Ko e Fakaleleiʻi ʻe Meki mo Mia ʻa e ʻAhó
Ne teuteu ʻa Meki ke ne faʻifaʻitaki ha toʻa. Naʻá ne tui hono falani kulokulá. Tui mo hono pulupulu fakatoʻá. Pea ʻalu leva ki he loki hono kiʻi tuofefiné.
Talaange ʻe Meki, “Haʻu, Mia. Ta ō ʻo fakaleleiʻi e ʻahó!”
Ne ō leva ʻa Meki mo Mia ki he loto loki talitalí. Naʻá na fakatokangaʻi ha kato fonu vala.
“Te mo lava ʻo tokoni mai?” Ko e kole ange ia ʻa e Fineʻeikí.
Pehē ange ʻa Meki, “ʻIO. Peá ta toki ō leva ke fakaleleiʻi ʻa e ʻahó.”
Naʻe tokoni ʻa Meki mo Mia ki he fineʻeikí ʻo pelu ʻo e valá pea fetuku kinautolu ʻo tuku.
Pea fakatokangaʻi ʻe Meki ha veve naʻe ʻi he falikí. Talaange ʻe Meki, “Ta tufi ʻa e vevé kotoa. Peá ta toki ō leva ʻo fakaleleiʻi ʻa e ʻahó.”
Ne lele takai ʻa Meki mo Mia ʻi he falé. Naʻá na fetuku kotoa ʻa e veve naʻá na lava ʻo maʻú.
Naʻá na fakatokangaʻi e Fineʻeikí ʻokú ne tafi ʻa e falikí. Talaange ʻe Meki, “Te ma lava ʻo tokoni atu.”
Ne puke ʻe Mia ʻa e meʻa tānaki efú kae tafi ʻe Meki ʻa e falikí.
Pehē ange leva ʻa Meki, “Ta ō ā ʻo fakaleleiʻi ʻa e ʻahó.”
Ne vakai takai e Fineʻeikí ʻi he fale kuo maʻá. Pea fāʻofua leva kia Meki mo Mia. “ʻOku ou tui kuó mo ʻosi fakahoko ia!”
Ngaahi tā fakatātā ʻa Elise Black