Ui ‘o ‘Eletā Sitīveni E. Sinou ke Hoko ko e Faihisitōlia ‘o e Siasí

Naʻe toki fakahaá ni kimuí ni ‘e he Kau Palesitenisī ‘Uluakí ‘a hono ui ‘o ‘Eletā Sitīveni E. Sinou ‘o e Kau Palesitenisī ‘o e Kau Fitungofulú ke hoko ko e Faihisitōlia mo e Tauhi Lekooti ‘o e Siasí, ko ha fatongia ia naʻe fua kimuʻa ‘e ‘Eletā Mālini K. Seniseni ‘o e Kau Fitungofulú.

Kuo ‘osi tukuange ‘a ‘Eletā Sinou mei he Kau Palesitenisī ‘o e Kau Fitungofulú, pea ‘e hiki ‘a ‘Eletā Seniseni ki he tuʻunga ‘ikai toe ngāué ‘i he konifelenisi lahi ‘o ‘Okatopa 2012.

Lolotonga iá, ‘e kei ngāue fakataha ‘a ‘Eletā Sinou mo ‘Eletā Seniseni ki hono fakahinohinoʻí pea mo e ngaahi taumuʻa ‘o e fetongí.

‘E fua kakato ‘e ‘Eletā Sitīveni E. Sinou e fatongia ‘o e Faihisitōlia mo e Tauhi Lekooti ‘o e Siasí he konga kimui ‘o e taʻu ní.