Vakaiʻi ʻe ʻEletā ʻOakesi ʻa Siapani Hili ha Taʻu ʻe Taha mei he Mofuiké

Naʻe ʻaʻahi ʻa ʻEletā Tālini H. ʻOakesi ʻo e Kōlomu ʻo e Kau ʻAposetolo ʻe Toko Hongofulu Mā Uá mo ʻEletā Tōnolo L. Holositulomu ʻo e Kau Palesitenisī ʻo e Kau Fitungofulú ki he fonuá ʻo fakahoko ha pōpoaki ʻo e ʻamanaki lelei mo e ʻofa, ʻi he ʻosi ʻeni ha meimei taʻu ʻe taha, hili hono uesia ʻe he mofuiké mo e peau-kulá ʻa Siapaní.

Naʻe fononga ʻa ʻEletā ʻOakesi mo ʻEletā Holositulomu pea mo hona ongo uaifí, ʻa Kilisiteni ʻOakesi mo Taieni Holositulomu, ʻi ha ʻaho ʻe 12 ʻi Fēpueli ki he ʻĒlia ʻĒsia Tokelaú, ʻo afe ʻi Kumamoto, Nakasaki, pea mo Tokiō, pea pehē ki ha ngaahi kolo matāfanga lahi foki ʻi he ʻēlia Tohokú.

Naʻe fakamatalaʻi ʻe ʻEletā ʻOakesi ʻi he Church News ha taha ʻo e taumuʻa e folaú: “Ne mau feinga ke fai ha fakafiemālie ʻi he hili ʻo e fakatamaki fakanatulá pea mo e peau-kula naʻe hoko ʻi he taʻu nai ʻe taha kuo hilí pea mo fai e fakamoʻoni mo e akonaki ʻoku mau faʻa fakahoko maʻu pē ʻi heʻemau fakataha mo e kau faifekaú pea mo e kāingalotu ʻo e Siasí.”

Naʻe fakataha ʻa ʻEletā ʻOakesi mo ha kau taki kehe ʻo e Siasí mo e Kāingalotú, kau faifekau, pea mo ha niʻihi kehe ʻi Siapani ʻo poupouʻi kinautolu ke nau “kumi ha founga ʻe hanga ai ʻe he ʻEikí ʻo fakatapui ʻa [honau] ngaahi faingataʻaʻiá ke hoko ko ha tāpuaki kiate [kinautolu].”

Ke mou lau fekauʻaki mo e ngāue ʻa ha kau taki kehe ʻo e Siasí he funga māmaní, kau ai ʻa ʻEletā M. Lāsolo Pālati ʻi Palāsila, ʻEletā Sefilī R. Hōlani ʻi ʻAfilika Hihifo, ʻEletā Tēvita A. Petinā ʻi he ʻOtu Kalipiané, ʻEletā Kuenitoni L. Kuki ʻi ʻAositelēlia mo Nuʻu Sila, ʻEletā D. Toti Kulisitofasoni ʻi ʻIulope Lotoloto, mo ʻEletā Nila L. ʻEnitasoni ʻi Palāsila, vakai ki he news.lds.org mo e prophets.lds.org.

Naʻe vakai ‘a ‘Eletā Tālini H. ‘Oakesi mo hono uaifi ko Kilitení, ‘a ia naʻá na ngāue fakafaifekau ‘i he Misiona Senitaí, ki he fakalakalaka kuo fakahoko ‘i Siapani talu mei he peau-kula mo e mofuike fakatuʻutāmaki ‘i Māʻasi 2011.

Faitaaʻi ‘e Osamu Sekiguchi