Ko Hono ʻOmi ʻo e Palaimelí ki ʻApi
ʻOku ʻOfa ʻa e Tamai Hēvaní ʻIate Au, pea ʻOku ʻI ai ʻEne Palani Maʻaku
ʻE lava ke ke fakaʻaongaʻi e lēsoni mo e ʻekitivitī ko ʻení ke lahi ange ai hoʻo ʻilo ki he kaveinga ʻa e Palaimelí ki he māhina ní.
Naʻe nanamu e taʻo kūkisí lolotonga ia e tokoni ʻa Nataniela ki heʻene kuifefine ʻi hono heu e mahoaʻa kuo taá ki he ʻū kapa taʻo kūkisí. Naʻe malimali ange ʻene kuí kiate ia. Naʻá ne fehuʻi ange, “Ko hai ʻoku ʻofa ʻia koé?”
Naʻe fakakaukau ʻa Nataniela ki hono taʻo maʻu pē ʻe heʻene kuifefiné ʻa e faʻahinga kūkisi naʻe saiʻia taha aí pea ʻi ai pē mo e pepa he naʻá ne ʻilo ʻa e manako ʻa Nataniela he tā fakatātaá. Naʻá ne tali ange, “Ko koe.”
Naʻe talaange ʻe heʻene kuifefiné, “Moʻoni ia. Kuo taimi lōloa ange ʻeku ʻiloʻi koé ʻi ha toe taha tuku kehe pē hoʻo faʻeé mo hoʻo tamaí. Ka ʻoku ʻi ai ha tokotaha kehe kuo fuoloa ange ʻene ʻiloʻi koé ʻiate au.”
Ne fehuʻi ange ʻe Nataniela, “He ko toe hai?”
Naʻe pehē ange ʻe heʻene kuifefiné, “Ko ha tokotaha naʻe ʻofa ʻiate koe kimuʻa peá ke toki haʻu ki he māmaní.”
“ʻOi, ko hoʻo ʻuhingá ki he Tamai Hēvaní,” ko Nataniela ange ia.
Naʻe “ʻIo” ange ʻene kuifefiné mo fāʻofua ʻia Nataniela.
Naʻá ne malimali. Naʻá ne ongoʻi māfana ʻi hono lotó ʻi heʻene ʻiloʻi naʻe ʻofaʻi iá.
Te ke ako lahi ange he taʻú ni ʻi he taimi feʻinasiʻakí ʻo kau ki he moʻoni fakaʻofoʻofa ko ia ko ha fānau koe ʻa e ʻOtuá. ʻOku ʻiloʻi pea ʻoku ʻofa ʻa e Tamai Hēvaní ʻiate koe. ʻOku ʻi ai ʻEne palani ke tokoniʻi koe ke ke toe foki ange ʻo nofo mo Ia ʻi ha ʻaho.
Ngaahi tā fakatātā ʻa Becky Fawson; toʻohemá: fakatātā siʻisiʻi ʻi lotó naʻe tā ʻe Phyllis Luch