ʻI he Fonongaʻangá
Feituʻu Naʻe Fokotuʻu ai ʻa e Siasí
Haʻu ke tau kumi ha feituʻu mahuʻinga ʻi he hisitōlia ʻo e Siasí!
Kapau ʻoku fie sio ʻa Meki mo Lili E. ʻi he feituʻu naʻe ʻuluaki fokotuʻu ai ʻa e Siasí, ʻoku ʻikai fie maʻu ia ke na fekumi mamaʻo. ʻOku hoko atu pē ia ki he falelotu ʻi Feieti, Niu ʻIoké, ʻa ia ʻokú na maʻu lotu ai he Sāpate kotoa pē!
Naʻe ʻikai fokotuʻu ʻa e Siasí ia ʻi ha falelotu, ka ʻi ha fale ʻakau. Naʻe haʻu ʻa e Palōfita ko Siosefa Sāmitá ke nofo ai mo e fāmili Uitemaá ʻi he 1829. ʻOku ʻikai ke kei tuʻu ʻa e ʻuluaki falé, ka ʻoku tuʻu ʻa e fale ʻakau ko ʻení ʻi he feituʻu tatau.
ʻOku ʻi ai ha senitā takimamata ʻi he falelotu ʻoku maʻulotu ai ʻa Meki mo Lilí, ʻoku ʻi ai ha ngaahi fakaʻaliʻali fekauʻaki mo e ʻapi ʻo e fāmili Uitemaá pea mo ha ngaahi meʻa mahuʻinga naʻe hoko ai.
1. Naʻe fakaʻosi heni hono liliu ʻe Siosefa Sāmita e Tohi ʻa Molomoná.
2. Naʻe mamata ʻi tuʻa, ʻo ʻikai mamaʻo mei he falé, ha kau tangata ʻe toko tolu ki he ʻāngelo ko Molonaí mo e ngaahi lauʻi peleti koulá. ʻOku ui kinautolu ko e Kau Fakamoʻoni ʻe Toko Tolú koeʻuhí he naʻa nau fakamoʻoniʻi, pe sio tonu ʻi he ngaahi lauʻi peletí. Te ke lava ʻo maʻu ʻenau fakamoʻoní ʻi muʻa ʻi he Tohi ʻa Molomoná.
3. ʻI he ʻaho 6 ʻo ʻEpeleli 1830, ne omi ha kakai ʻe 60 nai ki ha fakataha makehe. Naʻe fokotuʻu fakalao ai ʻe Siosefa Sāmita ʻa e Siasí, pea tāpuakiʻi mo e sākalamēnití ʻo tufa. Ko e fuofua houalotu sākalamēnití ʻeni!
4. ʻI he ʻosi pē ʻa e fakatahá, ne papitaiso leva ʻi tuʻa ʻa e ongomātuʻa ʻa Siosefa Sāmitá mo ha niʻihi kehe.
Ngaahi Faitā ʻa Brent Walton; tā fakatātaaʻi ʻe Robert T. Barrett © IRI; Houalotu ʻo e Siasí, tā ʻe Robert T. Barrett, ʻikai ngofua ke hiki hano tatau