Tuliki Akó

Ngaahi Fakafehoanakí: Fāmilí

‘Oku ‘i ai ha ngaahi tefito mahuʻinga fau ne lea ki ai ha tokolahi ʻi he konifelenisi lahí. Ko e meʻa ʻeni ne lea ki ai e kau lea ʻe toko fā he konifelenisi lahí kau ki he fāmilí. Feinga ke ke maʻu ha ngaahi fakafehoanaki kehe ʻi hoʻo ako e ngaahi lea ʻo e konifelenisí.

• “ʻOku totonu ke mahino ki he husepānití mo e uaifí ko hona ʻuluaki fatongiá—he ʻikai toe toʻo meiate kinaua—ko ʻena fetauhiʻaki pea ki heʻena fānaú foki.”¹—Palesiteni Poiti K. Peeka, Palesiteni ʻo e Kōlomu ʻo e Kau ʻAposetolo ʻe Toko Hongofulu Mā Uá

• “ʻOku fie maʻu ke tau ngāue ʻi he founga totonú! ʻUluaki mali pea toki maʻu fāmili. Kuo ngalo he konga lahi ʻo e māmaní ʻa e fakahokohoko totonu hono fai ʻo ha meʻá pea nau fakakaukau te nau lava ʻo liliu pe fulihi ia.”²—ʻEletā M. Lāsolo Pālati ʻo e Kōlomu ʻo e Kau ʻAposetolo ʻe Toko Hongofulu Mā Uá

• “ʻOku tau ʻilo ʻoku ʻikai haohaoa maʻu pē e ako folofola fakafāmilí mo e efiafi fakafāmili ʻi ʻapí. ʻOua muʻa naʻá ke loto siʻi neongo e ngaahi faingataʻa ʻokú ke fehangahangai mo iá.”³ —ʻEletā Kuenitini L. Kuki ʻo e Kōlomu ʻo e Kau ʻAposetolo ʻe Toko Hongofulu Mā Uá

• “ʻOku mahulu ange ʻa hono akoʻi ke mahino ki heʻetau fānaú ʻi hono ʻoatu pē ʻo ha fakamatalá. Ko hono tokoniʻi ia ʻo ʻetau fānaú ke fakatō ki honau lotó ʻa e tokāteliné.”⁴—Seulolo A. ʻEsipilini, tokoni ua ʻi he kau palesitenisī lahi ʻo e Palaimelí

Maʻuʻanga Fakamatalá

1. Boyd K. Packer, “Pea ʻe Tataki ʻA Kinautolu ʻe he Tamasiʻi Siʻi,” Liahona, Mē 2012, 8.

2. M. Russell Ballard, “Ke Maʻu ʻa Ia Naʻe Molé,” Liahona, Mē 2012, 100.

3. Quentin L. Cook, “Ke Fenāpasi mo e Tuí,” Liahona, Mē 2012, 44.

4. Cheryl A. Esplin, “Ko Hono Akoʻi ke Mahino ki Heʻetau Fānaú,” Liahona, Mē 2012, 10.