Kātoangaʻi Fiefia ʻo e Temipalé!
ʻOku nofo ʻa Taasi Seniseni ʻi Kalefōnia, USA.
Ko e taimi naʻe ʻosi ai ʻa e Temipale Sōlekí ʻi he 1893, naʻe fiefia ʻa e Kau Māʻoniʻoni ʻi he Ngaahi ʻAho Kimui Ní. Naʻe taʻu e ʻe 40 ʻenau langa ʻa e temipalé. Naʻe fakakaukau ʻa Palesiteni Uilifooti Utalafi ke fakahoko ha ngaahi fakatahaʻanga ʻe nima ke kau ai ʻa e fānaú, he naʻe foaki ʻe he fānaú ha paʻanga ke tokoni ʻi hono langa ʻo e temipalé.
ʻOku ʻuʻufi ʻa e māmaní ʻe he ngaahi temipalé he ʻahó ni, pea ʻoku kei kātoangaʻi pē ʻe he fānaú e ʻosi e ngaahi temipalé. Vakai ki he anga ʻo e kau atu ʻa e fānaú he taimi ko iá pea mo e taimi ní.
Ne laka hake ʻi ha fānau ʻe 12,000 naʻe omi ki hono fakatapui ʻo e Temipale Sōlekí. Naʻe heka lēlue mai e fānau ko ʻeni mei he Uooti Suka Hausí.
Naʻe fakaʻatā ʻe he tikite ko ʻení ʻa e fānaú ʻo aʻu ki he taʻu 16 ke nau kau ʻi he ngaahi ouau fakatapui ʻo e Temipale Sōlekí. Naʻe lea ʻa e kau ʻAposetoló mo e Kau Palesitenisī ʻUluakí ki he fānau ʻi he loto temipalé.
ʻOku faʻa toe fakatapui he taimi ʻe niʻihi ʻa e ngaahi temipalé hili hano fakaleleiʻi. Naʻe hiva mo toʻo ʻe he fānau Palaimelí ʻenau ngaahi māmá ʻi he faiva naʻá ne fakamanatua hono toe fakatapui ʻo e Temipale ʻEngukulisi ʻAlasikaá.
Ne fokotuʻu ʻe he fānau Palaimeli mei he Siteiki Kilipati ʻAlesona Hailení ha taumuʻa ke tokoniʻi ha taha ʻi honau uōtí ʻi he uike kotoa pē ne langa ai ʻa e Temipale Kilipati ʻAlesoná.
Ko e taimi naʻe langa ai ʻa e Temipale Seni Tieko Kalefōniá, naʻe ngaohi ʻe he fānau Palaimeli mei Mekisikoú ha holoholoʻanga fakalanulanu moʻo e temipalé. Naʻe tuʻu ʻa e Kau Taki Māʻolungá ʻi he holoholoʻangá ʻi he lolotonga ʻo e ouau ʻo e makatulikí ʻi he fakatapuí.
Naʻe heka meʻalele ʻa e fānau Palaimeli ʻi Manitopa, Kānatá, ʻi ha houa ʻe tolu ki he Temipale Lesina Sasikatesiuaní ke ala ki he holisí mo tukupā ke hū ki ai ha ʻaho.
Naʻe talitali ʻe he fānau Palaimeli ʻi he Temipale Kiivi ʻIukuleiní ʻa e kau ʻaʻahi ki he ʻoupeni hausí ʻaki haʻanau hivaʻi ʻa e “Fie Siofia e Temipalé.”
Naʻe laka hake ʻi ha fānau Palaimeli ʻe 800 mei he Fakahihifo ʻo ʻAfiliká naʻa nau hivaʻi ʻa e “Fānau Au ʻa e ʻOtuá” ʻi he kātongaʻi fakafonua ki muʻa pea fakatapui ʻa e Temipale ʻAkalā Kaná.
Ko e temipale kotoa pē ʻoku ʻi ai hano makatuliki ʻoku tuʻu ai ʻa e taʻu naʻe fakatapui aí. ʻI hono fakatapuí, ʻoku silaʻi ʻe he Kau Taki Māʻolungá ʻa e makatulikí ʻaki ha sima. ʻAisake B., taʻu 9, ʻi heʻene tokoni ke ʻai e simá ki he makatuliki ʻo e Temipale Kenisesi Siti Mīsulí.
Naʻe hiva ʻa e fānau Palaimelí kia Palsiteni Kōtoni B. Hingikelī ʻi he taimi ne tūʻuta ai ke fakatapui ʻa e Temipale ʻApa Naisīliá.
Ngaahi taá (mei toʻohemá): ʻi he angalelei ʻa e Siteiki Kilipati ʻAlesona Hailení; angalelei ʻa e Church History Library; angalelei ʻa Richard N. Holzapfel; faitaaʻi ʻe Lynn Howlett; faitaaʻi ʻe Mabel mo Delbert Palmer; angalelei ʻa Russell K. Anderson; faitaaʻi ʻe David M. W. Pickup; faitaaʻi ʻe Lori Garcia; faitaaʻi ʻe Gerry Avant; faitaaʻi ʻe Julie Dockstader Heaps; tā fakatātaaʻi ʻe Brad Teare