Ko ʻEtau Pēsí

Naʻe tupu hake ʻa Kalolaina L., taʻu 11, mei Venesuelá ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní pea naʻá ne fie maʻu maʻu pē ke ʻalu ki he Temipale Kalākasi Venesuelá. Naʻá ne fuofua ʻaʻahi ki he temipalé ʻi Māʻasi 2012. Naʻá ne fiefia ʻaupito ai.

ʻOku ʻi ai hoku fāmili makehe. ʻOku houa e ono e ʻalu ki he lotú mei homau ʻapí, ka ʻoku mau ʻalu ʻi he taimi ʻe lava aí. ʻOku tāpuakiʻi ʻe heʻeku tamaí e sākalamēnití maʻamautolu ʻi he Sāpate kotoa pē, pea akoʻi au ʻe heʻeku faʻeé ʻi he Palaimelí. ʻOku mau ō tuʻo taha he taʻu ki he Temipale Lesafī Palāsilá. Te u ʻalu ʻo ngāue fakafaifekau ʻi he taimi ʻoku ou fuʻu lahi feʻunga aí. ʻOku ou ako e folofolá mo lotu ʻi he ʻaho kotoa pē. ʻOku ou feinga ke fiefia e Tamai Hēvaní ʻaki ʻeku hoko ko ha tamasiʻi lelei. ʻOku ou ʻofa lahi he ongoongoleleí.

Kēvini L., taʻu 8, Palāsila

Naʻá ku fiefia mo ʻeku tamaí pea mo hoku tuongaʻane ko Laiení ʻi he taimi naʻá ku ʻalu ai ki he temipalé, kae ʻalu ʻeku faʻeé mo hono kaumeʻá ki he sēsiní. Naʻá ku loto ʻapasia ʻaupito ʻi heʻeku ʻi he loki talitali ʻo e temipalé. Naʻá ku fiefia ke ʻi he fale ʻo e Tamai Hēvaní pea ke u ongoʻi ʻEne ʻofá mo ʻEne angaleleí ʻi he Laumālié. ʻOku ou ʻofa ʻi he fale ʻo e ʻEikí.

Sosi M., taʻu 6, Kosita Lika

ʻOku ou saiʻia mo hoku kiʻi tokoua ko ʻŌmeká ke sio he temipalé. ʻI he taimi ʻoku ʻaʻahi ai homau uōtí ki he Temipale Monitelei Mekisikoú, ʻoku mau mavahe tuʻuapō pea mau fononga he houa ʻe ono ke aʻu ki ai. ʻOku ou ʻilo ko e temipalé ʻa e feituʻu ʻe lava ke hoko ai e ngaahi fāmilí ʻo taʻengatá. ʻE vave pē haʻamau hiki ki Takisitala Katilesi. ʻOku ʻi ai ha temipale ai, pea te mau lava ʻo toutou ʻaʻahi ki ai. ʻOku ou fakamālō koeʻuhi ko e ngaahi temipalé.

Hēlemi N., taʻu 4, Mekisikou

Sōlini S., taʻu 6, Palāsila

Ko ha tā fakatātā ʻeni ʻo e Temipale ʻAsanisioni Palakuaí. ʻOku ou fiefia ʻaupito he ʻe vave pē taimi ʻe silaʻi ai kimautolu ko ha fāmili taʻengata. ʻOku ou fakamālō ki he Tamai Hēvaní ʻi heʻene foaki mai kiate au ha fāmilí.

ʻEniselō N., taʻu 5, Palakuai

ʻI he taimi naʻá ku hū ai ʻi he Temipale Kuetisolotenako Kuatemalá, naʻá ku ongoʻi ʻa e nonga lahi. Naʻá ku ongoʻi fiefia lahi lolotonga hono fakatapuí. Naʻe ongo ʻaupito ki hoku lotó e ngaahi lea naʻe faí.

Uani G., taʻu 11, Kuatemala