mo e hiki ʻo e tohinoá.
Ko hoʻo talanoa pē mo ha mēmipa ʻo e fāmilí, peá ke fakamatalaʻi ange ha potu folofola naʻá ne ueʻi fakalaumālie koe kimuí ni mai. Fakamatalaʻi ange hoʻo fakakaukau ki he potu folofolá.
Fehuʻi ki ho ngaahi kaungāmeʻá ʻo fekauʻaki mo ʻenau tui fakalotú mo e meʻa ʻoku nau tui ki aí. Mateuteu ke vahevahe hoʻo tuí. Fakaafeʻi kinautolu ki he ngaahi ʻekitivitī ʻa e Siasí.

ʻI hoʻo fakatokangaʻi ko ia ʻokú ke ʻi he vaeuʻanga mālie ʻo hoʻo teuteu ngāue fakafaifekaú, te ke lava ʻo ʻai hoʻo moʻuí ke taau ange mo e falala ʻa e ʻEikí pea mo e takaua ʻa e Laumālié.