Mga Ideya sa Family Home Evening

Kini nga isyu naglangkob og mga artikulo ug mga kalihokan nga mahimong magamit alang sa family home evening. Ang mosunod mao ang pipila ka mga ehemplo.

“Ang Tradisyon sa Kahayag ug Pagpamatuod,” pahina 10: I-summarize ang artikulo ug hunahunaa ang pag-imbitar sa inyong pamilya sa paghimo og biswal nga tabang sa pagpakita sa katuyoan sa scaffolding. Hisguti kon sa unsa nga paagi ang Simbahan mihatag sa inyong pamilya og “scaffolding” aron mas makaabut sa mas taas nga dapit sa pagtukod sa inyong pamilya ug sa ubang mga aspeto sa inyong kinabuhi.

“Mga Propeta sa Panahon sa Pasko,” pahina 20: Human makabasa og daghang mga istorya gikan sa mga kinabuhi sa mga propeta, ikonsiderar ang pipila ka mga kasinatian nga inyong nasinati diin natandog ang inyong mga kinabuhi o mga kinabuhi sa uban sa usa ka espesyal nga kasinatian panahon sa miaging Pasko. Mahimo ninyong hisgutan ang mga paagi sa pagsunod sa mga ehemplo sa atong mga propeta atol niini nga panahon.

“Ang Kaluwasan [Safety] ug Kalinaw sa Pagsunod sa mga Sugo,” pahina 32: Kadtong dunay gagmayng mga bata, mahimong inyong ipa-drawing ang mga tawo nga naghimo og matarung nga mga butang sa dalan padulong sa templo. Ang ubang mga pamilya mahimong mokonsiderar sa pagbasa sa tibuok artikulo ug paghisgot niini, maghatag og gibug-aton nga “ang dalan sa kalipay nagsugod sa … pagmasulundon sa mga sugo.”

“Unsaon sa Paghatag og mga Gasa ngadto ni Kristo,” pahina 48: Basaha pagdungan ang artikulo gikan ni Presidente Henry B. Eyring. Tingali ang inyong mga anak makasulat unsay ilang ganahan nga ihatag ngadto sa Manluluwas alang sa Pasko ug moputos sa ilang mga pasalig isip gasa sa Pasko. Ikonsiderar ang paghisgot sa mga tawo nga ilang nailhan kinsa makagamit og pisikal o epirituhanon nga tabang o ang duha.

“Ang Pag-ampo sa Pasko Natubag,” pahina 68: Basaha ang istorya mahitungod ni Peggy Schonken uban sa inyong pamilya. Mahimong mopakigbahin mo og mga panahon sa dihang nakadawat kamo og mga tubag sa inyong mga pag-ampo ug moawhag sa inyong mga anak sa pagbuhat sa ingon. Ikonsiderar ang pagsubay sa tanang mga tubag sa mga pag-ampo nga nadawat sa inyong pamilya sa panahon sa Pasko.

Pagpamatuod nga walay mga Pulong

Ang akong anak nga lalaki nga si Derek adunay global apraxia, nagpasabut kana nga maglisud siya sa pagsulti. Si Derek ganahan og family home evening ug mogahin og mga bulan sa pag-andam og mga leksyon nga ipakigbahin niya sa iyang pamilya.

Usa sa iyang labing halandumon nga mga leksyon mao ang “Damgo ni Lehi.” Naghigot siya og pisi sa tibuok balay ug sa gawas usab. Gisugdan namo ang leksyon pinaagi sa pagpaminaw sa CD sa himno “I Believe in Christ” ug nagtan-aw sa litrato sa damgo ni Lehi nga gibutang sa lamesa. Dayon gidala kami ni Derek, tagsa-tagsa subay sa pisi.

Samtang kami naglakaw, dihay mga litrato ni Kristo sa usa ka bahin ug mga kalingawan (sama sa radyo, TV, ug mga dula) sa pikas. Nasayud mi nga nakaabut na mi sa tumoy sa dihang among nadungog ang paborito nga musika ni Derek—, “Ako Nasayud Nga Akong Manunubos Buhi.”

Human ang tanan makaagi, gipasalida ni Derek ang DVD The Testaments ug giptan-aw kami sa katapusan, diin si Jesukristo nagpakita ngadto sa mga tawo sa Amerika. Kusog kaayo ang Espiritu samtang ang akong anak nga lalaki mipakita sa iyang pagpamatuod sa Manluluwas nga wala maggamit og bisan unsa nga mga pulong.

Wendy Thompson, USA