នៅតាមផ្លូវ
កន្លែងដែលសាសនាចក្រត្រូវបានរៀបចំឡើង
ចូរមកតាមយើងដើម្បីស្វែងរកទីតាំងសំខាន់មួយ នៅក្នុងប្រវត្តិសាស្ត្ររបស់សាសនាចក្រ !
បើសិន មែគគី និង លីលី អ៊ី. ចង់ឃើញកន្លែងដែលសាសនាចក្រត្រូវបានរៀបចំឡើងលើកដំបូង នោះពួកគេមិនត្រូវទៅរកឯណានោះទេ ។ វានៅខាងស្តាំដៃក្បែរទៅនឹងសាលាប្រជុំនៅក្នុងតំបន់ ហ្វាយិត រដ្ឋ នូវយ៉ក ជាកន្លែងដែលពួកគេទៅព្រះវិហារជារៀងរាល់ថ្ងែអាទិត្យ !
សាសនាចក្រមិនត្រូវបានរៀបចំឡើងនៅក្នុងអគារព្រះវិហារនេះទេ ប៉ុន្តែនៅក្នុងផ្ទះឈើហ៊ុបមួយ ។ ព្យាការី យ៉ូសែប ស្ម៊ីធ បានមកស្នាក់នៅទីនោះជាមួយគ្រួសារ វិតមើរ នៅក្នុងឆ្នាំ 1829 ។ ផ្ទះពីដើមគឺលែងមានតទៅទៀតហើយ ប៉ុន្តែខ្ទមឈើហ៊ុបនេះគឺដាក់តាំងនៅកន្លែងដដែល ។
អគាររបស់សាសនាចក្រដែល ម៉ែគគី និង លីលី ទៅចូលរួមព្រះវិហារនោះ មានមជ្ឈមណ្ឌលរបស់ពួកអ្នកទស្សនាដែលដាក់តាំងមានរួមទាំងផ្ទះរបស់ វិតមើរ និង រឿងពិសេសទាំងឡាយដែលបានកើតមាននៅទីនោះ ។
1. យ៉ូសែប ស្ម៊ីធ បានបញ្ចប់ការបកប្រែព្រះគម្ពីរមរមននៅទីនេះ ។
2. នៅខាងក្រៅមិនឆ្ងាយពីផ្ទះរបស់គាត់ នោះមានបុរសបីនាក់បានឃើញទេវតា មរ៉ូណៃ និង ផ្ទាំងមាស ។ ពួកគេត្រូវបានហៅថា ជាពួកសាក្សីបីនាក់ដោយសារពួកគេបានធ្វើទីបន្ទាល់ ឬ បានឃើញផ្ទាំងទាំងនោះ ។ អ្នកអាចស្វែងរកទីបន្ទាល់របស់ពួកគេនៅផ្នែកខាងមុខនៃព្រះគម្ពីរមរមន ។
3. នៅថ្ងៃទី 6 ខែ មេសា ឆ្នាំ 1830 មានមនុស្សប្រហែលជា 60 នាក់បានមកចូលរួមការប្រជុំពិសេសមួយ ។ យ៉ូសែប ស្ម៊ីធ បានរៀបចំសាសនាចក្រជាផ្លូវការណ៍ ហើយពិធីសាក្រាម៉ង់ត្រូវបានប្រសិទ្ធិពរ និង បានចែកដល់ពួកគេ ។ នេះគឺជាការប្រជុំពិធីសាក្រាម៉ង់ជាលើកដំបូង !
បន្ទាប់ពីការប្រជុំភ្លាម នោះឪពុកម្តាយរបស់ យ៉ូសែប ស្ម៊ីធ និង មនុស្សមួយចំនួនផ្សេងទៀតត្រូវបានទទួលបុណ្យជ្រមុជទឹកនៅទីធ្លាខាងក្រៅ ។
រូបភាពទាំងឡាយដោយ ប្រិន វ៉លតុន, រចនារូបភាពនានាដោយ រ៉ូប៊ឺត ធី. បារិត © IRI, ការរៀបចំនៃសាសនាចក្រដោយ រ៉ូប៊ឺត ធី. បារិត, ហាមថតចម្លង