Tuliki ki he Akó

Ngaahi Fakafehoanakí: Ko e Ului Moʻoní

Ne lea ha kau lea tokolahi ʻi he konifelenisi lahí ki he niʻihi ʻo e ngaahi kaveinga mahuʻinga tahá. Ko e meʻa ʻeni ne lea ki ai e kau lea ʻe toko fā he koinifelenisi lahí kau ki he ului moʻoní. Feinga ke ke maʻu ha ngaahi fakafehoanaki kehe ʻi hoʻo ako e ngaahi lea ʻo e konifelenisí.

• “[ʻOku kau he] ului moʻoní … ha tukupā ʻi he ʻiloʻi lelei ke hoko ko ha ākonga ʻa Kalaisi.”¹ —ʻEletā David A. Bednar ʻo e Kōlomu ʻo e Kau ʻAposetolo ʻe Toko Hongofulu Mā Uá.

• “ʻOku tau palōmesi ʻi hotau papitaisó ke toʻo kiate kitautolu “ʻa e huafa ʻo [Sīsū] Kalaisí, pea fakapapau ke tauhi kiate ia ʻo aʻu ki he ngataʻangá.’ [Molonai 6:3; ko e toki tānaki atu hono fakamamafaʻí.]. ʻOku fie maʻu ki he fuakava ko ʻení ha feinga ʻi he loto- toʻa, tukupā, mo e angatonu.”² —ʻEletā Quentin L. Cook ʻo e Kōlomu ʻo e Kau ʻAposetolo ʻe Toko Hongofulu Mā Uá

• “Ko e kau muimui kitautolu hotau Fakamoʻui ko Sīsū Kalaisí. Ko e faʻahinga ului mo e falala peheé ko e ola ia ʻo e ngāue ʻosikiavelenga mo fakamātoato. ʻOku fakafoʻituitui ia. Ko ha ngāue ia he moʻuí kotoa.”³ —Ann M. Dibb, tokoni ua ʻi he kau palesitenisī lahi ʻo e Kau Finemuí

• “Ko e taimi ko ia ‘e lakasi ai he‘etau fakamo‘oní ‘a e me‘a ‘oku ‘i hotau ‘atamaí, pea tō loloto ia ‘i hotau lotó, ‘e toki lava ai he‘etau holi ke tau ‘ofa mo tokoní ke hangē ko e Fakamo‘uí.”⁴ —ʻEletā M. Russell Ballard ʻo e Kōlomu ʻo e Kau ʻAposetolo e Toko Hongofulu Mā Uá

Maʻuʻanga Fakamatalá

1. David A. Bednar, “Ului ki he ʻEikí,” Liahona, Nōvema 2012, 107.

2. Quentin L. Cook, “ʻOku Mou Lava ke Ongoʻi Pehē Nai he Taimí ni?” Liahona, Nōvema 2012, 9.

3. Ann M. Dibb, “ʻOku ou ʻIlo ia. ʻOku ou Moʻui ʻaki Ia. ʻOku ou ʻOfa Ai,” Liahona, Nōvema 2012, 10.

4. M. Russell Ballard, “Ke Mou Femo‘uekina ‘i he Ngāue Leleí,” Liahona, Nōvema 2012, 30.