Tohi ki he ʻĒtitá

Ko e Ngāue Totonu ʻo e ʻAloʻofá

Ne ongo ʻaupito kiate au ha ongo fakamatala ʻi he makasini ʻo ʻEpeleli 2012: ko e fakamatala ʻa ʻEletā Tēvita A. Petinā, “Ko e Fakaleleí pea mo e Fononga Fakamatelié” (peesi 12), mo e fakamatala ʻa Kulisiteni Nikolo Kātoni ko e “ʻAloʻofa Fakaofó” (peesi 10). Ne fakaʻofoʻofa hono tali ʻeku ngaahi fehuʻi kau ki he ngāue ʻo e ʻaloʻofá ʻi heʻetau moʻui fakamatelié mo ʻetau tulifua ki he moʻui taʻengatá. ʻOku ou fakamālō ko e ongo fakamatalá ni—kuó na fakalahi ʻa e mahino ʻoku ou maʻú, pea ʻoku ou toutou fakalaulauloto pē ki ai.

ʻImanuela ʻAtu-Siami, Kana

Fakatonutonu

ʻI he Pōpoaki ʻa e Kau Palesitenisī ʻUluakí ʻi Sānuali 2012, “Ko e Moʻui Mahutafeá,” ne ʻikai ke mau fakahā atu ko e lea ai naʻe fai ia ʻe Mei Ane Latimasa. ʻOku maʻu e leá he peesi 5 ʻo e Liahoná. ʻOku pehē ʻi he lea totonu ʻa Mīsisi Latimasa, “Taimi ʻe niʻihi ko e loto toʻá ʻa e kiʻi leʻo ko ia ʻoku pehē mai ʻi he fakaʻosinga ʻo e ʻahó, ʻTe u toe feinga pē ʻapongipongi.’” ʻOku hā ʻeni ʻi he Courage Doesn’t Always Roar (2009) mo e ngaahi tohi kehe pē. ʻOku mau kole fakamolemole atu ʻi he taʻomia ʻiate kimautolú.